«Қалааралық» тарифі

Сервисте жаңа «Қалааралық» тарифі іске қосылды — онымен қалааралық сапарлар саны арта түседі. Әзірге, тариф бірнеше бағытта ғана істейді.

Тариф қалай істейді

«Қалааралық» тарифімен тапсырысты:

1. Яндекс Про-да желіде жүрген кезде әдеттегі сапар ретінде алуға болады.

Сіз тариф бойынша тапсырысты қабылдаған кезде, карточкадан сапардың бүкіл деректерін көресіз: тариф, сапардың құны әрдайым көрініп тұрады және Б нүктесі ашық болады.

2. Яндекс Про-ның «Қалааралық» бөлімінде пайдаланушылар жасаған қолжетімді ұсыныстар арасынан өзіңіз таңдап ала аласыз.

Пайдаланушылар Яндекс Go арқылы «Қалааралық» тарифімен тапсырыстар жасайды: жолдың бастапқы және соңғы нүктесін, сондай-ақ, сапардың басталатын уақытын көрсетеді.

Сондай-ақ, «Қалааралық» бөлімінде «Кері қайту» деген тармақ бар — ол жерден сіз бос кетпес үшін кері қайтатын сапар таңдай аласыз.

Пайдаланушыға баратын кезде сіз хабарлама аласыз, ал Яндекс Про-да жолаушыға дейін баратын жолдың экраны ашылады — А нүктесіне барып, сапарды әдеттегідей бастаңыз.

Межелі нүктеге келіп, тапсырысты аяқтаған кезде, кері қайтар жолда «Үйге» немесе «Шаруалар бойынша» режимдерін пайдалана аласыз — Яндекс Про сізге өз қалаңызға апаратын тапсырыстар іздей бастайды.

Қалай қосылуға болады

Егер сіздің рейтингіңіз 4,75-тен жоғары, ал машинаңыз талаптарға сай болса — тариф автоматты түрде қолжетімді болады. Қосылу туралы хабарлама Яндекс Про чатына келеді.

Егер хабарлама келмесе, тарифті қолмен қоса аласыз: парақшаңызға → «Тарифтер» бөліміне кіріңіз және «Қалааралық» атауының жанындағы тумблерді қосып, тарифтің тапсырыстарын орындауға дайын екеніңізді растаңыз.

Тарифті ажыратып тастау үшін тумблерді солға жылжытыңыз. Осыдан кейін «Қалааралық» тапсырыстар түспейтін болады.