Մեկ ուղարկողով և մեկ ստացողով պատվերներ

«Առաքիչ» և «Առաքում» սակագների դեպքում անհրաժեշտ է առաքել առցանց խանութներից կատարված գնումները և Yandex Go-ի օգտատերերի պատվերները ․ սովորաբար դրանք փաստաթղթեր, բանալիներ, նվերներ կամ մոռացված իրեր են։ Կարելի է նաև սնունդ առաքել ռեստորաններից և մթերային խանութներից. դրա համար անհրաժեշտ կլինի ջերմատուփ ունենալ:

Մանրամասն ներկայացնենք, թե ինչպես են կառուցված պատվերները, ինչը չի կարելի առաքել և ինչ անել դժվար իրավիճակներում:

Ինչպես կատարել պատվերներ

Բոլոր պատվերները մուտք են գործում Yandex Pro հավելված: Երբ դուք երթուղագիծ եք դուրս գալիս, այն գտնում և ձեզ է առաջարկում ամենամոտ պատվերը․ ընդունեք այն:

Հետագա քայլերը․ հասնել Ա կետ, այսինքն՝ ուղարկողի մոտ, վերցնել պատվերը, հասնել Բ կետ, այսինքն՝ ստացողի մոտ, և պատվերը նրան հանձնել։

Yandex Pro-ում կան նաև մի քանի ուղարկող և ստացող պարունակող պատվերներ. այդ մասին կարող եք կարդալ առանձին հոդվածում։

Պատվերին ներկայացվող պահանջները։ Ուշադիր ընթերցեք պատվերի քարտում ներկայացված նկարագրությունը: Այնտեղ կարող է «Դռնից դուռ» պահանջ նշված լինել: Դա նշանակում է, որ առաքանին պետք է վերցնեք ուղարկողի բնակարանի կամ գրասենյակի դռան մոտից և հասցնեք այն ստացողի բնակարանի կամ գրասենյակի դռան մոտ:

«Դռնից դուռ» պահանջն առկա է «Առաքիչ» սակագնի բոլոր պատվերներում: «Առաքում» սակագնի դեպքում՝ եթե օգտատերն այդ ծառայությունն ավելացրել է պատվերի մեջ։

Պատվերի վերաբերյալ մեկնաբանություններ։ Դրանց մեջ կարելի է նշել օգտատերերի ճշգրիտ հասցեն և ցանկությունները:

Պատվերի կարգավիճակները։ Որպեսզի օգտատերերն իմանան ձեր գտնվելու վայրը, կարևոր է ժամանակին սեղմել կարգավիճակի կոճակը. «Տեղում եմ», «Առաքանին ստացել եմ», «Առաքանին հանձնել եմ»։ Մի սեղմեք «Առաքանին հանձնել եմ» կարգավիճակի վրա, քանի դեռ պատվերը չեք հանձնել ստացողին, այլապես կկորցնեք նրա կոնտակտները և այլևս չեք կարողանա կապ հաստատել նրա հետ:

Ինչ անել, եթե

Ուղարկողի հետ կապ հաստատել չի հաջողվում

Սպասեք 10 րոպե։ Այդ ընթացքում նվազագույնը 3 անգամ զանգահարեք ուղարկողին։ Չեղարկեք պատվերը՝ սեղմելով «Չեղարկել» կոճակը։

Ստացողի հետ կապ հաստատել չի հաջողվում

Սպասեք 10 րոպե։ Այդ ընթացքում նվազագույնը 3 անգամ զանգահարեք ստացողին։ Երեք անպատասխան զանգից հետո կհայտնվի «Վերադարձ» կոճակը։ Սեղմեք այն։ Եթե ​​կոճակը չի հայտնվում, գրեք աջակցության ծառայությանը և հետևեք հրահանգներին:

Զանգահարեք ուղարկողին և հարցրեք՝ արդյոք նա պատրաստ է առաքանին հետ վերցնել: Եթե այո, առաքանին տարեք ուղարկողի մոտ։ Արժեքն ավտոմատ կերպով կվերահաշվարկվի՝ հաշվի առնելով վերադարձը:

