Қауіпсіз жүргізу ережелері

Велосипедшілер үшін

Слотты бастамас бұрын

Слотты бастамас бұрын, велосипедіңізді мұқият тексеріңіз. 


Шиналардағы ауа қысымы, руль, тежегіштер, тізбек, орындықтың биіктігі, алдыңғы және артқы шамдар — барлығы ақаусыз әрі өзіңізге ыңғайлап реттелген болуы керек. Сонда жүруіңіз жайлы әрі қауіпсіз болады.

Слот барысында

Көрінімді болыңыз

Әрдайым алдыңғы және артқы шамдарыңызды қосып жүріңіз — тіпті күндіз де. Осылайша сіз жолда айқынырақ көрініп, апатқа ұшырау қаупін азайтасыз.

Түнгі уақытта не көріну нашар кезде жүргенде, жарық қайтаратын элементтері бар заттарды өзіңізбен бірге алып жүріңіз — олар сізді басқа жүргізушілерге оңай байқатады.

Қай жерде және қалай жүруге болады

Ешкімге қолайсыздық тудырмай, барғыңыз келген жерге жылдамырақ жету үшін былай қозғалыңыз:

1. Веложолмен, вело-жаяу жолақпен немесе велосипедшілерге арналған жолақпен.

2. Жолдың оң жақ шетімен, соның ішінде қоғамдық көліктерге арналған арнайы жолақпен (егер 1-тармаққа сай жүруге мүмкіндік болмаса).

3. Жол жиегімен (егер 1 және 2-тармақтарға сай жүруге мүмкіндік болмаса).

4. Тротуармен немесе жаяужолмен (егер 1–3-тармақтарға сай жүруге мүмкіндік болмаса).

Велосипедшілер — автомобиль жүргізушілері мен жаяу жүргіншілер сияқты жол қозғалысының толыққанды қатысушылары:

• егер арнайы велоинфрақұрылым жоқ болса, велосипедшілер жолдың оң жақ шетімен қозғалады,

• сондай-ақ, егер ол жолдың оң жақ шетінде орналасса, автобус жолағымен де жүруге болады.

Егер жоғарыда аталғандардың ешқайсысы болмаған жағдайда, тротуармен қозғалуға рұқсат етіледі. Алайда жаяу жүргіншілердің басымдыққа ие екенін есте сақтаңыз. 

Жолда қалай дұрыс бұрылып, жолды қауіпсіз кесу керек

Егер сіздің бағытыңыз бойынша жүруге арналған жолақ біреуден көп болса, солға бұрылуға немесе кері бұрылуға болмайды.

Сондай-ақ, ортасында трамвай қозғалысы бар жолдарда бұрылуға немесе кері бұрылуға тыйым салынады.

Жолды қиылыстан тыс жерде кесіп өткенде, басқа жол қозғалысына қатысушыларға жол беріңіз.

Болжамды болыңыз

Бұрылу, бағытты өзгерту сияқты әрекеттеріңізді қолмен көрсетіңіз. Ол үшін алдымен өзіңіздің анық көрінетініңізге көз жеткізіп, жылдамдықты азайтыңыз.

Жол таңбаларына назар аударыңыз

Үздіксіз сызықтарды кесіп өтуге және қарсы бағыттағы жолаққа шығып кетуге болмайтынын есте сақтаңыз.

Светофорды қадағалаңыз

Велосипедшілерге арналған бағдаршам болса, соған қарап жүріңіз. Егер ондай жоқ болса — көлік жүргізушілеріне арналған бағдаршамды бағдарға алыңыз, ал жаяу жүрсеңіз — жаяу жүргіншілерге арналған бағдаршамға назар аударыңыз.

Велосипедіңізді жаныңызда алып жүріңіз

Жаяу жүргіншілер өткелімен велосипедпен жүруге болмайды. Сондықтан жолдан өтіп бара жатқанда, велосипедті жаныңызда сүйреп жүріп өтіңіз.

ЖКО немесе жаяу жүргіншімен соқтығысу жағдайында не істеу керек

Егер ЖКО-ға тап болсаңыз:

• Сабырлы болыңыз және өзіңіздің де, басқа қатысушылардың да аман-есен екеніне көз жеткізіңіз.

