«Экономдогу» стандарттар

Жогорку баа алып, буйрутмалардын жеткилигин сакташ үчүн сервистин сапат стандарттарын сакташ керек.

«Эконом» тарифинде баары оңой. Бир нече жөнөкөй эрежени сактаңыз — ошондо блокко түшүп калбайсыз, ыраазы жүргүнчүлөр көбүрөөк чайпул калтырышат.

Эмне кылыш керек?

🚖Автоунаа

• таза, кургак салон, жагымсыз жыттар жок;

• коопсуздук курлары жана жаздыктары шайма-шай иштейт;

• кузовдо зыян көргөн жерлери жок, фаралар, башка тетиктер — баары өз ордунда;

• багажник таза, кеминде ¾ бөлүгү бош;

• кузов жана босоголор таза;

• жаан-чачын жок болсо, эшик туткалары таза жана кургак.

👑Айдоочу

• рейтингди 4.5тен төмөн түшүрбөңүз. Рейтинг жөнүндө кененирээк өзүнчө макалада окуңуз;

• кийими тыкан, тышкы көрүнүшү жыйнак;

• жүргүнчү менен сылык-сыпаа сүйлөшөт;

• буйрутмаларга сөзсүз келет, өтө зарыл болгон учурда гана аларды жокко чыгарат;

• «Келдим» статусун жүргүнчүнү алып кетүү жерине келгенде гана коёт;

• сапарды колдонмодо көрсөтүлгөн даректе аяктайт.

❌Төмөнкүлөргө тыюу салынат:

• орой сөз айтуу, чыр чыгаруу;

• сапарга тиешеси жок, жеке, саясий, диний, же башка мүнөздөгү темаларда сөз баштоо же маектешүү;

• сапар алдында же учурунда машиненин ичинде тамеки чегүү;

• жол кыймыл эрежелерин бузуу (мисалы, ылдамдыкты ашыруу, үзүгү жок жол чийинин кесип өтүү, светофордун тыюучу сигналына өтүп кетүү);

• автоунааны жулкулдатып айдоо (мисалы, катуу ылдамданып, тык токтоо, бир тилкеден экинчи тилкеге олку-солку айдап жүрүү);

• жүргүнчүдөн буйрутманы жокко чыгарууну же төлөө ыкмасын алмаштырууну сурануу;

• жүргүнчүлөрдү же Яндекс Такси сервисин алдоо.