«Բիզնես» սակագնում գաղտնի գնորդների կողմից ստուգումը
Վերջին թարմացումը
20 Oct 2022
Մենք ուզում ենք, որ ծառայությունում ուղևորությունները որակյալ լինեն։ Դա ապահովելու համար տարբեր եղանակներ կան, այդ թվում՝ ստուգումներ գաղտնի գնորդների կողմից։
Բոլոր գաղտնի գնորդները հաշվետվություններ են լրացնում ուղևորությունների մասին։ Դրանց միջի տեղեկությունները մենք փոխանցում ենք ձեզ, որպեսզի իմանաք, թե ինչ անճշտություններ և նկատողություններ կան ուղևորություններում, և ինչն է պետք բարելավել։
Օրինակ, եթե գաղտնի գնորդը նկատի, որ դուք համապատասխան հագ ու կապով չեք, նա դա կնշի ուղևորության մասին հաշվետվությունում։ Նույն նկատողությունը կարտացոլվի ձեր ստացած հաշվետվությունում։
Ինչպես է անցնում ստուգումը
Ուղևորության ժամանակ գաղտնի գնորդները գահատում են, թե արդյոք ուղևորությունն ու մեքենան համապատասխանում են որակի ստանդարտներին։ Նրանք մեկնում են սովորական ուղևորների պես. դուք չեք իմանա, որ դա ստուգում է։
Որակի ստանդարտները այն պահաջներն են, որոնք յուրաքանչյուր սակագնի համար սահմաված են ինչպես վարորդի, այնպես էլ ուղևորության ու մեքենայի նկատմամբ։
Որակի պահպանման ստանդարտներից ելնելով մենք կազմել ենք գաղտնի գնորդի հարցաթերթիկ՝ այն ամենի մասին, ինչ նա ստուգում է։ Յուրաքանչյուր ստուգումից հետո դուք ստանում եք նմանատիպ հաշվետվություն.
Յուրաքանչյուր ստուգմանը գաղտնի գնորդը կցում է ֆոտո կամ վիդեո հաստատում։ Դա պարտադիր է. միայն նման հաշվետվություններն ենք հաշվի առնում։
Բոլոր դիտողությունները և ստուգողների գնահատականները ստուգվում են նրանց տրամադրած լուսանկարներով և տեսանյութերով։ Վարորդը հաշվետվություն է ստանում միայն հաստատված գնահատականներով։ Այդպես մենք ձգտում ենք յուրաքանչյուր ստուգման արդյունքներն ու դրանից բխող որոշումները դարձնել հնարավորինս ազնիվ ու օբյեկտիվ։
Ինչ է լինում ստուգումից հետո
Եթե այն անցնում է առանց խախտումների, ապա դուք այդ մասին կստանաք հաղորդագրություն, ու առաջնահերթության միավորներ կկուտակեք։
Եթե խախտումներն առաջին անգամ են ու ոչ վճռորոշ, ապա դուք կստանաք խորհուրդներ։ Մենք ձեզ նաև կզանգենք՝ պարզելու, թե ինչու դա կարող էր տեղի ունենալ։ Եթե խախտումները կրկնվեն, դուք կսկսեք կորցնել առաջնահերթության միավորներ։
Կրկնվող կամ լրջագույն խախտումների համար ձեր առաջնահերթությունը մեկ շաբաթով կարող է իջեցվել 2 միավորով՝ յուրաքանչյուր ստուգման համար. բացի այդ կարող եք նաև կորցնել հասանելիությունը տվյալ սակագնին։
⚠️ Կարևոր է. եթե ունեք 5-ից ավելի խախտում մեկ հարցաթերթիկում, որոնց համար զգուշացումներ են նախատեսված, կարող եք կորցնել սակագնի հասանելիությունը։
Առանց խախտումների ստուգման դեպքում կստանաք առաջնահերթության 2 միավոր երկու օրով։ Առաջնահերթությունն ազդում է պատվերների քանակի վրա, ուստի ջանասիրաբար հետևեք որակի ստանդարտներին։
Ինչպես վերականգնել սակագնի հասանելիությունը
Մտեք Yandex Pro-ի անձնական էջ → անցեք սակագների բաժին → ընտրեք անհրաժեշտը և գրանցվեք հարցազրույցի ու թեստավորման համար։ Նշանակված ժամին եկեք Վարորդների կենտրոն։ Եթե հաջողությամբ անցնեք հարցազրույցն ու թեստավորումը, սակագնի հասանելիությունը կվերականգնվի։
Թեստավորումից հետո սակագին վերադառնալը հնարավոր է կես տարվա մեջ երկու անգամից ոչ ավել։ Եթե երրորդ անգամ կորցնեք սակագնի հասանելիությունը, հաջորդ փորձը կլինի միայն կես տարուց։ Այդպիսի կանոններ են գործում նաև վարկանշային սահմանափակումների դեպքում։
Երբ դուք սպառեք բոլոր փորձերը, մենք այդ մասին կհայտնենք հաղորդագրությամբ։
Եթե համարում եք, որ խախտումներ չեն եղել, և հասանելիությունը անարդար կերպով է դադարեցվել, գրեք տեխաջակցությանը։ Մենք կպարզենք. նորից կստուգենք գաղտնի գնորդի հաշվետվությունը, կհամադրենք այն ֆոտո և վիդեո հաստատումների հետ։ Լուսանկարներն ու տեսանյութերը չենք հրապարակում և չենք ուղարկում վարորդներին, որպեսզի պահպանենք գաղտնի գնորդի գաղտնիությունը։