Күту режимі қалай істейді

Егер сіз жолаушыны жөнелту орнында ұзақ күтіп тұрсаңыз немесе сізден жолда тоқтай тұруды сұраса, күту уақыты сапар сомасына кіруі мүмкін. Яндекс Про-дағы осы режимді қалай қолдану керектігін айтып береміз.

Тегін күту

Сіз «Келдім» күйін белгілеген кезде күту уақыты басталады. Пайдаланушыда сіздің машинаңызға отыру үшін бірнеше минут бар. Тегін күту минуттарының саны аймақ пен таңдалған тарифке байланысты.

Жолаушы машинаға отырған кезде сапарды бастау үшін «Кеттік» слайдерін солдан оңға қарай тартыңыз, сонда күту есептігіші тоқтайды. 

Ақылы күту

Егер жолаушы кідіріп жатса және тегін күту уақыты аяқталып қалса, есептегіш ақылы күту уақытының басталғанын көрсетеді. Бұл сома сапар құнына қосылады. Ол автоматты түрде жүреді. 

Жолаушы жолда тоқтай тұруды сұраса

Егер жолаушы тоқтай тұруды сұраса, «Күту» батырмасын басыңыз. Батырма тоқтаған сәттен бастап 3 минуттан кейін қолжетімді болады. Есептегіш ақылы күту уақытының басталғанын көрсетеді, ал сомасы сапар құнына қосылады. Ол автоматты түрде жүреді.

Жолаушы машинаға отырған сәтте сапарды бастау үшін «Кеттік» батырмасын басыңыз, сонда күту уақытын есептегіш тоқтайды.

Жолда күту туралы тағы нені білу керек

1. Егер жылдамдық 5–7 км/сағаттан асатын болса, күту уақыты автоматты түрде сөнеді.

2. Интернет қосылымында ақаулар болса, «Күту» батырмасы жоғалып кетуі мүмкін. Егер сондай жағдай орын алса, парақшаңызға кіріп, «Диагностика» бөлімін ашыңыз. Экраннан мәселені шешу қадамдарының тізімін көресіз.

3. Күту» батырмасын жолаушы тоқтауды сұраған кезде ғана басыңыз.

Күту уақытын қалай сөндіру керек

Жолаушы келген кезде «Кеттік» батырмасын басу жеткілікті, сонда есептегіш өзі тоқтайды. Сондай-ақ, егер жылдамдық 5-7 км/сағаттан асатын болса, есептегіш те тоқтайды. Сондықтан, кептелістер кезінде батырма біресе пайда болады, біресе жоғалып кетеді.

Кейде күту батырмасы сіз бір орында күтіп тұрған кезде жоғалып кетуі мүмкін. Әдетте ол GPS ақауларына байланысты болады. Егер батырма жоғалып кете берсе, Интернет байланысын тексеріп алыңыз. Ол үшін парақшаңыздағы «Диагностика» батырмасына басуға болады.

Егер жолаушы тоқтай тұруды сұрамаған болса, «Күту» батырмасын жай басуға болмайды. Күткен уақыт үшін қосымша сома чекке кіреді, ал егер іс жүзінде тоқтамаған болсаңыз, сервиске қолжетімділігіңіз шектелуі мүмкін.

Сұрақтар мен жауаптар