Жеке кәсіпкер жүргізуші ЭҚЖЖ мен салық режимін қалай ауыстыра алады

Сервиспен тікелей немесе паркпен серіктес жеке кәсіпкер ретінде қызметтесу үшін жүргізушіге e-Salyq Business арнаулы мобильді қосымшасы пайдаланылатын арнаулы салық режимімен жеке кәсіпкерлікті тіркеу қажет. Сонда жеке кәсіпкер жүргізуші үшін салық мөлшерлемесі небәрі 4% болады.

Егер жүргізушіде жеке кәсіпкерлік бар болса, бірақ салық режимі басқа болса және тек такси қызметіне арналған болса, салық режимін ауыстыру қажет — e-Salyq Business мобильді қосымшасы пайдаланылатын режимге өту. Төменде оны қалай істеуге болатынын көруге болады.

Жеңілдетілген декларация немесе бөлшек салық режимінен қалай ауысуға болады

1. Хабарландыру формасын жүктеп алып, басып шығарыңыз  

2. Форманы төмендегі мысал бойынша толтырыңыз

Басып шығарылған және толтырылған форманың жоғарғы оң жақ бұрышына «ТАКСИ» сөзін және телефон нөміріңізді жазыңыз

3. Өтінішті екі тәсілдің бірімен мемлекеттік органдарға жіберіңіз:

• онлайн — өтінішті суретке түсіріңіз немесе сканерлеңіз, содан кейін оны e-otinish арқылы жүктеп салыңыз 

• көзбе-көз — тіркеу орны бойынша МКБ арқылы

Жалпыға бірдей белгіленген тәртіппен салық салу режимінен, патенттен немесе ауыл немесе фермерлік шаруашылықтарға арналған режимнен қалай ауысуға болады 

1. e-Salyq Business мобильді қосымшасына кіріңіз;

2. Мәзір → Сервистер → Жеке кәсіпкердің салық режимін ауыстыру;

3. Қажетті салық режимін таңдаңыз;

4. Өзіңіздің жеке кәсіпкерлігіңіз туралы сұратылған ақпаратты толтырыңыз;

5. Салық режимін ауыстыруға өтінім жіберіңіз.

Мысал. Сіз 15 қазанда арнаулы мобильді қосымша пайдаланылатын арнаулы салық режиміне өту туралы хабарландыру жібердіңіз делік. Жеке кәсіпкерлігіңізге арналған бұл режим 1 қарашадан бастап әрекет ете бастайды.

Егер сіз салық режимін арнайы режимнен жалпыға бірдей белгіленген тәртіпке ауыстырсаңыз, тек бір жылдан кейін ғана кері өте аласыз.

Статистика комитеті сайтында қызмет түрін ауыстыру

• Комитет сайтына кіріңіз . «Респонденттерге»→ «Респондент кабинеті» қойындысына өтіп, ЭСҚ арқылы авторизациядан өтіңіз.

• «Кәсіпорын деректері» қойындысына кіріңіз. Форманың жоғарғы сол жақ бұрышындағы «Өңдеу» батырмасын басыңыз. «ЭҚЖЖ» өрісінде ашылмалы тізімнен қажетті кодты таңдаңыз. Такси үшін — 49320. Осы қадамда қосымша төрт ЭҚЖЖ қосуға болады. Ол үшін «+» батырмасын басыңыз немесе барларын түзетіңіз — ол үшін екінші ЭҚЖЖ тармағының оң жағындағы үшбұрыш таңбасы бар батырмаға басыңыз;

• Өзгерістерді сақтаңыз. Экранның төменгі бөлігіндегі «Ақпарат» бөлімшесі арқылы «Жаңарту» және «Сақтау» батырмасын басыңыз.

Қызметті өзгертудің басқа тәсілдері

• e‑license электрондық лицензиялау порталы арқылы;

• жеке кәсіпкердің деректемелерін өзгертуге арналған ішкі банктік сервис арқылы.