Қыс мезгіліндегі денсаулық

Сіз көп уақытыңызды әрдайым көшеде өткізесіз және қозғалыста боласыз, суықта бұл қиын болады. Біз Яндекс Здоровье қызметіндегі әріптестерімізден ЖРВИ мен тұмаудан қорғану, денсаулыққа қолдау көрсету және мерекелерді өткізіп алмау жолдарын сұрадық.

Бұл ұсыныстарды сіздерге Анастасия Стрекозова мен Ольга Мартьянова атты дәрігерлер құрастырған.

Күнде орындалатын әрекеттер

1. Қолыңызды жылы сумен және сабынмен жиі жуыңыз. Есік тұтқаларын, домофондарды, лифт түймелерін және баспалдақ қоршауларын ұстағаннан кейін, қолға арналған антисептікті немесе бактерияға қарсы дымқыл майлықтарды пайдаланыңыз. Немесе қолғабыңызды жиі шешпеңіз.

2. Тұмау және ЖРВИ кезінде қорғаныс маскасы қайта қажет болады. Кіреберістерде, лифтілерде және қоғамдық көліктерде бұл ауру жұқтыру қаупін азайтады.

3. Мұрын мен тамақты күніне 3–4 рет тұзды сумен шайыңыз. Бұл мұрныңызды жиналған бактерияларды тазартады және тұмаудың алдын алуға көмектеседі.

4. Міндетті түрде бас киім киіңіз, құлағыңызды жабыңыз, мойныңызды мойынорағышпен немесе куртканың биік жағасын жабыңыз, аяғыңызға жүн шұлық, қолыңызға қолғап киіңіз. Бұлар дененің суыққа ең сезімтал бөліктері, оларды қорғау қажет.

5. Күніне кемінде 1,5 литр су ішіңіз. Егер суықта көп жүрсеңіз, өзіңізбен бірге ыстық су құйылған термос алып жүріп, су ішіп жүрген дұрыс.

6. Витаминдер (арзан болса да) қабылдаңыз. С дәруменін (1000 мг көпіршікті таблеткаларды екіге бөліп) 500 мг суға ерітіп, оны күн сайын таңертең суық күндері ішуге болады. Күнделікті тамаққа 10 тамшы D дәруменін (Вигантол) қосыңыз. Дәрумендерді курспен бір ай немесе күз не қыс бойы қабылдаңыз.

Өзіңізді нашар сезінсеңіз не істеу керек

Суық тигендегі аурудың негізгі белгілері: қалтырау, дененің ауыруы, дене қызуының көтерілуі, жөтел, мұрыннан су ағу, тамақ ауруы және бас ауруы. Егер осыларды сезсеңіз, сауыққанша және дене қызуы басылғанша үйден шықпаңыз. Бұл — сервис стандарттарының бірі болып келеді.

Қалай емделу керек?

1. Тәулігіне 2 л дейін су ішіңіз.

2. Тамақ пен мұрынды тұзды сумен шайыңыз.

3. Температура 38°C-тан көтерілсе, қызу түсіретін препараттарды күніне ең көбі 3 рет қабылдауға болады.

4. Мұрынмен еркін тыныс алуға тырысыңыз. Ол үшін спрей түріндегі тамшылар пайдалы, бірақ күніне ең көбі 2 рет пайдаланыңыз.

Аурудан кейін жеткізуге шыққанда жылы жерге жиі баруға тырысыңыз, сонымен қатар лифтілерде, кіреберістерде, қоғамдық орындарда және адамдармен сөйлескенде маска тағыңыз.

Қатты аязда жүрсеңіз

Қалың киініп, аяқ-қолыңызды жылы ұстаңыз, термо іш киім киіңіз. Үсік шалмаудың қамын ойлаңыз.

Егер үсік шалса, мұны бірнеше белгі арқылы білесіз. Тері бозарады немесе қызарады, сезгіштік айтарлықтай төмендейді не жоғалады, ұю және ауырсыну пайда болады.

Симптомдаржы елеусіз қалдырмаңыз, бірден:

1. Суықтан жылы жерге кіріңіз.

2. Терінің зақымдалған орнын, әсіресе қармен ҮЙКЕМЕҢІЗ, өйткені үсікке инфекция қосылуы мүмкін.

3. Терінің зақымдалған орнын жылы киіммен орап, 15–30 минут күтіңіз.

4. Тәтті шай ішіңіз, көмірсулар, мысалы, печенье немесе тоқаш жеңіз.

Дененің үсік шалған жерін жылы (ыстық емес) сумен 20 минут ақырын жылытыңыз және судың температурасын 40°C-қа дейін баяу көтеріңіз.

Егер бұл шаралар көмектеспесе, дереу дәрігерге қаралыңыз.

Дәрігерге қай кезде шұғыл қаралу керек

Дәрігерге қаралуды кейінге қалдыруға болмайтын симптомдар:

·   37°-тан жоғары температура 5 күннен артық сақталса

·   кеудеде ауырсыну, ентігу пайда болса

·   жөтелгенде қан шықса

·   тыныс алу ауырласа

·   естен тану, діріл

·   жеңіл дәретке көптен бері бармасаңыз

·   жалпы халіңіз нашарласа

Мұндай жағдайларда 103 немесе 112 телефондары арқылы жедел медициналық көмек қызметіне хабарласыңыз.

Өзіңізге қамқор болыңыз!

Қарсы көрсетілімдер бар, маманның кеңесі қажет.