არასტანდარტული სიტუაციები შეკვეთების დროს

ზოგჯერ რაღაც არ მიდის ინსტრუქციის მიხედვით, მაგალითად, ვერ ხერხდება მიმღებთან დაკავშირება ან აქვს რაიმე უცნაური მოთხოვნა. მოგიყვებით, როგორ იმოქმედოთ მსგავს სიტუაციებში.

ვერ უკავშირდებით გამგზავნს

დაელოდეთ 10 წუთი. მინიმუმ სამჯერ დაურეკეთ გამგზავნს. გააუქმეთ შეკვეთა «გაუქმების» ღილაკზე დაჭერით.

ვერ უკავშირდებით მიმღებს

დაელოდეთ 10 წუთი. მინიმუმ სამჯერ დაურეკეთ მიმღებს. უპასუხოდ დატოვებული სამი ზარის შემდეგ გამოჩნდება ღილაკი «დაბრუნება». დააჭირეთ მას. თუ ღილაკი არ გამოჩნდა — მისწერეთ მხარდაჭერის სამსახურს და მიჰყევით ინსტრუქციებს.

დაურეკეთ გამგზავნს და ჰკითხეთ, არის თუ არა მზად გზავნილის უკან დასაბრუნებლად. თუ თანხმობა განაცხადა — გზავნილი მიუტანეთ გამგზავნს. შეკვეთის ღირებულება ავტომატურად გადაანგარიშდება დაბრუნების საფასურის გათვალისწინებით.

თუ ვერ მოხერხდა გამგზავნთან დაკავშირება და მისთის გზავნილის დაბრუნება, მიმართეთ მხარდაჭერის სამსახურს — გირჩევენ, როგორ მოიქცეთ.

გზავნილი უფრო მძიმეა, ვიდრე ტარიფითაა გათვალისწინებული

ტარიფში «კურიერი» გზავნილის მაქსიმალური წონაა — 10 კგ, ტარიფში «ექსპრესი» — 20 კგ. თუ გზავნილი უფრო მძიმეა, თქვენ შეგიძლიათ შეკვეთაზე უარის თქმა.

თქვენგან ითხოვენ რაღაც უცნაურობის გაკეთებას

თუ ითხოვენ ისეთი რაღაცის გაკეთებას, რაც დაკავშირებული არ არის მიტანასთან, მაგალითად, ფულის გამოტანას ან გზავნილის სადმე დატოვებას, მიმღებისათვის ჩაბარების სანაცვლოდ, არ შეასრულოთ ეს მოთხოვნა და დაუკავშირდით მხარდაჭერის სამსახურს.

არ გიშვებენ მიმღებთან

თუ თქვენ А წერტილში ხართ — დაუკავშირდით გამგზავნს და მოახსენეთ სიტუაცია.

თუ თქვენ B წერტილში ხართ — დაურეკეთ მიმღებს და მოახსენეთ სიტუაცია.

საჭიროა შეკვეთის გაუქმება

შეკვეთების უმეტესობის გაუქმება მხოლოდ მაშინ არის შესაძლებელი, სანამ მათ წამოიღებთ გამგზავნისაგან. გამონაკლისია — შეკვეთები რესტორნებიდან. მათი გაუქმება შესაძლებელია მხოლოდ რესტორნის მიერ შეკვეთის მომზადებამდე. თუ შეკვეთა მზადაა, აუცილებელია მისი აღება და მიმღებთან მიტანა.

გასაუქმებლად დააჭირეთ ღილაკს «შეკვეთის გაუქმება» შეკვეთის ბარათში და მიუთითეთ მიზეზი, თუ რატომ ვერ ასრულებთ შეკვეთას. ჩვენ ავტომატურად შევამოწმებთ სიტუაციას.

იმისათვის, რომ შეცდომით არ გააუქმოთ შეკვეთა, აპლიკაცია შეგახსენებთ, რა შემთხვევაში შეიძლება ამის გაკეთება.

ნუ გამოიყენებთ გაუქმებას ბოროტად — თუ ხშირად გააუქმებთ უკვე მიღებულ შეკვეთას, მათზე წვდომა შეგეზღუდებათ.

როგორ გავაუქმოთ შეკვეთების ნაწილი, როდესაც რამდენიმე მიმღებია

როგორც წესი, ეს არის ინტერნეტ-მაღაზიების შეკვეთები. თუ ასეთ შეკვეთაზე წარმოიშვა პრობლემა რომელიმე გზავნილთან დაკავშირებით — ის მზად არ არის ან არ შეესაბამება მოთხოვნას — შესაძლებელია არა მთლიანი შეკვეთის, არამედ კონკრეტული გზავნილის მიღების გაუქმება. ამისათვის დააჭირეთ სამ წერტილს «გზავნილი მიღებულია» ღილაკის გვერდით → «მიღების გაუქმება».

გამგზავნი გადმოგცემთ დაზიანებულ გზავნილს

თუ A წერტილში გზავნილი ცუდად გამოიყურება, მაგალითად, დაჭმუჭნულია, გატეხილია ან გახეულია, აცნობეთ ამის შესახებ გამგზავნს. თუ გამგზავნი არაა თანახმა და მაინც გთხოვთ გზავნილის მიტანას — გადაიღეთ და შეინახეთ გზავნილის ფოტო გამგზავნთან ერთად.

თუ გზავნილი დაბინძურებულია, თქვენ შეგიძლიათ უარი თქვათ შეკვეთაზე — ასეთი გზავნილი არღვევს სერვისის სტანდარტებს.

შეკვეთაზე არ არის მონიშნული «კარიდან კარამდე», მაგრამ მიმღები ითხოვს ასეთ მომსახურებას.

მიმღებს აუხსენით, რომ ასეთ შემთხვევაში ის უნდა გამოვიდეს გზავნილის მისაღებად. თუ მიმღებს არ სურს, რომ თვითონ აიღოს გზავნილი, მიმართეთ მხარდაჭერის სამსახურს — ისინი გირჩევენ, როგორ მოიქცეთ.

შეკვეთა სხვა კურიერმა წაიღო

თუ რესტორანში ან ინტერნეტ-მაღაზიაში მისვლისას აღმოაჩინეთ, რომ თქვენი შეკვეთა უკვე წაიღო სხვა კურიერმა, არ გააუქმოთ შეკვეთა და მიმართეთ მხარდაჭერის სამსახურს.