Ինչ է վարկանիշը

Վարկանիշը ցույց է տալիս, թե ինչպես են օգտատերերը գնահատում ձեր ծառայությունները։ Նրանք 1-ից 5 գնահատականներ են տալիս, որից հետո միջին միավորը հաշվարկվում է ստորև բերված բանաձևի համաձայն։

Պատվերների հասանելիությունը կախված է վարկանիշից։ Մենք ցանկանում ենք, որ օգտատերերը գոհ մնան ծառայության որակից, այդ պատճառով ավելի բարձր վարկանիշ ունեցող առաքիչներն առաջնահերթության լրացուցիչ բալեր և ավելի շատ պատվերներ են ստանում։

Ինչպես է հաշվարկվում վարկանիշը

Վարկանիշը կազմվում է վերջին 150 գնահատականներից։ Որքան «թարմ» է գնահատականը, այնքան ավելի շատ է այն ազդում վարկանիշի վրա։

Եթե վերջին գնահատականը ցածր է, վարկանիշը կարելի է ուղղել։ Դրա համար անհրաժեշտ է շատ պատվերներ կատարել և դրանց դիմաց բարձր գնահատականներ ստանալ։

Վարկանիշը թարմացվում է օրը մեկ անգամ։

Ինչպես հետևել վարկանիշին

Վարկանիշը կարելի է տեսնել պրոֆիլի մեջ։ Դրա համար սեղմեք Yandex Pro-ի գլխավոր էկրանի վերին աջ անկյունում գտնվող կոճակը: Ձեր անվան տակ՝ աջ կողմում, կտեսնեք վարկանիշը:

Եթե ​​վարկանիշը սկսի ընկնել, Yandex Pro-ում ծանուցում կստանաք։

Ինչու՞ է նվազում վարկանիշը

Վարկանիշը նվազում է, եթե օգտատերերը դժգոհ են առաքիչի կատարած աշխատանքից: Օրինակ, եթե նա․

• «Դռնից դուռ» պահանջ ներառող պատվերի դեպքում առաքանին չի հասցրել դռան մոտ, և օգտատերը ստիպված է եղել անձամբ մոտենալ առաքիչին,

• հարկ եղածից շուտ է միացրել «Տեղում եմ», «Առաքանին ստացել եմ», «Առաքանին հանձնել եմ» կարգավիճակները,

• չի պատասխանել օգտատերերի զանգերին,

• առաքանու առաքումը երկար է տևել,

• կոպտել է։

Ինչպե՞ս բարձրացնել վարկանիշը

Սովորաբար օգտատերերը բարձր գնահատականներ են տալիս, երբ առաքիչը պատվերը ժամանակին է առաքել, հարգալիր է եղել և կատարել է մեկնաբանություններում նշված ցանկությունները։

Ահա բարձր գնահատականներ ստանալուն վերաբերող մի քանի խորհուրդ․

• Մի մոռացեք ողջունել և հրաժեշտ տալ։

• Օգտատերերին դիմեք «դուք»-ով։

• Ժպտացեք․ ընդհանուր տպավորության վրա ազդում է նաև ձեր տրամադրությունը:

• Կարդացեք պատվերներին կցված մեկնաբանությունները և հետևել դրանց: Եթե ​​գրված է «Դռան զանգը չխփել», թակեք դուռը․ հնարավոր է՝ բնակարանում քնած երեխա կա, և զանգը կարող է արթնացնել նրան:

• Մանրը վերադարձնելու համար ձեզ մոտ կանխիկ գումար պահեք։

• Հեռախոսը լիցքավորված պահեք։

• Կոկիկ հագնվեք և պատվերները մի կատարեք սպորտային կամ լողափնյա զգեստով։

• Պետք չէ պատվերի հետ չառնչվող խոսակցություններ սկսել կամ մեկնաբանություններ թողնել: Այդ կերպ դուք չեք վատնի ձեր ժամանակը և կխուսափեք պատահական ընդհարումից։

• Մի խնդրեք հաճախորդներին, որ ձեզ բարձր գնահատական դնեն։ Եթե ​​ամեն ինչ ճիշտ եք արել, ամենայն հավանականությամբ, օգտատերն ինքը կցանկանա գնահատական դնել:

Ի՞նչ վարկանիշ պետք է ունենալ պատվերների հասանելիությունը չկորցնելու համար

Առաքիչները պատվերներ են ստանում, եթե նրանց վարկանիշը 4.8-ից մինչև 5 է։ Երբ ​​վարկանիշն իջնում է 4.8-ից, սահմանափակվում է պատվերների հասանելիությունը, և առաքիչի համար սակագինն անջատվում է:

Եթե ծառայությունների մուտքը սահմանափակվել է ցածր վարկանիշի պատճառով, ապա նոր պատվերներ ստանալու համար պետք է կրկին միացնել սակագինը։ Դրա համար՝

• Yandex Pro-ի պրոֆիլում մուտք գործեք «Սակագներ» և տեղաշարժեք համապատասխան սակագնի փոխարկիչը,

• դիտեք վարկանիշը,

• թեստ անցեք։

Եթե հաջողությամբ անցել եք թեստը, ձեր հասանելիությունը ժամանակավորապես կվերականգնվի 6 ամսով։ Այդ ընթացքում անհրաժեշտ է 150 պատվեր կատարել և վարկանիշը հասցնել 4․85-ի։

Եթե ​​այդ ժամանակահատվածում վարկանիշը շարունակի ընկնել և իջնի 4,7-ից, պատվերների ժամանակավոր հասանելիությունը կրկին կսահմանափակվի։ Հասանելիությունը հնարավոր կլինի վերականգնել վեց ամիս հետո։

Եթե ​​դուք ձախողել եք թեստը, պատվերների հասանելիությունը կարգելափակվի վեց ամսով: