«Жүк көлігі» тарифіндегі сервис стандарттары

Сервис стандарттары — бұл «Жүк көлігі» жүргізушілеріне арналған ережелер. Оларды сақтасаңыз, пайдаланушылар сізге жоғары бағаларды жиі қоятын болады. Стандарттарды бұзу үшін тапсырыстарға қол жеткізу шектелуі мүмкін.

Пайдаланушылармен қалай сөйлесу керек

• Сыпайы болыңыз: сәлемдесуді және қоштасуды ұмытпаңыз, пайдаланушыларға «сіз» деп сөйлеңіз.

• Күлімсіреңіз — сіздің көңіл-күйіңіз жалпы пікірге әсер етеді.

• Тапсырыстарға берілетін түсіндірмелерді оқып, оларды орындаңыз. Мысалы, онда өнәркәсіптік аймақта қажетті кіреберісті қалай табуға болатыны көрсетілуі мүмкін.

• Тапсырысқа қатысы жоқ әңгіме бастамау немесе түсініктеме бермеу керек. Осылайша уақытты кетірмей, кездейсоқ дауды болдырмайтын боласыз.

• Жоғары баға қоюды сұрамаңыз. Бәрін дұрыс жасасаңыз, бәлкім пайдаланушы оны өзі де қойғысы келеді.

Қалай киіну керек

Тапсырыстарды кез келген киіп орындай аласыз — форма қарастырылмаған.

Бұл жағдайда спорттық және жағажайлық киімді, жеңсіз ішкөйлектерді, шәрке мен шәркейді кимеген жөн. Бұл кәсіби адамға сай емес, сондықтан пайдаланушылар сізге төмен баға қойып, рейтингіңіз түсіп қалады.

Өзіңізбен бірге не алу керек

Сізге келесілер қажет болады:

• қайтарым беруге қолма-қол ақша

• телефонға арналған қуаттау құрылғысы

• паспорт — кейде қоймаға немесе басқа аймаққа рұқсат қағазды рәсімдеу үшін керек

• жүкті бекітуге арналған белдіктер

• шүберек, еден жуғыш — шанақ былғанып қалған жағдайға

• заттар еденде сырғанамау үшін шанақ өлшеміне сай таза төсеніш

Тапсырыста қалай әрекет ету керек

• Тапсырысты қабылдағаннан кейін бірден жіберушіге барыңыз.

• Пайдаланушы маршрутты өзгерткісі келсе, одан қолданба арқылы соңғы нүктені өзгертуді сұраңыз.

• Жүк бөлімін бос әрі таза ұстаңыз.

• Жүкті бекіту үшін өзіңізбен тартқыш белдікті алып жүріңіз.

• Пайдаланушыға кемінде бір жолаушы орнын бос етіп қалдырыңыз.

• Сізде «Жүк тиеуші» опциясы қосылса, көлікке жүк тиеуге немесе одан жүк түсіруге дайын болыңыз немесе бұл үшін жүк тиеушіні табыңыз. «Екі жүк тиеуші» опциясы қосылса, жүкті тиеуді екеуі де орындауы тиіс.

• Көлік туралы ақпаратты дұрыс көрсетіңіз. Типі, маркасы, моделі, мемлекеттік нөмірі, өлшемі Яндекс Pro-да көрсетілген деректерге сәйкес болуы тиіс.

Сервисте не тыйым салынған

• Яндекс Доставка пайдаланушылары мен қызметкерлеріне тіл тигізу.

• Дауларды бастау.

• Жіберушіден тапсырысты доғаруға немесе оны Яндекс Pro-ны айналып жеткізуді сұрау

• Пайдаланушыдан жеткізу үшін «бес» қоюды сұрау.

• Алушыдан Яндекс Pro қолданбасында көрсетілген ақшадан көбірек сұрау.

• Қаптаманы ашу немесе бұзу. Егер қаптама басынан да зақымдалған болса, зақымданған жерді жіберушімен бірге суретке түсіріңіз.

• Сәлемдемелерді иеленіп алу.

• Тапсырыстарды бөгде адамның профилін пайдаланып орындау немесе өз аккаунтты басқа жүргізушіге табыстау.

• Жіберушінің немесе алушының деректерін жеке мақсаттарда пайдалану — пайдаланушыларға тапсырыстан кейін хабарлауға және жазуға болмайды.

• Желіге мас күйінде шығу.

• Яндекс Доставка сервисіне қатысты арам ниетті әрекеттер жасау.

• Шанақ іші лас болып тапсырыстарды орындау — тапсырыстарға кіріспес бұрын ішін тазалап қойыңыз.

• Жүкпен бірге баратын пайдаланушыны апарудан бас тарту.

• «Жүк тиеуші» опциясы қосылып, пайдаланушы оны қолданбада таңдаса, жүкті тиеу мен түсіруден бас тарту.

Нені тасымалдауға болмайды

• Тұрмыстық және құрылыс қоқыстары

• Көлікке толығымен сыймайтын заттар

• Сейфтер, тренажерлар, пианино, антиквариат, аквариум сияқты ерекше тасымалдауды талап ететін заттар

• Тасымалдауға заңмен тыйым салынғанның бәрі. Мысалы, ақша мен құнды заттар, қару-жарақ, есірткі, жануарлар

• Шанақта адамдарды тасымалдауға болмайды

Сізден осы тізімдегі заттарды тасымалдауды сұраса, жеткізуден бас тартып, қолдау қызметіне хабарлаңыз.