შეკვეთების შესრულება ველოსიპედით ან სკუტერით

ველოსიპედზე და სკუტერზე თქვენ უფრო სწრაფად იმოძრავებთ და უფრო მეტ შეკვეთას შეასრულებთ, ვიდრე ქვეითი კურიერები, ე.ი. თქვენი შემოსავალი მეტი იქნება.

მიტანის ჩართვა ველოსიპედზე ან სკუტერზე

იმისათვის, რომ სისტემამ უკეთესად შეგირჩიოთ შეკვეთები, ჩართეთ პარამეტრი «ველოსიპედით/სკუტერით მიტანა».

ამისათვის შედით Yandex Pro-ს პროფილში → «ტარიფების ოპციები» და ჩამრთველი გადაწიეთ მარჯვნივ პარამეტრის გასწვრივ. ამის შემდეგ აუცილებელია გაიაროთ ტრენინგი, თუ როგორ უნდა შესრულდეს შეკვეთები ველოსიპედზე. ტრენინგიდან თქვენ გაიგებთ, როგორ მართოთ ველოსიპედი, როგორ მოამზადოთ ის სამოძრაოდ და შეკვეთების შესასრულებლად, როგორ დააპარკინგოთ, როგორ უნდა იმოქმედოთ საგზაო-სატრანსპორტო შემთხვევის დროს.

უსაფრთხო სიარული

შეკვეთების წინ შეამოწმეთ ველოსიპედი. ხაზზე გასვლის წინ დარწმუნდით, რომ ველოსიპედი წესრიგშია. წნევა საბურავებში, საჭე, მუხრუჭები, ჯაჭვი, სკამის სიმაღლე — ყველაფერი უნდა იყოს გამართული და თქვენზე მორგებული, ისე, რომ იაროთ უსაფრთხოდ და კომფორტულად.

შეკვეთებზე ყოველთვის აანთეთ ფარები: წინა და უკანაც, დღისითაც კი. ასე თქვენ მეტად შესამჩნევი იქნებით გზებზე და ავარიაში მოხვედრის შანსიც შემცირდება.

იარეთ იმ ადგილებში, სადაც ნებადართულია. აი, როგორი ვარიანტები არსებობს:

1. ან ველოგზაზე ან ველოზოლზე.

2. გზის სავალი ნაწილის უკიდურეს მარჯვენა რიგში. წესების მიხედვით ველოსიპედისტები გზაზე ზუსტად ამდაგვარად მოძრაობენ.

3. შეეცადეთ არ იმოძრაოთ ტროტუარზე, სადაც ქვეითები დადიან, მაგრამ თუ არაა არცერთი ზემოთჩამოთვლილი, შეიძლება იაროთ ტროტუარზეც.

დაიმახსოვრეთ: ველოსიპედისტები საგზაო მოძრაობის ისეთივე სრულუფლებიანი მონაწილეები არიან, როგორც ავტომობილისტები. მუდმივად იყავით ყურადღებით: შესაძლოა ქვეითებმა ან მძღოლებმა თქვენ ვერ შეგამჩნიონ, მკვეთრად შეჩერდნენ ან გადმოუხვიონ თქვენს მხარეს.

ხელებით ანიშნეთ თქვენი მანევრები. მანევრის წინ დარწმუნდით, რომ კარგად ჩანხართ და შეანელეთ სვლა.

თუ მარჯვნივ უხვევთ, გვერდზე გაშალეთ მარჯვენა ხელი. თუ ავტომობილები მარჯვნივ უხვევენ, ხოლო თქვენ პირდაპირ მიდიხართ, გააგრძელეთ გზა პირდაპირ ყოველგვარი დამატებითი სიგნალების გარეშე, მაგრამ მხოლოდ მას შემდეგ, როცა დარწმუნდებით, რომ უკიდურესი მარჯვენა რიგიდან პირდაპირ წასვლა აკრძალული არ არის და მძღოლები თქვენ გაგატარებენ.

მარცხნივ მოხვევა მხოლოდ მაშინ შეიძლება, როცა გზაზე მხოლოდ ერთი ზოლია. თუ რამდენიმე ზოლია ან, თუ ქუჩაზე გადის ტრამვაის ხაზი, მარცხნივ მოუხვიეთ მხოლოდ ქვეითების გადასასვლელზე.