Եթե ​​չի ստացվում կապ հաստատել ուղարկողի հետ և առաքանին նրան վերադարձնել, դիմեք աջակցության ծառայությանը․ ձեզ կհուշեն՝ ինչպես վարվել:

Գերակշռում են այնպիսի իրավիճակները, որտեղ ինչ-որ բան հրահանգներին անհամապատասխան է ընթանում։ Դրանց մասին կարելի է կարդալ «Անսովոր իրավիճակներ պատվերներ կատարելիս» հոդվածում։

Ինչու է կարևոր պատվերների մեկնաբանություններն ընթերցելը

Օգտատերերը մեկնաբանություններում կարևոր մանրամասներ են գրում, օրինակ՝ դոմոֆոնի կոդը, արդյոք անցաթուղթ պատվիրելու կարիք կա, թե ոչ կամ ինչպես ավելի հարմար կերպով հասնել նշված հասցե։ Երբեմն նրանք նաև ցանկություններ են թողնում․ փորձեք իրագործել դրանք։ Օրինակ, եթե գրված է «Դռան զանգը չխփել», այլ թակել, ուրեմն հնարավոր է՝ բնակարանում քնած երեխա կա։

Ինչ է արգելվում պատվերներ կատարելիս

• Կոպտել Yandex Delivery-ի օգտատերերին և մասնագետներին։

• Կոնֆլիկտ ստեղծել։

• Խնդրել ուղարկողին, որպեսզի չեղարկի պատվերը կամ առաքի այն՝ շրջանցելով Yandex Pro-ն։

• Խնդրել օգտատիրոջը, որպեսզի նա «հինգ» նշանակի ձեր առաքմանը:

• Ստացողից ավելի շատ գումար խնդրել, քան դա նշված է Yandex Pro հավելվածում:

• Պատվերներն ստանալու համար մոտենալ առանց ջերմատուփի, եթե նշված է, որ այն առկա է, և Yandex Pro-ի ֆոտոստուգումն իրականացված է։

• Բացել կամ վնասել առաքանին։ Եթե ​​առաքանին վնասվել է հանձնելու պահին, ապա ուղարկողի ներկայությամբ լուսանկարեք վնասված մասը: Կարևոր է․ ստացողի դեմքը կադրի մեջ չպետք է երևա։

• Յուրացնել պատվերի պարունակությունը։

• Պատվերները կատարել ուրիշի պրոֆիլով կամ սեփական օգտահաշիվը փոխանցել մեկ այլ առաքիչի:

• Ուղարկողի կամ ստացողի տվյալներն օգտագործել անձնական նպատակների համար. պատվերը կատարելուց հետո մի զանգահարեք և մի գրեք օգտատերերին:

• Երթուղագիծ դուրս գալ հարբած վիճակում։

• Անբարեխիղճ գործողություններ կատարել Yandex Delivery ծառայության հանդեպ:

Ինչ չի կարելի առաքել

• Կենդանիներ,

• փող և թանկարժեք իրեր,

• զենք, թմրանյութեր և այլ առարկաներ, որոնց շրջանառությունը Հայաստանի տարածքում արգելված կամ սահմանափակված է,

• վտանգավոր նյութեր (ծանոթացեք մանրամասն ցուցակին),

• կենսաբանական նյութեր, օրինակ՝ արյուն,

• դեղատոմսով թողարկվող դեղամիջոցներ,

• առանց հատուկ փաթեթավորման փխրուն առարկաներ և բաց տարայով հեղուկներ,

• առաքման հատուկ պայմաններ պահանջող սննդամթերք և այլ իրեր, եթե ջերմատուփ չունեք,

• իրեր, որոնք կարող են աղտոտել կամ վնասել ջերմատուփը կամ մեքենայի սրահը։

Եթե դուք տեղյակ եք պատվերի մեջ ցանկում նշված իրերի առկայության մասին, հրաժարվեք առաքումից և այդ մասին հայտնեք աջակցության ծառայությանը։