Պրեմիում սակագների ստանդարտների պահպանման ստուգում գաղտնի գնորդների կողմից

Մենք ձգտում ենք, որ Business սակագներով՝, բոլոր ուղևորությունները համապատասխանեն ստանդարտներին։ Ստանդարտներն ուղևորների աչքերում ընդգծում են վարորդի պրոֆեսիոնալիզմը։ Ստանդարտների պահպանումը մենք ստուգում ենք մի շարք եղանակներով, որոնցից մեկը գաղտնի գնորդների կողմից ստուգումն է։

Գաղտնի գնորդներն ուղևորություններ են կատարում սովորական ուղևորների պես։ Պատվերը կատարելիս դուք չեք իմանա, որ ստուգում եք անցնում։ Նրանց պատվերները բաշխվում են նույն կերպ, ինչպես սովորական օգտատերերինը։ Նման մոտեցումն օգնում է ստուգումն իսկապես պատահական դարձնել և օգնել վարորդին ավելի ճշգրիտ որոշել, թե հատկապես ինչը պետք է շտկի ուղևորություններում։

Բոլոր գաղտնի գնորդները ստուգումներից առաջ սովորում են ծառայության կանոնները և սակագների ստանդարտները։ Նրանք գիտեն, թե ինչ պետք է անի վարորդը ուղևորության յուրաքանչյուր պահին, այդ թվում՝ ոչ ստանդարտ իրավիճակներում։ Գաղտնի գնորդներն իրենց ստուգումներն անցկացնում են օբյեկտիվ և անկանխակալ կերպով։ Նրանց նպատակն է՝ գրանցել որակի չափանիշների պահպանման ճշգրտությունը սակագնով արված կոնկրետ ուղևորության շրջանակում։

Ինչպես է անցնում ստուգումը

Գաղտնի գնորդները մանրամասն լրացնում են հաշվետվություն ձեր մասնակցությամբ ուղևորության մասին։ Նրանք հայտնում են, թե որքանով եք դուք հետևում սակագնի ստանդարտներին, և կիսվում են ուղևորությունից ստացած ընդհանուր տպավորությամբ։

Գաղտնի գնորդները ուղևորության մասին հաշվետվությանը կցում են մեքենայի թափքի և սրահի լուսանկարներ։ Եթե ուղևորության ընթացքում խախտումներ են եղել, դրանք ֆիքսվում են լուսանկարում և մանրամասն նկարագրվում մեկնաբանությունում։

⚠️ Այս նյութերը հասանելի են միայն որակի վերահսկման և աջակցման ծառայության աշխատակիցներին։

Գաղտնի գնորդի հաշվետվությունն ուղևորության մասին կստուգեն որակի վերահսկման մասնագետները։ Նրանք կհամոզվեն, որ հաշվետվությունը ճիշտ է լրացված։ Դրա համար նրանք կհամեմատեն այն ամենը, ինչ փոխանցել է գաղտնի գնորդը, ծառայության ներքին համակարգերի տվյալների հետ։

Ինչ է լինում ստուգումից հետո

Երբ հաշվետվության ճշգրտությունը հաստատվի, դուք Yandex Pro չաթում ծանուցում կստանաք գաղտնի գնորդի անցկացրած ստուգման մասին։ Ծանուցման մեջ մանրամասն հաշվետվության հղում կլինի։ Ծանոթացեք բոլոր մանրամասներին։

Եթե ստուգումն առանց խախտումների է անցել, դուք հաղորդագրություն կստանաք մեր շնորհակալությամբ և առաջնահերթության լրացուցիչ 4 միավոր մեկ շաբաթվա համար։ Առաջնահերթությունն ազդում է պատվերների ստացման վրա։ Եթե խախտումներ են եղել, ապա, կախված դրանց լրջությունից, կարող եք ստանալ՝

• Զգուշացում

• Առաջնահերթության իջեցում 2 շաբաթով՝ հաշվետվության մեջ նշված յուրաքանչյուր խախտման համար -2 միավոր (առավելագույնը՝ -8 միավոր)

