Հատուկ պահանջներ ուղևորության նկատմամբ

Այժմ առողջական առանձնահատկություն ունեցող ուղևորների պահանջները երևում են պատվերի քարտում։ Ծառայությունում կան ընտրանքներ, որոնք ուղևորը կարող է ընտրել անհրաժեշտության դեպքում, օրինակ՝ եթե օգտատերը կույր է, և նրան օգնություն է պետք մեքենան գտնելու հարցում։

Եթե օգտատերն ընտրում է այս կամ այն ընտրանքը, ապա վարորդը տեսնում է այն որպես պատվերի մեկնաբանություն։

«Կույր կամ հենաշարժողական խնդիրներ ունեցող մարդ. օգնեք գտնել մեքենան»

Օգնություն կարող է պետք գալ տարբեր ուղևորների։ Օրինակ՝ տեսողական խնդիրներ ունեցող կամ կույր մարդը չի տեսնում մեքենայի համարը և գույնը, նրա համար  դժվար է գտնել դռան բռնակը. կարևոր է օգնել նրան կողմնորոշվել։ Հաշմանդամի անվասայլակով ուղևորին նույնպես կարող է օգնություն պետք գալ մեքենան գտնելու և դրան հասնելու հարցում։

Տեսողական խնդիրներ ունեցող մարդուն կարելի է տարբերել սպիտակ ձեռնափայտով կամ սև ակնոցով։ Եթե ուղևորը մեկնաբանություն չի թողել, թե երբ և որտեղ գտնել նրան, ապա զանգահարեք նրան։ Հետո արեք հետևյալը.

• Մեքենան կայանեք որքան հնարավոր է մոտ ձեր ուղևորին։ Եթե նման հնարավորություն չկա, գրեք այդ մասին ուղևորության չաթում և պայմանավորվեք՝ ինչպես առավել հարմար կերպով մոտեցնել մեքենան։

• Առողջության սահմանափակ հնարավորություններով ուղևորի համար կարևոր է, որ ճանապարհը դեպի մեքենան անվտանգ լինի. չլինեն բարձր եզրաքարեր, ցանկապատեր կամ այլ խոչընդոտներ։ Հնարավորության դեպքում մեքենան կայանեք այնպես, որպեսզի դրան հեշտ լինի հասնել․

• Եթե ուղևորը կույր է, մոտեցեք նրան, ողջունեք և թեթև դիպչեք ձեռքին։ Հարցրեք, թե արդյոք պետք է օգնել նստել մեքենան. «Բարև ձեզ, ես տաքսու վարորդն եմ։ Օգնե՞մ նստել մեքենան»։

Որպեսզի օգնեք ուղևորին հասնել մեքենային, առաջարկեք նրան ձեռքը դնել ձեր ուսին. այդ կերպ նա կկարողանա հետևել ձեզ։ Որպեսզի նա զգա, որ մոտեցել եք սրահի մուտքին, կարելի է նրա դաստակը վերցնել ու մոտեցնել դռան բռնակին։

• Երբ ուղևորության ավարտին մի քանի րոպե մնա, հայտնեք ուղևորին, որ շուտով տեղում կլինեք.

• Ուղևորության վերջում մանրամասն նկարագրեք, թե որտեղ եք կանգնել. ինչ ուղենիշներ կան շրջակայքում։ Օրինակ՝ այսպես. «Մենք մոտեցել ենք „Ամեն ինչ տան համար“ խանութին։ Ձեզ պետք է այստե՞ղ իջնել։

• Եթե կույր ուղևորը վճարում է կանխիկով, ասեք նրան ուղևորության արժեքը և որքան մանր եք տալիս.

• Համոզվեք, որ մեքենայից դուրս գալիս չկան խոչընդոտներ, օգնություն առաջարկեք։

Համոզվեք, որ ուղևորը ոչինչ չի թողել սրահում։

«Շփվում եմ միայն հաղորդագրություններով»

Նման ընտրանք նշած ուղևորը կարող է ունենալ լսողության կամ խոսքի խանգարումներ։  Նրան պետք չէ զանգել պատվերի մանրամասները ճշտելու համար. ավելի լավ է ուղևորությունից առաջ գրել չաթով։

«Չեմ խոսում, բայց լսում եմ»

Եթե ուղևորը նշել է նման ընտրանք, հնարավոր է՝ նա խոսքի դժվարություններ ունի։ Նման ուղևորը չի լսում հարցը, բայց կպատասխանի հաղորդագրությամբ։

«Հաշմանդամի անվասայլակով եմ լինելու»

Եթե ուղևորն ընտրել է այս ընտրանքը, մեկնաբանություններում կտեսնեք նման տեքստ. «Հաշմանդամի անվասայլակով եմ լինելու։ Նստելիս օգնություն է պետք, դատարկ բեռնախցիկ»։

Հաշմանդամի անվասայլակով մարդկանց համար հեշտ չէ քաղաքով տեղաշարժվելը, իսկ մեքենա նստելը կարող է ավելի երկար տևել։ Որպեսզի ուղևորությունը ձեզ և ուղևորի համար լավ անցնի, հետևեք մի քանի կանոնների.

• Կայանեք հնարավորինս մոտ ուղևորին։ Եթե նման հնարավորություն չկա, գրեք այդ մասին ուղևորության չաթում և պայմանավորվեք՝ ինչպես առավել հարմար կերպով մոտեցնել մեքենան։

• Հաշմանդամի անվասայլակով ուղևորի համար կարևոր է, որ ճանապարհը դեպի մեքենան անվտանգ լինի. չլինեն բարձր եզրաքարեր, ցանկապատեր կամ այլ խոչընդոտներ։ Հնարավորության դեպքում մեքենան կայանեք այնպես, որպեսզի դրան հեշտ լինի հասնել․

•  Հարցրեք՝ պետք է արդյոք օգնել անվասայլակից մեքենա նստելիս և անվասայլակը տեղավորել բեռնախցիկում։ Մարդը կարող է ուղեկցող ունենալ, բայց նրանց միևնույն է օգնություն է պետք առաջարկել.

• Ճշտեք, թե ինչպես ծալել անվասայլակը, օրինակ՝ ինչպես արձակել անիվները։ Որոշ անվասայլակներ ծանր էլեկտրական բլոկ ունեն. այն անհրաժեշտ է անջատել սայլակից և դնել բեռնախցիկ.

• Համոզվեք, որ ուղևորի համար հարմարավետ է մեքենայում.

• Ուղևորության ավարտին նույնպես օգնություն առաջարկեք։

Հենաշարժողական լուրջ խնդիրներով որոշ մարդիկ դժվարանում են խոսել։ Նրանք կարող եք շատ լավ հասկանալ ձեզ, բայց խոսելիս դժվարանալ։ Նման դեպքում մարդը կարող է ընտրել «Շփվում եմ միայն հաղորդագրություններով» կամ «Չեմ խոսում, բայց լսում եմ»։

Անվասայլակը հավաքելու ցուցումները կգտնեք Yandex Pro հավելվածում → Պրոֆիլ → Օգտակար խորհուրդներ։

Եթե հաշմանդամի անվասայլակը չի տեղավորվում բեռնախցիկում, չեղարկեք պատվերը և գրեք աջակցման ծառայությանը։

Առողջական խնդիրներ ունեցող ուղևորների հետ ուղևորությունների մասին ավելի մանրամասն կարդացեք այս հոդվածում։