Անսովոր իրավիճակներ պատվերներ կատարելիս

Երբեմն ամեն բան չէ, որ հրահանգներին համապատասխան է ընթանում, օրինակ, ստացողի հետ կապ հաստատել չի հաջողվում կամ նա դիմում է ձեզ տարօրինակ խնդրանքով: Պատմենք, թե ինչ պետք է անել նման դեպքերում:

Ուղարկողի հետ կապ հաստատել չի հաջողվում

Սպասեք 10 րոպե։ Նվազագույնը 3 անգամ զանգահարեք ուղարկողին։ Չեղարկեք պատվերը՝ սեղմելով «Չեղարկել» կոճակը։

Ստացողի հետ կապ հաստատել չի հաջողվում

Սպասեք 10 րոպե։ Նվազագույնը 3 անգամ զանգահարեք ստացողին։ Երեք անպատասխան զանգից հետո կհայտնվի «Վերադարձ» կոճակը։ Սեղմեք այն։ Եթե ​​կոճակը չի հայտնվում, գրեք աջակցության ծառայությանը և հետևեք հրահանգներին:

Զանգահարեք ուղարկողին և հարցրեք՝ արդյոք նա պատրաստ է առաքանին հետ վերցնել: Եթե այո, առաքանին տարեք ուղարկողի մոտ։ Արժեքն ավտոմատ կերպով կվերահաշվարկվի՝ հաշվի առնելով վերադարձը:

Եթե ​​չի ստացվում կապ հաստատել ուղարկողի հետ և առաքանին նրան վերադարձնել, ապա դիմեք աջակցության ծառայությանը․ ձեզ կհուշեն՝ ինչպես վարվել:

Պատվերը սակագնով նախատեսվածից ավելի ծանր է

«Առաքիչ» սակագնի դեպքում պատվերի առավելագույն քաշը 10 կգ է, իսկ «Էքսպրես» սակագնի դեպքում՝ 20 կգ։ Եթե պատվերի քաշն ավելի մեծ է, դուք կարող եք հրաժարվել դրանից, ինչի համար պետք է դիմել աջակցությանը և լուսանկար կցել։

Ձեզ դիմել են տարօրինակ խնդրանքով

Եթե ձեզ խնդրում են առաքման հետ կապ չունեցող ինչ-որ բան անել, օրինակ՝ գնալ և գումար կանխիկացնել, կամ խնդրում են ստացողին հանձնելու փոխարեն առաքանին ինչ-որ տեղ թողնել, մի կատարեք խնդրանքը և դիմեք աջակցության ծառայությանը:

Թույլ չեն տալիս ընդունարան մտնել

Եթե դուք Ա կետում եք, զանգահարեք ուղարկողին և տեղյակ պահեք նրան այդ մասին։

Եթե Բ կետում եք, զանգահարեք ստացողին և տեղյակ պահեք նրան այդ մասին։

Անհրաժեշտ է չեղարկել պատվերը

Պատվերների մեծ մասը կարելի է չեղարկել միայն դրանք ուղարկողից վերցնելուց առաջ։ Բացառություն են կազմում ռեստորաններից վերցված պատվերները։ Դրանք կարելի է չեղարկել միայն մինչև պատվերի պատրաստ լինելը: Եթե պատվերն արդեն պատրաստ է, պետք է վերցնել այն և հասցնել ստացողին։

Չեղարկելու համար պատվերի քարտում սեղմեք «Չեղարկել պատվերը» կոճակը և ընտրեք պատվերը կատարելուն խոչընդոտող պատճառը: Մենք ավտոմատ կերպով կստուգենք իրավիճակը։

Պատվերը սխալմամբ չեղարկելուց խուսափելու համար հավելվածը ձեզ կհիշեցնի, թե ինչ պայմանների դեպքում է կարելի չեղարկում անել:

Մի չարաշահեք չեղարկումները. եթե ընդունված պատվերները հաճախ չեղարկվեն, դրանց հասանելիությունը կարող է սահմանափակվել:

Ինչպես չեղարկել պատվերի մի մասը՝ մի քանի ստացողներ ներառող պատվերների դեպքում

Սովորաբար դրանք առցանց խանութներից կամ ռեստորաններից կատարված պատվերներ են․ դուք մի վայրից միանգամից մի քանի հատ պատվեր եք վերցնում տարբեր ստացողների համար։ Եթե ստացողներից մեկի պատվերը դեռևս պատրաստ չէ կամ պահանջներին չի համապատասխանում, ապա կարող եք չեղարկել այն՝ առանց մնացած պատվերները չեղարկելու։ Դա անելու համար սեղմեք «Առաքանին ստացել եմ» կոճակի կողքին գտնվող երեք կետերի վրա → «Չեղարկել ստացումը»:

Ուղարկողը վատ վիճակում գտնվող պատվեր է փոխանցում

Եթե Ա կետում պատվերը վատ տեսք ունի, օրինակ՝ այն ճմռթված, կոտրված կամ ճղված է, ուղարկողին հայտնեք այդ մասին։ Եթե ​​ուղարկողը համաձայն չէ և պնդում է, որ առաքում կատարեք, լուսանկարեք առաքանին ուղարկողի հետ միասին և պահպանեք այդ լուսանկարը:

Եթե պատվերը կեղտոտված է, կարող եք հրաժարվել դրանից․ աղտոտող իրերի առաքումը ծառայության չափանիշների խախտում է։

Պատվերում «Դռնից դուռ» նշում չկա, բայց ստացողը խնդրում է մատուցել այդ ծառայությունը

Ստացողին բացատրեք, որ այդ դեպքում նա պետք է մոտենա ձեզ՝ առաքանին վերցնելու: Եթե ​​ստացողը չի ցանկանում ինքնուրույն վերցնել պատվերը, դիմեք աջակցության աջակցությանը․ ձեզ կասեն՝ ինչպես վարվել:

Պատվերը մեկ այլ առաքիչ է վերցրել

Եթե ​​դուք մոտեցել եք ռեստորան կամ առցանց խանութ և պարզել, որ ձեր պատվերը տրվել է մեկ այլ առաքիչի, մի չեղարկեք պատվերը և դիմեք աջակցության ծառայությանը: