პანდემიის პერიოდში დამატებითი ანაზღაურების პროგრამა

ჩვენ ვაგრძელებთ პანდემიის პერიოდში პარტნიორებისთვის დამატებითი ანაზღაურების პროგრამას. იგი გაგრძელდება 2022 წლის 1 ივლისამდე. პროგრამა განკუთვნილია სერვისის პარტნიორი ტაქსოპარკების მძღოლებისთვის, რომლებიც დაავადდნენ კორონავირუსით ან მოთავსდნენ კარანტინში დაავადებულებთან კონტაქტის გამო.

ანაზღაურების ოდენობა

ერთჯერადი გადახდის ოდენობა დამოკიდებულია შესრულებული შეკვეთების ისტორიაზე და შეადგენს წმინდა საშუალო სადღეღამისო შემოსავლის ნახევარს, 2020 წლის 1 ივლისიდან დაავადებულებთან კონტაქტის გამო ავადმყოფობის და/ან კარანტინის თაობაზე დახმარების სამსახურთან დაკავშირების თარიღამდე პერიოდში. თუ მძღოლი 2020 წლის 1 ივლისამდე არ ასრულებდა შეკვეთებს, მაშინ გაანგარიშებისთვის გამოიყენება ყველა მისი შეკვეთის სტატისტიკა. ანაზღაურების გაანგარიშება ხდება ავადმყოფობის ან კარანტინის 14 დღისთვის.

ანაზღაურების მინიმალური თანხა შეადგენს 207ლარს, ხოლო მაქსიმალური — 3800 ლარს.

მაგალითად, თქვენი საშუალო დღიური შემოსავალი იყო 40 ლარი. ეს ნიშნავს, რომ პროგრამით გათვალისწინებული დღიური ანაზღაურება იქნება 20 ლარი, ხოლო კომპენსაციის საერთო თანხა — 280 ლარი.

რა შემთხვევაში შეიძლება ანაზღაურების მიღება 

• კორონავირუსით დაავადება ან კარანტინი დაავადებულებთან კონტაქტის გამო. ორივე შემთხვევა დადასტურებული უნდა იყოს სამედიცინო დაწესებულების და უფლებამოსილი სახელმწიფო ორგანოს მიერ გაცემული საბუთით.

• არანაკლებ 15 შეკვეთის შესრულება Yandex.Taxi-ს სერვისის დახმარებით 14 დღის განმავლობაში დაავადებამდე და/ან კარანტინამდე დაავადებულებთან კონტაქტის გამო.

• საშუალო წმინდა სადღეღამისო შემოსავალი 2020 წლის 1 ივლისიდან (ან პირველი შესრულებული შეკვეთის თარიღიდან, თუ მძღოლი არ თანამშრომლობდა 2020 წლის 1 ივლისიდან) დაავადებულებთან კონტაქტის გამო ავადმყოფობის და/ან კარანტინის თაობაზე დახმარების სამსახურთან დაკავშირების თარიღამდე იყო 30 ლარზე-ზე მეტი.

სად ჩაირიცხება ანაზღაურება

ანაზღაურება ჩაირიცხება იმ პარტნიორი ტაქსოპარკის ანგარიშზე, რომელთანაც თანამშრომლობთ

რა უნდა გაკეთდეს ანაზღაურების მისაღებად

• შეავსეთ ფორმა გვერდის ქვედა ნაწილში, მიუთითეთ სწორი საკონტაქტო მონაცემები, რათა ჩვენმა სპეციალისტებმა შეძლონ თქვენთან დაკავშირება.

• თან დაურთეთ დამადასტურებელი დოკუმენტების ასლი ან ფოტო.

• განაცხადის დამუშავების შემდეგ თქვენ მიიღებთ მიმართვის დეტალებს Yandex Pro-ს «ტექნიკური მხარდაჭერის» განყოფილებაში.

კითხვები და პასუხები

ვრცელდება თუ არა პროგრამა ჩემი ოჯახის წევრებზე?

პროგრამა განკუთვნილია მხოლოდ პარტნიორი ტაქსოპარკების მძღოლებისთვის

ვრცელდება თუ არა პროგრამა სხვა ქვეყნების მოქალაქეებზე?

დიახ, პროგრამა ვრცელდება ყველა პარტნიორ მძღოლზე, მოქალაქეობის მიუხედავად

რა მოუვა ჩემს ანგარიშს დაავადების ან კარანტინის შემთხვევაში?

წვდომა შეკვეთებზე დროებით შეიზღუდება. ხაზზე დაბრუნებას შეძლებთ გამოჯანმრთელებისთანავე ან კარანტინის ვადის დასრულებისთანავე.

რას ნიშნავს «სუფთა შემოსავალი», რომელიც გამოიყენება ანაზღაურების გაანგარიშების დროს?

ეს არის შემოსავალი სერვისის საკომისიოს გამოქვითვის შემდეგ.

როგორ დავამტკიცო, რომ გამოვჯანმრთელდი?

არსებობს ორი ვარიანტი:

1. შეავსეთ ქვემოთ მოცემული ფორმა და დაურთეთ სამედიცინო დაწესებულებისა და უფლებამოსილი სახელმწიფო ორგანოს მიერ გაცემული დოკუმენტების ფოტოები ან სკანები.

2. მიმართეთ მხარდაჭერის სამსახურს Yandex.Pro-ს «მხარდაჭერის» განყოფილების მეშვეობით.