რა არის რეიტინგი

რეიტინგი — ესაა იმის მაჩვენებელი, თუ როგორ აფასებენ მომხმარებლები თქვენ მომსახურებას. ისინი თქვენ მომსახურებას აფასებენ 1-დან 5-მდე, რის შემდეგაც ფორმულით გამოითვლება საშუალო ქულა, ამაზე ქვემოთ ვისაუბრებთ.

რეიტინგზეა დამოკიდებული წვდომა შეკვეთებზე. ჩვენ გვსურს, რომ მომხმარებლები კმაყოფილები იყვნენ სერვისის ხარისხით, ამიტომ მაღალი რეიტინგის მქონე კურიერები ღებულობენ პრიორიტეტის დამატებით ქულებს და უფრო მეტ შეკვეთებს.

როგორ გამოითვლება რეიტინგი

რეიტინგი აჯამებს ბოლო 150 შეკვეთის შეფასებებს. რაც უფრო «ახალია» შეფასება, მით უფრო დიდი გავლენა აქვს მას რეიტინგზე.

თუ ბოლო შეფასება დაბალია, რეიტინგის გამოსწორება შესაძლებელია — ამისათვის უნდა შეასრულოთ ბევრი შეკვეთა და მათი შესრულებისთვის მიიღოთ მაღალი შეფასებები.

რეიტინგის განახლება ხდება დღე-ღამეში ერთხელ.

როგორ ვაკონტროლოთ რეიტინგი

რეიტინგის ნახვა შესაძლებელია პროფილში. ამისათვის დააჭირეთ ღილაკს Yandex Pro-ს მთავარი ეკრანის მარჯვენა ზედა კუთხეში. მარჯვნივ თქვენი სახელის ქვემოთ დაინახავთ რეიტინგს.

თუ რეიტინგი დაცემას დაიწყებს, Yandex Pro-საგან მოგივათ შეტყობინება.

რატომ ეცემა რეიტინგი?

რეიტინგი ეცემა მაშინ, როდესაც მომხმარებლები უკმაყოფილოები არიან იმით, თუ როგორ ასრულებს კურიერი შეკვეთებს. მაგალითად, თუ ის:

• შეკვეთებში მოთხოვნით «კარიდან კარამდე» გზავნილი არ მიიტანა მიმღების კარამდე და მომხმარებელს თვითონ მოუწია კურიერთან მისვლა;

• წინასწარ რთავდა სტატუსს «ადგილზე ვარ», «გზავნილი მიღებულია», «გზავნილი ჩაბარებულია»;

• არ პასუხობდა მომხმარებელთა ზარებს;

• დიდხანს მიჰქონდა შეკვეთა;

• უხეშობდა.

როგორ ხდება რეიტინგის აწევა?

როგორც წესი, მომხმარებლები წერენ მაღალ შეფასებებს, როდესაც კურიერს დროულად მიაქვს შეკვეთა, არის თავაზიანი და ასრულებს შეკვეთის კომენტარში მითითებულ მოთხოვნებს.

აი, რამდენიმე რჩევა იმისათვის, რომ მიიღოთ მაღალი შეფასებები:

• არ დაგავიწყდეთ მისალმება და დამშვიდობება.

• მომხმარებელს მიმართეთ თქვენობით.

• გაიღიმეთ — თქვენი კარგი განწყობა დადებით შთაბეჭდილებას ახდენს.

• იკითხეთ შეკვეთის კომენტარები და შეასრულეთ ისინი. თუ წერია «კარზე არ დარეკოთ», დააკაკუნეთ: შესაძლოა ბინაში ბავშვს სძინავს და ზარი მას გააღვიძებს.

• თან იქონიეთ ნაღდი ფული ხურდის დასაბრუნებლად.

• აკონტროლეთ, რომ ტელეფონი არ დაგიჯდეთ.

• ჩაიცვით აკურატულად — არ იაროთ სპორტული ან საზღვაო ტანსაცმლით.

• არ ისაუბროთ ან არ გააკეთოთ კომენტარი ისეთ თემაზე, რაც არ ეხება შეკვეთას. ასე თქვენ არ დაკარგავთ დროს და თავიდან აიცილებთ შემთხვევით კონფლიქტს.

• არ სთხოვოთ კლიენტს მაღალი შეფასების დაწერა. თუ ყველაფერს სწორადც აკეთებთ, სავარაუდოდ, კლიენტი თვითონ მოისურვებს ამის გაკეთებას.

როგორი უნდა იყოს რეიტინგი, რომ არ შეიზღუდოს წვდომა შეკვეთებზე?

შეკვეთებს იღებენ ის კურიერები, რომელთა რეიტინგი 4.7-დან 5-მდეა. თუ რეიტინგი 4,7-ზე დაბლა ჩამოდის, კურიერს შეეზღუდება შეკვეთებზე წვდომა და ეთიშება ტარიფი.

თუ სერვისთან წვდომა შეზღუდული იყო დაბალი რეიტინგის გამო, იმისათვის, რომ გაგრძელდეს შეკვეთების მიღება, ტარიფი კვლავ უნდა ჩაირთოს. ამისთვის:

• Yandex Pro-ს აპლიკაციაში შედით «ტარიფებში» და გადაწიეთ გადამრთველი სასურველ ტარიფთან.

• უყურეთ ტრენინგს;

• გაიარეთ ტესტი.

თუ თქვენ ტესტი წარმატებით გაიარეთ, გაიხსნება დროებითი წვდომა 6 თვის ხანგრძლიობით. ამ პერიოდის განმავლობაში უნდა შეასრულოთ 150 შეკვეთა და აწიოთ თქვენი რეიტინგი 4.75-მდე.

თუ ამ პერიოოდის განმავლობაში თქვენი რეიტინგი კვლავ აგრძელებს შემცირებას და ჩამოდის 4.6-ის ქვემოთ, თქვენ კვლავ შეგეზღუდებათ წვდომა შეკვეთებზე. წვდომის აღდგენა შესაძლებელი გახდება 6 თვის შემდეგ.

თუ თქვენ ვერ გაიარეთ ტესტი, შეკვეთებზე წვდომა შეჩერდება 6 თვით.