Ինչպես է գործում արտոնությունների ծրագիրը

Որքան ավելի շատ ուղևորություններ եք կատարում, այնքան բարձր է ձեր ներդրումը ծառայության զարգացման գործում, ուստի ավելի շատ առավելություններ եք ստանում՝ պատվերների բաշխման առաջնահերթությունից մինչև առաջնահերթ աջակցություն։

Ինչպես է դա աշխատում

Ծրագրում չորս մակարդակ կա՝ Բրոնզ, Արծաթ, Ոսկի և Պլատին։ Բրոնզը մեկնարկային մակարդակն է, այն հեշտ է ստանալ, բայց չի տալիս առավելություններ։ Մյուս մակարդակները հասանելի են դարձնում մի շարք խրախուսումներ։ Արծաթ ստանալը բարդ չէ, իսկ Պլատինի համար անհրաժեշտ է շաբաթական միջինը 40 ժամ աշխատել և հետևել, որ ուղևորները գոհ լինեն ուղևորությունից։

Մակարդակ ստանալու համար անհրաժեշտ է միավորներ կուտակել կատարված ուղևորությունների դիմաց և պահպանել բարձր վարկանիշ։ Միավորներն ամբողջ ամսվա ընթացքում կուտակվում են, իսկ հաջորդող ամսվա առաջին օրը ձեզ մակարդակ է շնորհվում։ Ձեր մակարդակի առավելությունները գործում են ուղիղ մեկ ամիս՝ մինչև միավորների հաջորդ հաշվարկը։ Ցանկացած պահի կարող եք Yandex Pro-ում դիտել ձեր ընթացիկ մակարդակը, և թե որքան է մնացել հաջորդ մակարդակին անցնելուն։

Որքան միավոր է պետք կուտակել յուրաքանչյուր մակարդակի համար

Բրոնզ՝ 300 միավոր,
Արծաթ՝ 3000 միավոր,
Ոսկի՝ 8000 միավոր,
Պլատին՝ 10000 միավոր։

Վարկանիշը նույնպես կարևոր է. Ոսկու համար այն պետք է ցածր չլինի 4,8-ից, իսկ Պլատինի համար՝ 4,9-ից։

Օրինակ՝ ապրիլ ամսվա ընթացքում կուտակել եք 3015 միավոր։ Դա բավական է Արծաթ ստանալու համար։ Ուստի մայիսի 1-ից սկսած դուք կունենաք Արծաթի առավելություններ, իսկ միավորների հաշվիչը կզրոյանա, և դուք կսկսեք կրկին միավորներ կուտակել՝ արդեն հաջորդ ամսվա արտոնությունների համար։

Որքան միավոր է տալիս մեկ ուղևորությունը

• Ստարտ՝ 24 միավոր

• էկոնոմ՝ 26 միավոր

• Կոմֆորտ՝ 27միավոր

• Կոմֆորտ+՝35 միավոր

• Բիզնես՝ 40 միավոր

• Մինիվեն՝ 90 միավոր

• Առաքում՝ 27 միավոր

• Մանկական՝ 45 միավոր

• Կարգո՝ 350 միավոր

Ինչ առավելություններ են տալիս մակարդակները

Մակարդակի աճին զուգահեռ՝ բացվում են ավելի ու ավելի շատ առավելություններ։ Դրանց մի մասը, օրինակ՝ առաջնահերթությունը, կօգնի ձեզ ճկունորեն կառավարել ժամանակացույցը, իսկ մյուսները թույլ կտան արագ լուծել ծառայության հետ կապված խնդիրները՝ առաջանալու դեպքում։ Ամեն նոր մակարդակ ստանալիս՝ առավելություններն ամփոփվում են։

Յուրաքանչյուր մակարդակի տրամադրած առավելությունների մասին ավելի մանրամասն կարդացեք «Արտոնությունների ծրագրի բոլոր առավելությունները» հոդվածում։

Արտոնությունների ծրագրի բոլոր առավելությունները