Жүргізушілер үшін сервиске қолжетімділікті шектеу қалай істейді

Қауіпсіздік — сервис үшін негізгі басымдық. Біз жүргізушілер мен жолаушылар үшін әрбір сапарды қауіпсіз етуге көмектесетін шешімдерді дамытуға үнемі үлес қосып отырамыз. Қазір қолданылып жатқан барлық іс-шаралар туралы қауіпсіздік саласындағы саясаттан оқуға немесе «Яндекс Такси технологияларының антологиясы» сериалының арнайы эпизодынан біліп алуға болады.

 Сапар қауіпсіз әрі жайлы өтетіндігіне кепілдік — жүргізуші мен жолаушылардың сервис стандарттарын ұстануы. Жақында біз қауіпсіздік саясатын толықтырдық, енді жүргізушілерде сервистің қауіпсіздік мәселелері бойынша шешімдерді қалай қабылдайтыны туралы ақпарат көбірек бола түсті. Осы мақалада біз қазір бәрі қалай істеп тұрғаны туралы айтып өтеміз.

Ережені бұзылғаны туралы қалай білуге болады

Егер жүргізуші сервис ережелерін бұзса, ол бұл туралы ақпаратты мобильді қосымшадағы хабарландыру, қолдау қызметі чат арқылы жіберген хабарлама немесе олардан түскен қоңырау арқылы алады. Ереженің бұзылғаны туралы ескертулер жүргізушіге Яндекс Про мобильді қосымшасының арнайы бөліміне түседі. 

Жүргізуші ненің дұрыс еместігін және оны қалай түзету керектігін (егер мүмкін болса) толық түсіну үшін біз бұл туралы оған Яндекс Про мобильді қосымшасының арнайы бөлімі немесе қолдау қызметінен түсетін хабарлама арқылы міндетті түрде хабарлаймыз.

Мысалы, мыналар туралы жүргізуші міндетті түрде біледі: 

• ұқыпсыз жүрістің тіркелген эпизодтарының бар-жоғы,

• жылдамдықты асырғаны,

• автокөліктің пайдаланушылар байқаған ақаулары,

• салондағы иіс және тағы басқалары.

Егер ереже күрделі бұзылмаса және алғаш рет бұзылса, жүргізуші ескерту алады. Алайда, сервис кез келген бұзушылықты тіркеп отыратындығын ескеру керек.

Егер ескертулерге назар аудармаса не болады

Әдетте, мобильді қосымша арқылы түскен ескертулер немесе қолдау қызметінің қоңырауынан кейін жүргізуші жағдайды түзетіп, тапсырыстарды сервис ережелерін ұстана отырып орындайды. Алайда, егер жүргізуші сервистің қауіпсіздік стандарттарын үнемі бұза берсе немесе біздің ескертулерімізге мән бермесе, онда бізге қосымша іс-шараларды қолдануға тура келеді — сервиске қолжетімділік уақытша шектелуі мүмкін. Қауіпсіздік саясатының толықтырылған нұсқасында біз жүргізуші жауапкершілік деңгейін түсіну және жағдайды түзету үшін қанша уақыты бар екенін білу үшін олардың мерзімдерін ашып көрсеттік, содан кейін ол сервиске қайта оралып, оның стандарттары бойынша жұмыс істей алады. 

Шектеулердің мүмкін мерзімдері мынадай:

• Қауіпті жүріс мәнері — 1–7 күн

• Тапсырыстармен жұмыс ережелерінің бұзылуы — 1–7 күн

• Сапар кезінде сервис стандарттарының бұзылғаны туралы пайдаланушылардан түскен тұрақты ескертулер — 30 күн

• Автокөлік тапсырыста мәлімденген автокөліктен басқаша — 30 күн

• Қолдан жасалған құжаттарды қолдану — 60 күн

• Мобильді қосымшаның жұмысына араласу — 100 күнге дейін

• Рейтингтің тапсырыстарға қолжетімділік ашатын деңгейден төмен түсіп кетуі — 180 күнге дейін

• Аккаунтты үшінші тұлғаларға беру — 1 жыл

Шектеулердің мүмкін түрлері мына мақалада толығырақ сипатталған.

Қауіпсіздік үшін сыни ерекше жағдайларда — мысалы, зорлық-зомбылық қатерлері немесе одан өрескел бұзушылықтар үшін жүргізушінің сервиске қолжетімділігі ұзақ мерзімге шектелуі мүмкін. 

Егер сервистің шешімімен келіспесе, не істеу керек

Жүргізушіде сервистің шешіміне қарсылық білдіру мүмкіндігі бар. Ол үшін ол жүргізушілердің тәуелсіз комитеті арқылы шектеулерді қайта қарастыруға өтінім жібере алады. Комитет бүкіл жағдайларды қарастырып шығып, сервиске қалай әрекет ету керектігі туралы кеңес береді.