Ուղևորության համար վճարում

Yandex.Taxi-ի ուղևորները կարող են վճարել ուղևորության համար երեք եղանակով:

Կանխիկ

Տաքսիով երթևեկելու համար ամենատարածված և առավել ընդունված վճարման եղանակը կանխիկն է: Այդ պատճառով երթուղի դուրս գալուց առաջ վարորդը պարտավոր է ունենալ մանր՝ շրջանառության մեջ գտնվող բոլոր թղթադրամների համար: Եթե կարծում եք, որ մանրը կարող է չբավականացնել, ապա ավելի լավ է զանգահարել ուղևորին մոտեցման վայր հասնելուց հետո և ճշտել, թե ինչ թղթադրամի համար է հարկավոր լինելու մանր: Եթե ուղևորը ցանկանում է կանխիկ վճարման տարբերակը փոխել քարտայինի, դա հնարավոր է․ մենք ստուգում ենք՝ արդյոք ուղևորի քարտի վրա եղած գումարը բավական է տվյալ ուղևորության դիմաց վճարելու համար։

Առցանց (բանկային քարտ)

Առցանց վճարումով պատվերներ ստանալու համար հարկավոր չէ տեղադրել ոչ մի հավելյալ ծրագիր: Ուղևորի բանկային քարտն այս դեպքում հարկավոր չի լինի, չի պահանջվի նաև մուտքագրել PIN-կոդը և ստորագրել չեկը: Առցանց վճարման համար ուղևորը պարզապես կցում է քարտն իր Yandex.Taxi-ի հավելվածի հաշվին, և գումարը դուրս է գրվում ավտոմատ կերպով:

Անկանխիկ պատվերի ճշգրիտ գումարը վարորդը տեսնում է այն պահին, երբ տաքսոմետրում սեղմում է «Ավարտել ուղևորությունը» կոճակը: Սովորաբար, այդպիսի պատվերի գումարը ստացվում է 5 աշխատանքային օրվա ընթացքում: Ընթացիկ հաշվեկշիռը երևում է տաքսոմետրի էկրանին: Այդ գումարը կարելի է օգտագործել մեքենայի վարձակալության վճարը կամ տաքսոպարկի միջնորդավճարը կատարելու համար: Եթե չի հաջողվում հաշվեկշռից դուրս գրել վաստակած գումարը, ապա կարող եք գրել Yandex.Taxi-ի աջակցման ծառայություն

Առցանց վճարումով պատվերի համար ուղևորից կանխիկ գումար վերցնել չի կարելի: Ուղևորության ընթացքում մենք արդեն ստուգում ենք, թե արդյոք հաճախորդի քարտում կա բավարար գումար:

Եթե համակարգը հայտնաբերի ինչ-որ սխալ, վճարման եղանակը ավտոմատ կերպով կփոխվի «կանխիկի», իսկ վարորդին և ուղևորին Yandex.Taxi-ից կգա ծանուցում: Միայն այդ դեպքում կարելի է և հարկավոր է կատարել կանխիկ վճարում:

Պրոմո-կոդ

Ավելի շատ նոր ուղևորներ գրավելու համար Yandex.Taxi-ն հայտնի խանութների, կինոթատրոնների, սրճարանների և ռեստորանների հետ իրականացնում է համատեղ ակցիաներ՝ նրանց հաճախորդները ստանում են պրոմո-կոդ առաջին պատվերի համար:

Նման ուղևորություններից շահում են բոլորը՝ ուղևորը ծանոթանում է Yandex.Taxi-ի հարմարավետ, արագ և քաղաքակիրթ ծառայությանը, վարորդը ստանում է ուղևորության ամբողջ գումարը տաքսոմետրի իր հաշվեկշռին: Բայց միայն վարորդից և նրա ուշադրությունից, ճշտապահությունից ու նրբանկատությունից է կախված, թե քանի աստղ կնշանակի ուղևորը պատվերի ավարտին, և թե արդյո՞ք կցանկանա կրկին պատվիրել Yandex.Taxi՝ արդեն սովորական սակագնով:

Ինչպես է այն գործում.

• Պրոմո-կոդից օգտվելու համար ուղևորը մինչև տաքսի պատվիրելը պետք է մուտքագրի անհատական կոդը հավելվածում: Եվ եթե նա ամեն ինչ ճիշտ է կատարել, ապա պատվերի ավարտին կտեսնի ուղևորության արժեքը՝ պրոմո-կոդը ներառյալ։

• Երբ վարորդը սեղմում է «Ավարտել» կոճակը, տեսնում է ուղևորության զեղչված արժեքը: Այդ գումարն էլ ուղևորը վճարում է առցանց կամ կանխիկ եղանակով:

• Իսկ եթե պրոմո-կոդը բավարար է ուղևորության ամբողջ գումարը վճարելու համար, տաքսոմետրում նշվում է «զրո»:

Վճարման եղանակի ընտրություն

Օրվա ընթացքում երկու անգամ կարելի է ընտրել՝ ստանալ կանխիկ, թե առցանց վճարման եղանակով պատվերներ։

Կարևո՛ր է․ Վճարման եղանակի ընտրությունը գործում է մեկ կամ հաջորդ մի քանի պատվերների դեպքում, բացառությամբ այն տարածքների, որտեղ կա բարձր պահանջարկ։ Իսկ եթե ուղևորը փոխել է վճարման եղանակը ուղևորության ընթացքում, մյուս պատվերը կստանաք ձեր նշած պայմաններով։

Կարևո՛ր է։ Անկախ վճարման եղանակից՝ ուղևորության, հավելյալ ծառայությունների արժեքները և միջնորդավճարի չափը մնում են անփոփոխ: Այս դեպքում վարորդների միջև պատվերների բաշխման սկզբունքը նույնպես չի փոխվում։