Буйрутмаларды бөлүштүрүүдөгү приоритет кантип иштейт?

Яндекс Продо приоритет шкаласы бар. Ал башкы экранда ылдыйкы пардада көрүнөт.

Айдоочунун жалпы приоритети канчалык жогору болгон сайын, бош туруу убактысы ошончолук азыраак жана жаңы буйрутмалар тезирээк келип турат. Ал иш жүзүндө төмөнкүчө иштейт:

• Буйрутмаларды бөлүштүрүү системасы автоматтык түрдө иштейт. Колдонуучу такси чакырганда, система коюлган талаптарга ылайык, башкалардан тезирээк келе ала турган автоунааны тандап баштайт

• Кээде жакын жерде бир нече ылайыктуу машине болуп калышы мүмкүн — ошондо буйрутманы башка машинелерге караганда колдонуучудан бир аз алысыраак турса да, приоритети жогорураак автоунаа алат.

Приоритет баллдары эмне үчүн берилет?

Приоритетти жогорулатуунун эки ыкмасы бар.

1. Приоритеттин пункттарында көрсөтүлгөн ар кыл шарттарын аткаруу

Төмөнкүлөр үчүн кошумча баллдарды алса болот:

• Сервистин жарнамалык материалдары менен автоунаага брендинг жасатуу.

• Рейтингди жогорулатуу.

• Артыкчылыктар программасында даражасын жогорулатуу.

• Сервистин буйрутмаларын узак убакыттан бери аткарып келүү.

Приоритетти жогорулаткан шарттардын толук тизмесин жана ар бири үчүн берилген баллдардын саны регионго жараша айырмаланышы мүмкүн — аларды дайыма Яндекс Про колдонмосунда карап көрсө болот.

2. Буйрутмаларды жокко чыгарбай, өткөрүп жибербей аткаруу

Айдоочунун буйрутмалар үчүн приоритети бар — ал:

• айдоочу буйрутмаларды өткөрүп жибербей аткарганда өсөт.

• Буйрутмаларды өткөрүп жибергенде жана жокко чыгарганда төмөндөйт. Кабыл алынган буйрутмаларды жокко чыгаруу үчүн өткөрүп жиберүүгө караганда көбүрөөк балл күйүп кетет.

Буйрутмаларды өткөрүп жибербей аткаруу үчүн эң көп 30 балл алса болот, төмөнкү босого жок.

Буйрутмалар эмне үчүн берилбей калышы мүмкүн?

Буйрутмалар көп жолу жокко чыгарылып, өткөрүп жиберилсе, жалпы приоритеттин бардык баллдарынан ажырап калуу мүмкүн. Мындай учурда айдоочу буйрутмаларды бөлүштүрүүдө артыкчылык албай калат.

Жалпы приоритет 0гө түшүп кетсе, сапарлар убактылуу болбой калат.

Приоритетти жогорулатуу үчүн буйрутмаларды катары менен, жокко чыгарбай, өткөрүп жибербей аткарыңыз. Буйрутмаларды аткаргыңыз келбей калса же аткара албай калсаңыз, «Бош эмес» статусун коюп коюңуз. Ошондо Яндекс Про сизге жаңы буйрутмаларды бербей калат — приоритет да төмөндөбөйт.

Алып кетүү дареги алыс болгон буйрутмаларды каалаган режимде приоритет баллдарын эч жоготпостон өткөрүп жиберсе болот.

Сизде суроолор жаралышы мүмкүн — биз аларга төмөндө жооп беребиз