Жеке кәсіпкер жүргізушілер деген кімдер және олардың қандай артықшылықтары бар

Такси саласында мәлімденген қызметі бар жеке кәсіпкер мәртебесіндегі жүргізушілер Қазақстанда сервиспен тікелей қызметтес бола алады және сервистен артықшылықтар алады.

Сервиспен тікелей қызметтес болу үшін жүргізуші жеке кәсіпкер ретінде тіркеліп, қызмет түрінде 49320 (такси) — ЭҚЖЖ кодын көрсетуі керек, e-Salyq Business арнайы мобильді қолданбасын пайдалана отырып, арнайы салық режимін қолдануы керек. 

Жеке кәсіпкер жүргізушілерге мемлекет тарапынан берілетін артықшылықтар

Егер жүргізуші Қазақстан Республикасының заңнамасы бойынша жеке кәсіпкер төлеуі тиіс жарналар мен аударымдарды тұрақты және уақытылы түрде төлеп отырса, оған мынадай артықшылықтар беріледі:

• Төмен табыс салығы. Тапсырыстардан түскен табыстан бар-жоғы 1%. Тікелей серіктестер таксопаркке комиссия төлемейтіндіктен, мұндай қызметтестік жеке кәсіпкерліксіз тапсырыс орындауға қарағанда тиімдірек.

• Әлеуметтік төлемдер. Жарналар уақытылы төленіп тұрса, еңбек қабілеттілігін жоғалтқан кездегі төлемдер және әлеуметтік тәуекелдерді қамтитын басқа да қажетті кепілдіктер.

• Медициналық сақтандыру. Жеке кәсіпкер жүргізушілерге МӘМС бағдарламасы таралады, ол арқылы мемлекеттік тегін медициналық көмек бағдарламасына қарағанда барынша кеңірек медициналық қызметтер спектрі қолжетімді.

• Ресми табыс. Жеке кәсіпкер жүргізушілерде, егер салықтар мен аударымдар төленіп тұрса, тапсырыстардан түскен табыс ресми табыс болып табылады және оны несие, ипотека, жәрдемақы ресімдеу және басқа да құжаттарды алу кезінде растауға болады.

Банктер несие алу қабілеттілігін зейнетақы аударымдарының мөлшері бойынша бағалайды: егер аударымдар болмаса — несие алу қиындау болады.

Жеке кәсіпкер жүргізушілерге сервис тарапынан берілетін артықшылықтар

• Тапсырыстарды тарату кезінде +5 басымдық ұпайы. Олар жеке кәсіпкерлігі бар тікелей серіктес ретінде тіркелген сәттен бастап беріледі және мерзімі шектелместен әрекет етеді*. Басымдық неғұрлым жоғары болса, тапсырыстар соғұрлым көп және табыс жоғары болады.

• Сервис комиссиясы болмайтын тапсырыстарға 12 сағаттық промокод. Жүргізушіге сервистің тікелей серіктесінің аккаунтымен орындаған алғашқы тапсырысынан кейін келеді.

• Артықшылықтар бағдарламасында +10 ұпай. Сервистің тікелей серіктесінің аккаунтымен жасалған әрбір сапар үшін тікелей серіктестіктің алғашқы 3 айында беріледі.

• «Шаруалар бойынша» көбірек сапар. Бұл режимде аптасына 14 сапар қолжетімді — жүргізушіге қажетті ауданға бағыттас сапарларды күніне екі рет орындауға болады. Егер артықшылықтар бағдарламасында Платина дәрежесі болса, «Шаруалар бойынша» сапарлар саны күніне үш рет болады.

• Таксопарктің комиссиясы жоқ. Тікелей серіктестер тек сервис комиссиясын төлейді.

• Құжаттарды әзірлеу үшін консультанттардың көмегі. Құжаттармен көмекті сервистің серіктес компанияларының өкілдері жүзеге асырады.

*Қазір басымдықтың қолданылу мерзімі шектелмейді. Осы беттегі шарттарды қадағалаңыз.