მგზავრობის საფასურის გადახდა

იანდექს ტაქსის მგზავრებს შეუძლიათ მგზავრობის საფასურის გადახდა სამი მეთოდით.

ნაღდი ანგარიშსწორება

ტაქსით მგზავრობის საფასურის გადახდის ყველაზე ხშირი და ყველაზე ჩვეული მეთოდი ნაღდი ანგარიშსწორებაა. ამიტომ მარშრუტზე გასვლამდე მძღოლმა უნდა უზრუნველყოს ნებისმიერი ნომინალის კუპიურების ხურდის ხელზე ქონა. თუ ფიქრობთ, რომ ნაღდი ფული შეიძლება არ გეყოთ, სჯობს დაურეკოთ მგზავრს მანქანის მიწოდების შემდეგ და ჰკითხოთ, რა თანხიდან დაგჭირდებათ ხურდის დაბრუნება.

პრომოკოდი / ფასდაკლების კუპონი

უფრო მეტი ახალი მგზავრის მოზიდვისთვის იანდექს ტაქსი ატარებს აქციებს პოპულარულ მაღაზიებთან, კინოთეატრებთან, კაფეებთან და რესტორნებთან ერთად: მათი კლიენტები იღებენ ფასდაკლების კუპონს პირველ შეკვეთაზე.
ყველა იღებს სარგებელს ასეთი მგზავრობებისგან: მგზავრი ეცნობა იანდექს ტაქსის ხელსაყრელ, სწრაფ და თავაზიან სერვისს, მძღოლი იღებს მგზავრობის სრულ საფასურს მის ბალანსზე ტაქსომეტრში. მაგრამ მხოლოდ მძღოლზე — მის ყურადღებიანობაზე, წესიერებაზე და გულისხმიერებაზე — არის დამოკიდებული, თუ რამდენ ვარსკვლავს დასვამს მგზავრი მგზავრობის ბოლოს და მოინდომებს თუ არა, კვლავ გამოიძახოს იანდექს ტაქსი უკვე ჩვეულებრივი ტარიფით.

ეს ასე მოქმედებს:

• იმისთვის, რომ გამოიყენოს ფასდაკლება, მგზავრმა უნდა შეიყვანოს აპლიკაციაში პერსონალური კოდი იქამდეб სანამ გამოიძახებს ტაქსის. თუ მან ყველაფერი სწორად შეასრულა, იგი მაშინვე გაიგებს მგზავრობის მიახლოებით საფასურს პრომოკოდის გათვალისწინებით.

• მძღოლი ხედავს ზუსტ თანხას ფასდაკლების გამოკლებით, როცა საბოლოო მისამართზე მისვლისთანავე აჭერს ღილაკს «მგზავრობის დასრულება». სწორედ ამ თანხას იხდის მგზავრი — საბანკო ბარათიდან ან ნაღდი ფულით.

• თუკი კუპონმა სრულად დაფარა მგზავრობის ღირებულება (ტაქსომეტრზე აინთო «ნული»), მაშინ მგზავრმა არაფერი არ უნდა გადაიხადოს. ამ შეკვეთის თანხას გადარიცხავს იანდექს ტაქსი.