Xizmat standartlari haqida asosiy maʼlumot

Xizmat standartlari — bu Yandex Lavkadan buyurtma yetkazib beruvchi kuryerlar uchun asosiy qoidalar. Yuqori sifatda yetkazib berish va turli vaziyatlarda qanday harakat qilishni bilish uchun standartlarni yodda tuting. Standartlarga rioya qilish — kuryer professionalligining belgisi hamda koʻproq buyurtma va choy puli olish imkoni.

1. YHQga rioya qiling. Yoʻllarda ehtiyotkorlik bilan harakatlaning, muntazam ravishda qoidalarni qaytarib turing va buyurtmalardan avval transportni tekshiring.

2. Slotga moslashing. Rejali slotni oʻtkazib yubormang, slot boshlanishiga kechikmang va undan ertaroq ketib qolmang. Batafsil.

3. Barcha buyurtmalarni qabul qiling va ularni vaqtida, butun va toʻliq holatda yetkazib bering. Agar juda kech qolsangiz, mijoz buyurtmani bekor qilishi mumkin. Buyurtmani umuman olib bormaslik — mumkin emas. Batafsil.

4. Tartib bilan harakatlaning. Buyurtmalarda eʼtiborli boʻling: oʻzingizni ehtiyot qiling va har qanday mulkka — mijoz buyurtmasi, ekipirovka, ijaraga olingan transport vositasi va hatto hovliga kirishdagi shlagbaumlarga nisbatan ehtiyotkor boʻling. Batafsil.

5. Xizmatni taqdim etayotganingizda hamma: mijozlar, jamoa aʼzolari va oddiy yoʻlovchilar bilan xushmuomala boʻling. Mijozlar bilan salomlashing, agar kech qolgan boʻlsangiz uzr soʻrang (hatto sizning aybingiz boʻlmasa ham) va ketayotganingizda xayrlashing. Agar sizga nisbatan qoʻpol muomala qilishsa, provokatsiyalar taʼsiriga tushmang: buyurtmani tezroq topshirish, xayrlashish va ketishga harakat qiling. Batafsil.

6. Professionalizm va odobni saqlang. Boshqalarning chegarasini hurmat qiling va mijozlar bilan tanishmang: suhbatlashish, mehmonga kirish, choy puli soʻrash va buyurtmadan keyin mijozni bezovta qilish mumkin emas. Salomlashish, yoqimli ishtaha tilash va xayrlashishning oʻzi kifoya. Foydalanuvchining maʼlumotlarini hech kimga bermaslik kerakligini yodda tuting. Oʻz hisobingizning login va parolini hech kim bilan ulashmaslik va boshqalarning maʼlumotlaridan foydalanmaslik kerak.

7. Yetkazib berishga hushyor holatda keling. Alkogol yoki giyohvand moddalar taʼsirida mastlik holatida boʻlish mumkin emas.

8. «Dress-kodga» rioya qiling: slotlarga firma ekipirovkasida chiqish kerak — u boʻlmasa Lavkada buyurtmangizni berishmaydi. Kiyim va termosumka ozoda koʻrinishiga eʼtibor qiling. Boshqalarga ekipirovkangizni kiyib turishga berish mumkin emas. Batafsil.

9. Nazorat organlari qonun va koʻrsatmalarini unutmang: yoʻl harakati qoidalariga rioya qilish va amaldagi tibbiy kitobchaga ega boʻlish kerak, aks holda jarimaga tortilishingiz mumkin. Yetkazib berishda siz oziq-ovqat bilan kontaktga kirishasiz, shuning uchun sanitariya meʼyorlariga rioya qilishingiz va slotga kasal holda chiqmasligingiz kerak. Batafsil.

10. Halol boʻling: mijozlar, Lavka jamoasi va yordam xizmatini aldamang. Xizmat qoidalarini suiisteʼmol qilmang — qoidabuzarliklar sabab buyurtmalar olish imkoningiz cheklanishi mumkin. Batafsil.

11. Slotda boʻlgan vaqtingizda aloqada boʻling. Kechikayotgan boʻlsangiz, yordam xizmati siz bilan bogʻlanishga urinib koʻradi — siz bilan aloqaga chiqib boʻlmasa, buyurtmani bekor qilishi mumkin.

12. Naqd pul bilan hisoblashganda eʼtiborli boʻling: bunday toʻlovli buyurtmalar uchun qaytim tayyorlang va slot yakunida olingan pullarni Telegram bot orqali oʻtkazishni unutmang.

13. Asosiy tamoyillarni unutmaslik va yetkazib berishning yuqori sifatini saqlab qolish uchun vaqti-vaqti bilan xizmat standartlarini qayta oʻqing. Agar savollaringiz paydo boʻlsa, yordam xizmatiga murojaat qiling.