თუ გსურთ სასწრაფოდ გაჩერება, გააფრთხილეთ საგზაო მოძრაობის სხვა მონაწილეებიც —მაღლა აწიეთ ხელი.

რჩევა: შეეცადეთ გამოიყენოთ ტელეფონის დამჭერები, რომ მოძრაობისას ორივე ხელი საჭეზე გქონდეთ და შეგეძლოთ მომენტალურად დაამუხრუჭოთ, თუ ქვეითად მოსიარულემ ან ავტომობილის მძროლმა თქვენ ვერ დაგინახათ

ყურადღება მიაქციეთ ნიშნებს. დაიმახსოვრეთ რომელ ქუჩაზე მიდიხართ: მთავარზე თუ მეორეხარისხოვანზე. ეს დაგეხმარებათ უსაფრთხოდ გაიაროთ გზაჯვარედინები.

ქვეითთა გადასასვლელზე სიარული არ შეიძლება: უნდა ჩამოხვიდეთ ველოსიპედიდან, მოიყენოთ გვერდით და ისე გაიაროთ გადასასვლელი.

ყურადღებით იყავით ეზოებში. ყოველთვის შეამცირეთ სიჩქარე და განსაკუტრებულად ყურადღებით იყავით სახლების გვერდით და ეზოებში, სადაც შეიძლება დაგხვდეთ ბევრი ქვეითი, ბავშვები და ცხოველები. ეზოში შესვლისას არ გამოიყენოთ ზარი: მისმა ხმამ შეიძლება დააფრთხოს ბავშვები და ძაღლები.

პარკირების ადგილი და წესი

როდესაც სადმე გასვლა გიწევთ, ველოსიპედი დააპარკინგეთ ველობოქლომით, რომ ვინმემ არ მოიპაროს. შეეცადეთ ბოქლომი დაამაგროთ უძრავ კონსტრუქციებზე: მოაჯირებზე, ღობეებზე, ველოსიპედების სადგომზე — ბოქლომი გაატარეთ ველოსიპედის ჩარჩოსა და წინა ბორბალში, ასე ველოსიპედი უსაფრთხოდ იქნება.

თუ არ არის ადგილი, სადაც ველოსიპედის დაპარკინგება შეიძლება, უბრალოდ გაატარეთ ბოქლომი ჩარჩოსა და წინა ბორბალს შორის — ასე ვერავინ შეძლებს მის წაყვანას. ველოსიპედის მხოლოდ ბორბლით მიმაგრება ან ველოპარკირებაზე დაუმაგრებლად დატოვება აკრძალულია.

როგორ უნდა მოიქცეთ საგზაო-სატრანსპორტო შემთხვევის ან ქვეითთან დაჯახების შემთხვევაში

შეკვეთების მიტანის დროს ყველაფერი შესაძლებელია მოხდეს, მათ შორის საგზაო-სატრანსპორტო შემთხვევაც. როგორ უნდა მოიქცეთ, თუ ასეთ სიტუაციაში აღმოჩნდით:

• პანიკაში ნუ ჩავარდებით!

• დარწმუნდით, რომ თქვენ და შემთხვევის სხვა მონაწილეები უვნებლები ხართ.

• თუ ყველაფერი წესრიგშია და არც თქვენ და არცე შემთხვევის მეორე მონაწილეს პრეტენზიები არ გაქვთ — მშვიდობიანად დაშორდით ერთმანეთს.

თუ მოხდა სერიოზული საგზაო-სატრანსპორტო შემთხვევა, რომელიმე მონაწილე დაზარალდა, ველოსიპედი დაიმტვრა — რის შედეგადაც თქვენ ვერ ახერხებთ გზავნილის მიტანას:

• აპლიკაციაში მიწერეთ Yandex Pro-ს მხარდაჭერის სამსახურს.

• დაურეკეთ საგზაო პოლიციას და სასწრაფო დახმარებას. გადაუდებელი სამაშველო სამსახურის ნომერია — 112.