ინფორმაცია აეროპორტიდან შეკვეთების შესახებ

აეროპორტიდან და აეროპორტის მიმართულებით შეკვეთების საშუალო ღირებულება აღემატება ქალაქის მასშტაბით გაფორმებული შეკვეთებისას, მაგრამ ამ ტიპის მგზავრობაზე მოთხოვნაც არათანაბარია.

მძღოლები ზედმეტად დიდხანს რომ არ ელოდებოდნენ შეკვეთას, მომხმარებლებს კი ყოველთვის ჰქონდეთ გამგზავრების საშუალება, აეროპორტში თავისუფალი ავტომობილების რაოდენობას ელექტრონული რიგის მეშვეობით ვარეგულირებთ.

ელექტრონული რიგის მოქმედების ზონაში ადრე მისული მძღოლები შეკვეთას უფრო სწრაფად მიიღებენ, ხოლო გვიან მისულებს ოდნავ მეტხანს ლოდინი უწევთ.

შეკვეთების ელექტრონულ რიგში მოხვედრის პრინციპი

არსებობს ორი ვარიანტი:

1. აეროპორტში დამოუკიდებლად მიდიხართ, რადგან შეკვეთას ასრულებდით;

2. აეროპორტში გზამკვლევს მიჰყავხართ.

ადრე შეიძლებოდა, რიგში ნებისმიერი რაოდენობის მძღოლი მდგარიყო. სწორედ ამიტომ, იძულებული გავხდით, რიგში ავტომობილების რაოდენობაზე შეზღუდვა დაგვეწესებინა, რომ მძღოლებს შეკვეთის მიღებამდე დიდხანს ლოდინი არ დასჭირვებოდათ. აქამდე მძღოლების მოცდენის დრო იზრდებოდა, მათი შემოსავალი კი მცირდებოდა. ზოგჯერ აეროპორტში ლოდინზე გაცილებით მომგებიანია ქალაქში დაბრუნება და შეკვეთების იქ შესრულება. მძღოლები, რომლებიც არ დაარღვევენ ახალ წესებს, უფრო სწრაფად მიიღებენ შეკვეთებს რიგში. ამით ისინი უფრო ეფექტურად იმუშავებენ ხაზზე ყოფნის იმავე პერიოდში.

რიგში ადგილის დაკარგვის შესაძლო მიზეზები

მძღოლმა, შესაძლოა, დაკარგოს ადგილი რიგში, თუ ის:

• პირველი ხაზიდან გავა;

• ჩართავს ახალ ან გამორთავს მოქმედ ტარიფებს Yandex Pro‑ში;

• დიდხანს ვერ დაუკავშირდება GPS‑ს;

• გავა აეროპორტში ლოდინის ზონიდან. რუკაზე ეს ზონა აღნიშნულია ლურჯად;

• გამოტოვებს ან გააუქმებს შეკვეთებს;

• დაარღვევს სერვისის წესებს.

ყველა მსგავს შემთხვევაში ჯერ Yandex Pro‑ს მეშვეობით იგზავნება გაფრთხილება რიგში ადგილის დაკარგვის საფრთხის შესახებ.