Нускама: жогорулатылган тарифтерде айдоочунун профили үчүн сүрөткө кантип түшүш керек

Сүрөткө тарта турган кишиге бул нускаманы көрсөтүңүз.

Сүрөткө акысыз түшсө болот. Ал үчүн төмөнкү даректер боюнча келиңиз:

• Акматбек Сүйүмбаев көч., 188, «Глобал Такси», иш күндөрү 10:00–17:00;

• Түгөлбай Ата көч., 69Б, «Биринчи Такси», иш күндөрү, 10:00–18:00;

• Горький көч., ½, «Технопарк», иш күндөрү, 10:00–17:00;

• Матросов көч., 50А, «Би-Такси», иш күндөрү, 9:00–18:00, түшкү тыныгуу — 13:00–14:00;

• Токтоналиев көч., 104/1 (2-бөлмө), «Альфа», дүйшөмбү-жума, 10:00–18:00;

• Түгөлбай Ата көч., 32А, «Алмурут», дүйшөмбү-ишемби, 09:00–18:00.

Дресс-код боюнча коюлган талаптарды аткарууну унутпаңыз: сүрөттө тарифте коюлган талапка жараша кийинип, тышкы көрүнүшүңүз стандарттарга жооп бериши керек.

1. Сүрөт ак же боз фондун бетинде горизонталдык түрдө тартылат. Жарык жүзүңүзгө текши тийиши керек.

2. Сүрөттө дресс-код милдеттүү түрдө сакталат.

3. Сүрөттө көйнөктүн бардык топчулары — анын ичинде жакада да топчуланат.

4. Сүрөттүн 80%ын айдоочу ээлеш керек. Сүрөттүн борборунда туруңуз, кадрга тике караңыз (жүздүн ракурсу тик, башты эңкейтпей, эч жакка бурбай, түз кармаңыз).

5. Жүзүңүз олуттуу, тынч көз караш, мимика табигый болсун.

6. Көкүрөккө чейин тартылган сүрөт (бюст).

7. Узун чач тыкан таралып, жыйналсын: чачты өрүңүз, түйүп коюңуз, же тутам кылып байлап коюңуз.

Сүрөттүн форматы: JPEG

Сүрөттүн өлчөмү: 1920×1080 пиксель

Ракурс: түз

Андан кийин сүрөт телефонго кантип жүктөлөт?

JPEG-файл сизге каалаган ылайыктуу ыкма менен жиберилсин:

1. WhatsApp, Telegram, Viber сыяктуу каалаган мессенджер аркылуу;

2. Компьютерден телефонго USB-кабель аркылуу;

3. Электрондук почтаңызга катка тиркеме катары (эгер электрондук почтаны колдонсоңуз);

4. Флеш-картага көчүрүлсүн, андан өзүңүз компьютердин жардамы менен сүрөттү телефонго көчүрүп аласыз.

Сүрөт сизде болгондо, сиз Яндекс Про профилине кирип, сүрөт белгисин басышыңыз гана керек болот. Яндекс Про сизге селфи-сүрөткө түшүүнү сунуштайт. Экрандын сол жагында даяр сүрөттү файлдардын арасынан жүктөп алуу үчүн атайын баскыч болот. Аны басыңыз жана сүрөттү жүктөп бериңиз: