Faollik nima

Faollik buyurtmalarni qanday bajarayotganingizni — qanchalik tez-tez qabul qilishingiz yoki bekor qilishingizni koʻrsatadi. Servisda roʻyxatdan oʻtganingizdan soʻng, faolligingiz 100 ballni tashkil qiladi. Bu maksimal qiymat.

Faollikni Yandex Pro ilovasidagi profilda koʻrish mumkin. Buning uchun asosiy ekranda yuqori oʻng burchakdagi tugmani bosing. Ismingiz ostida, chap tomonda Faollik joylashgan. Agar uni bossangiz, tarixni — qachon va qancha ball yechib olinganini va berilganini koʻrasiz.

Faollik nimaga taʼsir qiladi?

90 dan 100 ballgacha boʻlgan Faollik koʻrsatkichida buyurtmalarni qanday qabul qilishni tanlashingiz mumkin: qoʻlda yoki avtomatik. Faollik koʻrsatkichi 90 dan past boʻlganda buyurtmalar faqat avtomatik qabul qilinadi — buning uchun profilda tariflar boʻlimidagi Avtomatik qabul qilish funksiyasini yoqishingiz kerak. Yandex Pro avtomatik ravishda barcha kiruvchi buyurtmalarni qabul qiladi. Faollik yana 90 ballga koʻtarilgach, Avtomatik qabul qilish funksiyasini oʻchirib qoʻyish mumkin.

Buyurtmalarni har doim Avtomatik qabul qilish yoqilgan holda bajarishni tavsiya qilamiz — shunda buyurtmani tasodifan oʻtkazib yubormaysiz.

Agar Faollik koʻrsatkichi 10 ballgacha tushib ketsa, tarifdan foydalanish imkoniyati cheklanadi.

Faollik nimaga bogʻliq?

Ballar har bir bajarilgan yetkazish uchun beriladi, oʻtkazib yuborilgan yoki bekor qilingan buyurtmalar uchun yechib olinadi. Agar allaqachon qabul qilingan buyurtmani bekor qilsangiz, eng koʻp miqdorda ball yechib olinadi.

Faollikni yuqori darajada saqlab qolish uchun yangi buyurtmalarni rad qilmang yoki buyurtmalarni qabul qilganingizdan keyin ularni bekor qilmang.