• Егер бәрі дұрыс болып, сіз де, екінші тарап та ешқандай талап қоймасаңыз, бейбіт түрде тараса аласыздар.

Егер жарақатқа, велосипедтің сынып қалуына немесе ауыр ЖКО-ға байланысты жеткізуді жалғастыру мүмкін болмаса:

• Велосипед қатты зақымданса, зақымдарды фото және бейнеге түсіріңіз де, қолдау қызметінің операторына жіберіңіз.

• Денсаулығыңызға залал келген жағдайда, медициналық мекемеге жүгініңіз және оқиға туралы бірінші мүмкіндікте қолдау қызметіне хабар беріңіз.

Самокат мінетіндерге арналған нұсқаулық

Слот басталмас бұрын

Слотты бастамас бұрын самокатты тексеріңіз. 
Батареяның заряды, рульдің бұрылуы және дыбыс сигналы — бәрі дұрыс жұмыс істеп, сізге ыңғайлы және қауіпсіз жүру үшін реттелуі тиіс.

Басыңыз бен денеңізді қорғайтын құралдарды пайдаланыңыз: дулыға, тізе мен шынтаққа арналған қорғағыштар. 

Слот кезінде

Көрінімді болыңыз. Әрқашан шамдарды қосыңыз: алдыңғы және артқы. Күндізгі уақытта да. Бұлай сізді жолда жақсырақ байқауға болады және апатқа ұшырау ықтималдығын азайтады.

Қараңғы уақытта немесе нашар көрінетін жағдайда жарық шағылыстыратын элементтері бар заттарды алып жүріңіз — олар сізді басқа жүргізушілерге көрінетіндей етеді.

Қайда және қалай жүруге болады

Басқа адамдарға кедергі жасамай, пунктке тез жету үшін мына жерлермен жүріңіз:

1. Веложолмен, вело-жаяу жолақпен немесе велосипедшілерге арналған жолақпен.

2. Жолдың оң жақ шетімен, соның ішінде қоғамдық көлікке арналған арнайы жолақпен (егер 1-пункт бойынша жүруге мүмкіндік болмаса).

2. Жол жиегімен (егер 1 және 2-пункттер бойынша жүруге мүмкіндік болмаса).

3. Тұрғын аймақтарда, жаяу жүргіншілер аймақтарында және оларға жақын жерлерде тротуармен, жол жиегімен немесе жолдың жүру бөлігін пайдалана аласыз, бірақ басқа жаяу жүргіншілер мен көлік құралдарының қозғалысына кедергі келтірмеу қажет.

Сондай-ақ, автобус жолақтарымен де жүруге болады, егер олар жолдың оң жағында орналасқан болса.

Егер жоғарыда аталған жолдардың ешқайсысы жоқ болса, тротуармен жүруге болады. Бірақ жаяу жүргіншілерге басымдық берілетінін есте сақтаңыз.

Веложолдармен және тротуармен жүрген кезде жылдамдық 25 км/сағ аспауы тиіс.

Жол белгілеріне назар аударыңыз

Үзілмейтін сызықтарды кесіп өтуге және қарсы жолаққа шығуға болмайды.

Бағдаршамға қараңыз

Велосипедшілерге арналған бағдаршам болса — соған, болмаса — көлік бағдаршамына, ал жаяу жүріп келе жатсаңыз — жаяу жүргінші бағдаршамына назар аударыңыз. 

ЖКО немесе жаяу жүргіншіні соғу жағдайында не істеу керек

Егер ЖКО (жол-көлік оқиғасы) орын алса:

• Сабыр сақтап, өзіңіздің және басқа қатысушылардың жағдайын тексеріңіз.

• Егер барлығы жақсы болса және ешқандай шағым болмаса — жағдайды бейбіт түрде шешіп, әрқайсысы өз жолымен кете алады.

Егер соқтығыс салдарынан самокат бұзылып қалса, жарақат алсаңыз немесе ЖКО ауыр болса — қолдау қызметіне хабарласыңыз.