Ծառայության չափանիշները ոտքով առաքիչների համար

Ծառայության չափանիշներն այն կանոններն են, որոնց առաքիչները պետք է հետևեն: Այդ կանոնները պահպանելու պարագայում օգտատերերը ձեզ ավելի հաճախ բարձր գնահատական կտան:

ինչպես շփվել օգտատերերի հետ

• Քաղաքավարի եղեք. մի մոռացեք բարևել և հրաժեշտ տալ, օգտատերերին դիմեք «դուք»ով:

• Ժպտացեք․ ընդհանուր տպավորության վրա ազդում է նաև ձեր տրամադրությունը:

• Կարդացեք պատվերներին կցված մեկնաբանությունները և փորձեք հետևել դրանց: Եթե ​​գրված է «Դռան զանգը չխփել», այլ թակել, ուրեմն հնարավոր է՝ բնակարանում քնած երեխա կա, և զանգը կարող է արթնացնել նրան:

• Պետք չէ պատվերի հետ չառնչվող խոսակցություններ սկսել կամ մեկնաբանություններ թողնել: Այդ կերպ դուք չեք վատնի ձեր ժամանակը և կխուսափեք պատահական ընդհարումից։

• Մի խնդրեք ձեզ բարձր գնահատական տալ։ Եթե ​​ամեն ինչ ճիշտ եք արել, օգտատերը, ամենայն հավանականությամբ, ինքնուրույն կգնահատի ձեզ:

Ինչ հագնել

Դուք ինքներդ եք ընտրում՝ ինչպես հագնվել. պատվերներ կատարելու համար հատուկ հագուստ կրելու պահանջներ չկան:

Ձեզ հարմար հագուստ և կոշիկ ընտրեք։

Խնդրում ենք սպորտային և լողափնյա հագուստ, անթև շապիկներ, հողաթափեր չկրել:  Դա մասնագիտական մոտեցում չէ, ուստի օգտատերերը կարող են ցածր գնահատական տալ, և ձեր վարկանիշը կընկնի:

Ինչ վերցնել ձեզ հետ

Ձեզ պետք կգա․

• մանրը վերադարձնելու կանխիկ գումար,

• արտաքին մարտկոց՝ հեռախոսը լիցքավորելու համար,

• դիմացկուն փաթեթներ, որոնց մեջ ջերմատուփի բացակայության դեպքում կարող եք փոքր պատվերներ դնել,

• անձնագիր կամ վարորդական իրավունք․ որոշ բիզնես կենտրոնների մուտքն առանց փաստաթղթի արգելվում է։

Անձնական իրերի համար հարմար է ուսապարկը կամ գոտկատեղին ամրացվող պայուսակը․ դրանց օգնությամբ ձեր ձեռքերն ազատ կլինեն։

Եթե ​​դուք ջերմատուփ ունեք, այն կարող է անձնական իրերի համար նախատեսված հատուկ գրպաններ ունենալ: Ձեզ պատկանող իրերն տուփի մեջ պահելն արգելվում է։

Ինչպես գործել պատվեր կատարելու ժամանակ

• Պատվերն ընդունելուց հետո ճանապարհվեք ուղարկողի մոտ։

• Պատվերը միշտ վերցրեք ուղարկողի բնակարանի կամ գրասենյակի դռան մոտից և հասցրեք ստացողի դռան մոտ։

Ինչն է արգելված ծառայությունում

• Կոպտել Yandex Delivery-ի օգտատերերին և մասնագետներին։

• Կոնֆլիկտ ստեղծել։

• Խնդրել ուղարկողին, որպեսզի չեղարկի պատվերը կամ առաքի այն՝ շրջանցելով Yandex Pro-ն։

• Խնդրել օգտատիրոջը, որպեսզի նա «հինգ» նշանակի ձեր առաքմանը:

• Ստացողից ավելի շատ գումար խնդրել, քան դա նշված է Yandex Pro հավելվածում:

• Պատվերներն ստանալու համար մոտենալ առանց ջերմատուփի, եթե նշված է, որ այն առկա է, և Yandex Pro-ի ֆոտոստուգումն իրականացված է։

• Բացել կամ վնասել առաքանին։ Եթե ​​առաքանին վնասվել է հանձնելու պահին, ապա ուղարկողի ներկայությամբ լուսանկարեք վնասված մասը: Կարևոր է․ ստացողի դեմքը կադրի մեջ չպետք է երևա։

• Յուրացնել պատվերի պարունակությունը։

• Պատվերները կատարել ուրիշի պրոֆիլով կամ սեփական օգտահաշիվը փոխանցել մեկ այլ առաքիչի:

• Ուղարկողի կամ ստացողի տվյալներն օգտագործել անձնական նպատակների համար. պատվերը կատարելուց հետո մի զանգահարեք և մի գրեք օգտատերերին:

• Երթուղագիծ դուրս գալ հարբած վիճակում։

• Անբարեխիղճ գործողություններ կատարել Yandex Delivery ծառայության հանդեպ:

Ինչ չի կարելի առաքել

• Կենդանիներ,

• փող և թանկարժեք իրեր,

• զենք, թմրանյութեր և այլ առարկաներ, որոնց շրջանառությունը Հայաստանի տարածքում արգելված կամ սահմանափակված է,

• վտանգավոր նյութեր (ծանոթացեք մանրամասն ցուցակին),

• կենսաբանական նյութեր, օրինակ՝ արյուն,

• դեղատոմսով թողարկվող դեղամիջոցներ,

• առանց հատուկ փաթեթավորման փխրուն առարկաներ և բաց տարայով հեղուկներ,

• առաքման հատուկ պայմաններ պահանջող սննդամթերք և այլ իրեր, եթե ջերմատուփ չունեք,

• իրեր, որոնք կարող են աղտոտել կամ վնասել ջերմատուփը։

Եթե դուք տեղյակ եք պատվերի մեջ ցանկում նշված իրերի առկայության մասին, հրաժարվեք առաքումից և այդ մասին հայտնեք աջակցության ծառայությանը։