Համավարակի ժամանակ հավելյալ պարգևատրում տրամադրելու ծրագիր

Մենք երկարացնում ենք համաճարակի ժամանակ գործող հավելյալ պարգևատրման ծրագիրը։ Այն կշարունակի գործել մինչև 2022 թվականի հուլիսի 1-ը։ Ծրագիրը նախատեսված է ծառայության գործընկեր տաքսոպարկերի այն վարորդների համար, որոնք հիվանդացել են կորոնավիրուսով կամ կարանտինում են եղել՝ հիվանդացածների հետ շփում ունենալու պատճառով։

Чтобы прочитать эту же новость на русском, нажмите сюда.

Օժանդակության չափը

Մեկանգամյա վճարման չափը կախված է վարորդի կատարած պատվերների պատմությունից։ Այն կկազմի միջին օրական մաքուր եկամտի կեսը՝ 2020 թ. հուլիսի 1-ից մինչև հիվանդության և (կամ) վարակակրի հետ ունեցած շփման պատճառով կարանտինում գտնվելու առնչությամբ աջակցման ծառայությանը դիմելու ժամանակահատվածի կտրվածքով։ Եթե ​​վարորդը չի կատարել պատվերներ մինչև 2020 թ․ հուլիսի 1-ը, ապա հաշվարկի հիմք կհանդիսանա նրա պատվերների վիճակագրությունը։ Օժանդակությունը տրամադրվում է հիվանդության կամ կարանտինի 14 օրվա հաշվարկով։

14 օրվա փոխհատուցման նվազագույն գումարը կկազմի 30 000 դրամ, առավելագույնը՝ 600 000 դրամ:

Օրինակ՝ եթե ձեր միջին օրական եկամուտը 10 000 դրամ էր, ապա ծրագրով հատկացվող օրական օժանդակությունը կկազմի 5 000 դրամ, իսկ ընդհանուր փոխհատուցումը՝ 70 000 դրամ։

Որ դեպքերում կարելի է օժանդակություն ստանալ

• Կորոնավիրուսով հիվանդանալու կամ հիվանդացածների հետ շփում ունենալու պատճառով կարանտինում լինելու դեպքում։ Երկու դեպքն էլ պետք է փաստարկվեն բժշկական հաստատության և լիազորված պետական մարմնի տված փաստաթղթերով։

• Հիվանդանալու և (կամ) վարակակրի հետ շփման պատճառով մեկուսանալուց առաջ 14 օրվա ընթացքում առնվազն 15 պատվեր Yandex.Taxi ծառայության միջոցով կատարելը։

• 2020 թվականի հուլիսի 1-ից (կամ առաջին կատարված պատվերի օրվանից, եթե վարորդը չի համագործակցել 2020 թ. հուլիսի 1-ից ի վեր) օրական միջին մաքուր եկամուտը մինչև հիվանդանալու և (կամ) վարակակրի հետ շփման առնչությամբ աջակցման ծառայությանը դիմելու օրը բարձր է 3 200 դրամ-ից։

Ինչպես է փոխանցվելու օժանդակությունը

Օժանդակությունը փոխանցվելու է այն տաքսոպարկի հաշվին, որի հետ համագործակցում եք

Ինչ է պետք անել օժանդակություն ստանալու համար

• Լրացրեք էջի ներքևում գտնվող ձևը՝ նշելով ճիշտ կոնտակտային տվյալներ, որպեսզի մեր մասնագետները կարողանան կապ հաստատել ձեզ հետ։

• Կցեք հաստատող փաստաթղթերի պատճենը կամ լուսանկարը։

• Երբ ձեր հայտը մշակվի, մանրամասները կստանաք Yandex.Pro-ի «Տեխաջակցություն» բաժնում։

Հարցեր և պատասխաններ

Տարածվո՞ւմ է արդյոք ծրագիրն ընտանիքիս անդամների վրա։

Ծրագիրն ուղղված է միայն գործընկեր-տաքսոպարկերի վարորդներին։

Տարածվո՞ւմ է արդյոք ծրագիրն այլ երկրների քաղաքացիների վրա։

Այո, ծրագիրը տարածվում է ծառայության գործընկերների բոլոր վարորդների վրա՝ անկախ նրանց քաղաքացիությունից։

Ի՞նչ կլինի իմ հաշվի հետ հիվանդության կամ կարանտինի ժամանակ։

Պատվերների հասանելիությունը ժամանակավորապես սահմանափակված կլինի։ Կկարողանաք վերադառնալ երթուղագիծ առողջանալուց կամ կարանտինի ժամկետը լրանալուց անմիջապես հետո։

Ի՞նչ է «զուտ եկամուտը», որն օգտագործվելու է օժանդակության հաշվարկի ժամանակ։

Դա ծառայության միջնորդավճարը հանելուց հետո մնացած եկամուտն է։

Ինչպե՞ս ապացուցեմ, որ առողջացել եմ։

1. Լրացրեք ձևը և կցեք բժշկական հաստատությունից կամ լիազորված պետական մարմնից ստացված փաստաթղթերի լուսանկարները կամ սկանները։

2. Գրեք աջակցման ծառայությանը Yandex.Pro-ի «Աջակցություն» բաժնի միջոցով։