• Ուղևորության այն սակագնի հասանելիության կորուստ, որում անցկացվել է ստուգումը, ինչպես նաև՝ ավելի բարձր սակագների հասանելիության կորուստ։

Հասանելիությունը կարող եք վերականգնել, եթե կրկին թեստ անցնեք, այս անգամ՝ հաջող, և տեսահարցազրույց։ Թեստ անցնելով կարելի է սակագին վերադառնալ կես տարվա մեջ երեք անգամից ոչ ավելի։ Եթե չորրորդ անգամ կորցնեք սակագնի հասանելիությունը, հաջորդ փորձը կտրվի միայն կես տարուց հետո։ Նման կանոններ են գործում նաև վարկանիշի պատճառով սահմանափակման դեպքում։ Երբ սպառեք բոլոր փորձերը, մենք կհաղորդենք այդ մասին Yandex Pro-ի չաթով։

⚠️ Կարևոր է. եթե ուղևորության մասին հաշվետվության մեջ լինի 5 կամ ավելի խախտում, կարող եք կորցնել ուղևորությունների հասանելիությունը տվյալ սակագնում, նույնիսկ եթե այդ խախտումների համար զգուշացումներ են նախատեսված։

Եթե գաղտնի գնորդը հայտնաբերել է ստանդարտների խախտումներ, բայց վերջին 400 ուղևորությունների արդյունքով ձեր վարկանիշը 5.0 էր, կամ գաղտնի գնորդների կողմից վերջին երկու ստուգումների ժամանակ խախտումներ չեն հայտնաբերվել, ապա մենք չենք սահմանափակի տվյալ սակագնով ուղևորությունների հասանելիությունը։ Սակայն նման բան հնարավոր է միայն կես տարին մեկ անգամ։ Հաշվետվությունում տեղ գտած խախտումների վերլուծությունից հետո մենք կարող ենք կապվել ձեզ հետ՝ ստուգման արդյունքները քննարկելու համար։ Մենք մանրամասն կդիտարկենք բոլոր թերացումները և կօգնենք ձեզ ուղղել դրանք։

Ինչպես վերականգնել սակագնի հասանելիությունը

Մտեք պրոֆիլ Yandex Pro-ում → անցեք սակագներ → ընտրեք անհրաժեշտը → դիտեք դասընթացը, անցեք թեստավորումը և գրանցվեք տեսահարցազրույցի։ Նշանակված ժամին ձեզ հետ կկապվի մեր աշխատակիցը։ Հաջող թեստավորումից և տեսահարցազրույցից հետո սակագնի հասանելիությունը կվերականգնվի։

Եթե համոզված եք, որ խախտումներ չեն եղել, և հասանելիությունն անարդարացիորեն է սահմանափակվել, խնդրում ենք գրել աջակցման ծառայությանը։ Մենք մեկ անգամ էլ կստուգենք գաղտնի գնորդի հաշվետվությունը և կհամեմատենք այն ուղևորությունից ստացված լուսանկարների և տեսանյութի հետ, որոնք կօգնեն հաստատել կամ ժխտել խախտումների փաստը։ Մենք այդ նյութերը չենք հրապարակում և չենք փոխանցում վարորդներին, որպեսզի պահպանենք գաղտնի գնորդի գաղտնիությունը։

Եթե հաստատվի, որ գաղտնի գնորդը սխալմամբ է խախտում նշել, մենք կհանենք սահմանափակումները և կուղարկենք ձեզ պրոմո-կոդ՝ առաջնահերթության 2 միավորով, որոնք կգործեն 10 օր։ Եթե ստուգման արդյունքում ձեզ համար սահմանափակվել է սակագնով ուղևորությունների հասանելիությունը, մենք ձեզ հավելյալ պրոմո-կոդ կտրամադրենք մեկ օրով՝ ծառայության նվազեցված միջնորդավճարով։ Երբ այն ակտիվացնեք, ծառայության միջնորդավճարը կկազմի 1 ֏։