Курьер ретінде Арнайы Салық Режимі бойынша Жеке Кәсіпкерлікті (ИП) қалай ашуға болады

Қазір жеке кәсіпкерлікті тіркеу өте оңай. Оны онлайн және тегін жасауға болады. Құжаттардың минималды жинағы мен бірнеше күн күту қажет болады.

Жеке кәсіпкерлікті e-Salyq Business қосымшасы арқылы ашуға болады.

ЭҚҚЖ бойынша қызмет түрінің коды: 56210 (Пошталық жөнелтілімдерді жеткізуден басқа курьерлік жеткізу қызметі).

Тағам жеткізуге арналған салық режимі: «Дайын тағамды тапсырыспен жеткізу».

Хабарландыруға қол қою нұсқалары:

• ескі үлгідегі ЭСҚ көмегімен

• eGov mobile арқылы.

Тіркеу қалай өтеді

1. e-Salyq Business мобильді қолданбасын жүктеп алыңыз.

• Android үшін

• iPhone үшін.

2. e-Salyq Business қолданбасының «Профиль» бөліміне кіріңіз.

3. «Профиль» бөлімінде «Төлқұжат» қойындысына өтіп, кейін «Жеке кәсіпкерді тіркеу» деген көк түсті батырмаға басыңыз.

4. Тіркелген мекенжайыңыз бойынша салық органын таңдаңыз — «Салық органы» батырмасына басып, тізімнен өзіңізге қажетті аумақтық мемлекеттік кірістер органын (МКБ) таңдаңыз.

5. 1 қадам. Өз деректеріңізді көрсетіңіз — ЖСН, ТАӘ, туған күніңіз, мекенжайыңыз бен жеке басты куәландыратын құжаттың деректері (бұл ақпарат автоматты түрде толтырылады). Барлық өрістерді толтырған кезде «Жалғастыру» батырмасын басыңыз.

6. 2 қадам. Жеке кәсіпкердің орналасқан мекенжайын көрсетіңіз: тізімнен облыс пен қаланы таңдаңыз, мекенжайды, пошта индексін, үй мен пәтердің нөмірін көрсетіңіз. Телефон нөмірін енгізіңіз. Барлық өрістерді енгізген кезде «Жалғастыру» батырмасын басыңыз.

7. 3 қадам. Жеке кәсіпкердің атауын жазыңыз. Ыңғайлы болу үшін жеке кәсіпкердің атауы ретінде өзіңіздің ТАӘ көрсетуге болады.

8. Осы жерде негізгі қызмет түрін таңдаңыз — мына тәртіппен:

«I — Тұру және тамақтану бойынша қызмет көрсету → 56 — Тамақ өнімдері мен сусындар ұсыну бойынша қызметтер → 562 — Тапсырыспен тамақ жеткізу және тамақ өнімдерін жеткізу бойынша басқа қызметтер → 5621 — Тапсырыспен тамақ жеткізу → 56210 — Тапсырыспен тамақ жеткізу».

9. Осы бөлімде салық салу тәртібі көрсетілетін өрісті де толтырыңыз — «Арнайы мобильді қолданба пайдаланылатын арнайы салық режимін» таңдаңыз.

10. Дайын болып қалды. Міндетті өрістердің бәрі дұрыс толтырылғанын тексеріп, тіркелуді аяқтаңыз. Ол үшін «eGov mobile көмегімен қол қою» немесе «ЭСҚ-мен қол қою» батырмасын басыңыз.

Көп қойылатын сұрақтар

Жеке кәсіпкер курьерлер қандай салық режимдерін таңдай алады?

Жеке кәсіпкер-курьерлерге арнайы салық режиміндегі жеке кәсіпкерлік және арнайы мобильді қосымшаны пайдалану қажет.

Басқа салық режимінен арнаулы мобильді қосымшаны пайдаланатын АСР-не қалай өтуге болады?

Арнайы мобильді қолданба пайдаланылатын арнайы салық режиміне мына режимдерден өтуге болады:

• жалпыға бірдей белгіленген салық салу тәртібі;

• патент негізіндегі арнайы салық режимі;

• шаруа немесе фермерлік қожалықтарға арналған арнайы салық режимі.

Толығырақ бөлек мақаладан оқып біле аласыз.

ИП қосылуға өтініш

Егер сіз ИП тіркеген болсаңыз, сервиске қосылуға өтініш бере аласыз.

Сіз курьерлік орталықты келесі мекенжайда таба аласыз:

• Астана қ., Бауыржан Момышұлы даңғылы, 12 (көшеден кіру). Күн сайын 09:00–ден 19:00–ге дейін

• Алматы қ., Төле би көшесі, 4 (Төле би көшесі жағынан кіру). Күн сайын 09:00–ден 19:00–ге дейін

• Шымкент қ., Айбергенов көшесі, 4 (полиграфия «Карандаш»-тан сол жақта, көшеден кіру). Күн сайын 09:00–ден 19:00–ге дейін.