Փոփոխություններ Հայաստանի օրենքներում

2024 թվականի սեպտեմբերի 1-ից ուժի մեջ են մտնում «Ավտոմոբիլային տրանսպորտի մասին» և «Պետական ​​տուրքի մասին» օրենքներում փոփոխությունները։

 Ուղևորափոխադրումների նոր տեսակ է առաջանում՝ անկանոն փոխադրումներ՝ օգտագործելով օնլայն հարթակ, ինչպիսին է Yandex Go-ն։ Ծառայությունը և վարորդները նոր պարտականություններ ունեն. այժմ մենք ձեզ ամեն ինչ կպատմենք:

Ինչպես են տեղի ունենալու ուղևորափոխադրումները

Վարորդն այժմ հանդիսանում է փոխադրող և արտոնագրի կարիք ունի, որպեսզի օնլայն հարթակի միջոցով կարողանա իրականացնել ուղևորափոխադրումներ։

Արտոնագիր՝ դա վարորդի իրավունքն է օնլայն հարթակի միջոցով իրականացնել անկանոն ուղևորափոխադրումներ և օրենքով նախատեսված է հատուկ վարորդի՝ որպես փոխադրողի համար։ 

Որպեսզի այն գործի, պետք է բյուջե փոխանցել պետական ​​տուրք՝ յուրաքանչյուր ուղևորության արժեքից տոկոս: Սա ավելի հեշտ է, քան տաքսու լիցենզիան, որն անհրաժեշտ է «կողքից» (ուղղակի փողոցից՝ առանց հավելվածի) պատվերներ ընդունելու համար: Արտոնագիրն առկա է էլեկտրոնային ձևով:

 Վարորդը արտոնագրի համար անձամբ գումար փոխանցելու կարիք չունի․ եթե պատվերը կատարվել է Yandex Go-ի միջոցով, ծառայությունը կպահի և կփոխանցի պետական տուրքը։

 Ինչպես նաև Yandex Go-ն որպես օնլայն հարթակ գործունեություն ծավալելու համար վճարելու է իր պետական տուրքը և հարկեր՝ որպես հայկական ընկերություն։

Ինչպես նաև ծառայությունը ձևավորելու և տրամադրելու է էլեկտրոնային անդորրագիր օգտատիրոջը։

Այսինքն, եթե պատվերը կատարվում է օնլայն հարթակի միջոցով, վարորդը ավտոմեքենայում ՀԴՄ-ի կարիք չունի․ անդորրագրերով զբաղվում է Yandex Go-ն։

Որքան գումար կփոխանցվի բյուջե յուրաքանչյուր ուղևորությունից

Սեպտեմբերի 1-ից՝ 

• հարթակի միջոցով անկանխիկ պատվերների դեպքում՝ 1,5% 

• հարթակի միջոցով կանխիկ պատվերների դեպքում՝ 2% 

2025թ․ հունվարի 1-ից՝

• հարթակի միջոցով անկանխիկ պատվերների դեպքում՝ 2,5% 

• հարթակի միջոցով կանխիկ պատվերների դեպքում՝ 3,5% 

 2026թ․ հունվարի 1-ից՝

• հարթակի միջոցով անկանխիկ պատվերների դեպքում՝ 4% 

• հարթակի միջոցով կանխիկ պատվերների դեպքում՝ 5%։

Ինչ է պետք վարորդին աշխատանքը շարունակելու համար

Վարորդներից պահանջվում է միայն տրամադրել իրենց ՀՎՀՀ-ն(հարկ վճարողի հաշվառման համար)Դա պետք է, որպեսզի արտոնագրի պետական տուրքը փոխանցվի պետական բյուջե, իսկ ուղևորների համար անդորրագրերը ճիշտ ձևավորվեն։ 

 Yandex Go-ն կկարողանա ինքնուրույն պահանջել ՀՀ քաղաքացիություն ունեցող վարորդների ՀՎՀՀ-ն հարկային գրասենյակից. նրանք ոչինչ անելու կարիք չունեն։ Բայց, եթե ցանկանում եք ինքներդ ձեռք բերել և տրամադրել ձեր տվյալները, ապա մինչև սեպտեմբերի 1-ը դիմեք հարկային գրասենյակ՝ ՀՎՀՀ ստեղծելու համար, այնուհետև փոխանցեք տեղեկատվությունը ծառայության գործընկերոջը։

 Հայաստանի քաղաքացիություն չունեցող վարորդները պետք է ինքնուրույն ստանան ՀՎՀՀ՝ դրա մասին պատմել ենք ներքևում։

Որտե՞ղ կարող եմ կարդալ նոր օրենքները։

«Պետական ​​տուրքի մասին» օրենքում կատարված փոփոխություններին կարող եք ծանոթանալ այստեղ

Փոփոխություններ «Ավտոմոբիլային տրանսպորտի մասին» օրենքում

Փոփոխությունների վերաբերյալ պաշտոնական պարզաբանում հարկային ծառայությունից.