სტანდარტებზე ზრუნვა: ფოტოკონტროლი

ფოტოკონტროლი გულისხმობს ავტომობილის ან დოკუმენტების დისტანციურ შემოწმებას, რომელიც შეკვეთებზე წვდომას განიჭებთ ან გიხანგრძლივებთ.

არსებობს ერთჯერადი ან პერიოდული ფოტოკონტროლი

• ერთჯერადი ფოტოკონტროლის გავლა აუცილებელია რეგისტრაციისას. მისი განმეორებით გავლა საჭირო იქნება, თუ მონაცემებს შეცვლით.

• პერიოდული შემოწმებების გავლა აუცილებელია რეგულარულად. მომდევნო შემოწმების თარიღის ნახვა შესაძლებელია განყოფილებაში «ფოტოკონტროლი» (სელფის შემოწმების გარდა). შემოწმების გავლა შესაძლებელია წინასწარ, წვდომის დაკარგვის გარეშე.

მომდევნო ფოტოკონტროლის შესახებ ინფორმაციის მიღების წესი:

1. წვდომის ან ზოგიერთი ტარიფის შეზღუდვასთან დაკავშირებული ინფორმაციის ნახვა შესაძლებელია განყოფილებაში «დიაგნოსტიკა».

2. ყველა ხელმისაწვდომი და გავლილი შემოწმების ნახვა შესაძლებელია განყოფილებაში «ფოტოკონტროლი».

3. შემოწმებების შედეგებისა და მოახლოებული რეგულარული ფოტოკონტროლის ნახვა შესაძლებელია ჩატში «გაფრთხილებები».

აი, რა უნდა გახსოვდეთ, ფოტოკონტროლი წარმატებით რომ გაიაროთ:

• საქართველოს ტერიტორიაზე სერვისის შეკვეთებთან მუშაობა შესაძლებელია მხოლოდ ქართული სახელმწიფო სანომრე ნიშნების მქონე ავტომობილებით.

• სერვისის შეკვეთებთან მუშაობა დაშვებულია მინიმუმ 4‑კარიანი ავტომობილებით.

• ავტომობილის ფოტოკონტროლის გასავლელად არ არის საჭირო სადმე მისვლა. საკმარისია ავტომობილის მომზადება და მისთვის ფოტოების გადაღება Yandex Pro‑ს მეშვეობით. აპში მოცემული იქნება შესაბამისი მითითებები.

• ფოტოების გადაღება დაშვებულია მხოლოდ იმ ავტომობილისთვის, რომელიც მითითებულია თქვენს პროფილში.

• გადაიღეთ ფოტოები დღის ნათელ მონაკვეთში ან კარგად განათებულ ადგილას (სავაჭრო ცენტრის პარკინგზე, ღია ავტოსადგომზე, განათების ბოძების ქვეშ). თუ ფოტოზე არ ჩანს / ცუდად ჩანს სალონი ან ძარას ელემენტები, გადაღებისას გამოიყენეთ ბლიცი.

• შემოწმებაზე არ მიიღება ბუნდოვანი, ბნელი ან გადანათებული გამოსახულებები, დაბალი გარჩევადობის მქონე ფოტოები, სხვა ელექტრონული მოწყობილობების ან აპების ეკრანებიდან ან ძველი ფოტოებიდან გადაღებული ფოტოები, ასევე, კორექტირებული ან რეტუშირებული ფოტოები.

• თუ ბრენდინგი ან საბავშვო სავარძელი გაქვთ, მათ ცალკე ფოტოსესია სჭირდება.

• როგორც წესი, ავტომობილისა და დოკუმენტების ფოტოკონტროლი 10 დღეში ერთხელ ტარდება. შესაძლოა, სისტემამ მოითხოვოს მისი უფრო ადრე გავლაც, თუ ავტოპარკმა შეცვალა მონაცემები, ან თუ საჭირო გახდა დამატებითი შემოწმება, რომელიც სერვისის ხარისხის გაუმჯობესებას შეუწყობს ხელს.

თუ ფოტოკონტროლს დროულად არ გაივლით, შეკვეთებზე წვდომა დროებით დაგებლოკებათ. წვდომა წარმატებული შემოწმების შემდეგ აღდგება.

შემოწმების შედეგებს მიიღებთ «გაფრთხილებების» ჩატში. თუ შემოწმებას ვერ გაივლით, ჩატში მითითებული იქნება მიზეზი და მოგიწევთ ახალი ფოტოების გამოგზავნა შენიშვნების გათვალისწინებით. ზოგჯერ საჭირო იქნება ფოტოების მხოლოდ ნაწილის შეცვლა. შემოწმების შემდეგ წვდომა დაუყოვნებლივ აღდგება. შემოწმებას 5‑15 წუთი სჭირდება.

Yandex Pro‑ს აპში ფოტოკონტროლის პოვნისა და შემოწმების დაწყების წესი