Ամեն ինչ հեծանիվով և ինքնագլորով առաքումների մասին

Հեծանիվով և ինքնագլորով դուք ավելի արագ կտեղաշարժվեք և ավելի շատ պատվերներ կատարելու ժամանակ կունենաք, քան ոտքով, ինչը նշանակում է, որ ձեր եկամուտն ավելի բարձր կլինի:

Ինչպես միացնել հեծանիվով կամ ինքնագլորով առաքումը

Որպեսզի համակարգը ձեզ համապատասխանող պատվերների ընտրությունն ավելի լավ կատարի, միացրեք «Առաքում հեծանիվով/ինքնագլորով» տարբերակը:

Դրա համար մուտք գործեք Yandex Pro-ի պրոֆիլ → Սակագների տարբերակներ և համապատասխան տարբերակի դիմաց գտնվող փոխարկիչը դեպի աջ սահեցրեք։ Դրանից հետո դուք պետք է հեծանիվով պատվերներ կատարելու վերաբերյալ դասընթաց անցնեք։ Դասընթացի շնորհիվ դուք կիմանաք՝ ինչպես հեծանիվ վարել, ինչպես նախապատրաստել ուղևորությանը և սպասարկել այն, ինչպես կայանել և ինչ անել ՃՏՊ-ի դեպքում:

Ինչպես անվտանգ վարել

Պատվերներից առաջ ստուգեք հեծանիվը։ Երթուղագիծ դուրս գալուց առաջ համոզվեք, որ հեծանիվի հետ ամեն բան կարգին է։ Անվադողերի ճնշումը, ղեկը, արգելակները, շղթան, նստատեղի բարձրությունը պետք է կարգավորված և լավ աշխատանքային վիճակում լինեն, որպեսզի կարողանաք անվտանգ և հարմարավետ վարել:

Նույնիսկ ցերեկային ժամերին պատվեր կատարելու ընթացքում միշտ միացրեք առջևի և հետևի լուսարձակները։ Այդ կերպ ճանապարհներին դուք ավելի տեսանելի կլինեք, իսկ վթարի ենթարկվելու հավանականությունն ավելի փոքր կլինի:

Տեղաշարժվեք թույլատրելի վայրերով։ Կան հետևյալ տարբերակները․

1. Հեծանվաուղով կամ հեծանվորդների գոտիով։

2. Երթևեկելի գոտու աջակողմյա շարքով։ Ըստ կանոնների՝ հեծանվորդները ճանապարներին հենց այդպես են շարժվում։

3. Փորձեք չվարել հետիոտնի համար նախատեսված մայթով, բայց եթե մոտակայքում վերոնշյալ գոտիներից ոչ մեկն առկա չէ, կարող եք վարել մայթով:

Հիշեք․ հեծանվորդներն ավտովարորդներին հավասար ճանապարհային երթևեկության լիիրավ մասնակիցներ են: Միշտ զգոն եղեք. հետիոտներն ու վարորդները կարող են չնկատել ձեզ, ինչպես նաև հանկարծակի կանգ առնել կամ շրջվել ձեր ուղղությամբ:

Ձեռքերով ցույց տվեք ձեր ընթացքի փոփոխությունները։ Շարժման ուղղությունը փոխելուց առաջ համոզվեք, որ տեսանելի եք, և նվազեցրեք արագությունը։

Դեպի աջ շրջվելիս կողքի վրա տարածեք աջ ձեռքը։ Եթե ​​մեքենաների մի մասն աջ է շրջվում, իսկ դուք պետք է ուղիղ ընթանաք, վարեք ուղիղ՝ առանց լրացուցիչ ազդանշանների, բայց միայն այն բանից հետո, երբ համոզվեք, որ աջակողմյա շարքից առաջ շարժվելն արգելված չէ, և վարորդները ձեզ թույլ են տալիս անցնել։

Թույլատրվում է դեպի ձախ շրջվել միայն այն դեպքում, երբ ճանապարհին մեկ երթևեկելի գոտի կա։ Եթե այ գոտիները մի քանիսն են կամ փողոցում տրամվայի համար նախատեսված հատված կա, դեպի ձախ շրջվեք միայն հետիոտնային անցումով:

Եթե շտապ կանգ առնելու անհրաժեշտություն է առաջացել, այդ մասին զգուշացրեք ճանապարհային երթևեկության մյուս մասնակիցներին՝ բարձրացնելով ձեր ձեռքը:

Խորհուրդ. աշխատեք հեռախոսի բռնակ օգտագործել, որպեսզի վարելիս ձեր ձեռքերը լինեն ղեկին, և հետիոտնի կամ մեքենայի կողմից նկատված չլինելու դեպքում կարողանաք արագ արգելակել:

Ուշադրություն դարձրեք նշաններին։ Մտապահեք, թե ինչ փողոցով եք շարժվում՝ գլխավոր, թե երկրորդական։ Դա կօգնի անվտանգ անցնել խաչմերուկները։

Հետիոտնային անցումով վարել չի կարելի. ճանապարհն անցնելիս պետք է իջնել հեծանիվից և տանել այն ձեր կողքով:

Ուշադիր եղեք բակերում։ Միշտ նվազեցրեք արագությունը և հատկապես զգույշ եղեք տների մերձակայքում և բակերում․ այնտեղ կարող են շատ հետիոտներ, երեխաներ և կենդանիներ լինել։ Բակ մտնելիս զանգ մի օգտագործեք․ այն կարող է վախեցնել երեխաներին և շներին:

Որտեղ և ինչպես կայանել

Երբ ժամանակավորապես բացակայելու անհրաժեշտություն կա, հեծանիվը կայանեք և կողպեք, որպեսզի այն չգողանան: Փորձեք ամրացնել այն անշարժ շինվածքների վրա․ դա կարող է ճաղավանդակ, ցանկապատ կամ հեծանիվների կայանատեղի լինել։ Ապահովության համար կողպեքն անցկացրեք շրջանակի և առջևի անիվի միջով:

Եթե ​​հեծանիվը կայանելու տեղ չեք գտնում, պարզապես կողպեքն անցկացրեք շրջանակի և անիվի միջով. այդ դեպքում ոչ ոք չի կարողանա վարել այն: Արգելվում է հեծանիվը կապել միայն անիվից կամ այն առանց կապելու թողնել հեծանիվների կայանատեղիում։

Ինչ անել ՃՏՊ-ի կամ հետիոտնին բախվելու դեպքում

Առաքման ժամանակ ամեն բան կարող է պատահել, անգամ՝ ՃՏՊ։ Ինչ անել, եթե հայտնվել եք նման իրավիճակում․

• Խուճապի մի´ մատնվեք։

• Համոզվեք, որ ձեր և պատահարի մյուս մասնակիցների մոտ ամեն ինչ կարգին է։

• Եթե ​​ամեն ինչ կարգին է, և ոչ դուք, ոչ մյուս մասնակիցը որևէ բողոք չունեք, ապա հանգիստ հեռացեք։

Եթե լուրջ ՃՏՊ է տեղի ունեցել, ձեզանից մեկը տուժել է, հեծանիվը կոտրվել է, և արդյունքում դուք չեք կարող շարունակել առաքումը.

• Yandex Pro հավելվածով գրեք աջակցության ծառայությանը։

• Զանգահարեք շտապ օգնություն՝ 03 կամ 103։

• Զանգահարեք ոստիկանություն՝ 102։