Երևանում սկսում է աշխատել «Առաքում» ծառայությունը

Մարտի 22-ից Երևանում կաշխատի «Առաքում» ծառայությունը՝ փոքր իրերի ու բեռների փոխադրում առանց ուղևորի։ Վարորդների համար դա կլինի ևս մեկ աշխատանքային սակագին։

Чтобы прочитать эту же новость на русском, нажмите сюда.

«Առաքում» սակագնով պատվերներ կարող են ստանալ գործընկերների այն վարորդները, որոնց վարկանիշը 4,85 է կամ ավելի բարձր, և որոնք իրականացրել են առնվազն 50 ուղևորություն։

Սակագնի պայմանները

• մոտեցման արժեքը 400 դրամ է․ այս գնի մեջ մտնում է 2 կմ ճանապարհ և 5 րոպե սպասելաժամանակ․

• որից հետո քաղաքում՝ → 100 դրամ/կմ.

• քաղաքից դուրս՝ → 150 դրամ/կմ.

• մոտեցման կետում 5 րոպեից երկար սպասելը՝ → 25 դրամ/ր.

• ճանապարհին սպասելը՝ → 25 դրամ/ր։

«Դռնից դուռ» տարբերակ

Այս տարբերակի դեպքում ուղևորության արժեքին ավելանում է 300 դրամ։ Կայանեք մեքենան, հասեք ուղարկողին և վերցրեք փաթեթը։ Օրինակ՝ բիզնես կենտրոնում գտնվող գրասենյակից։ Երբ ժամանեք ստացողի մոտ, մոտեցեք և փոխանցեք նրան փաթեթը, օրինակ՝ բնակելի շենքի բնակարանում։ Կարելի է փոխանցել ոչ միայն ձեռքից ձեռք, այլ նաև ուղղակի դնելով հատակին։

Պատվիրելիս ուղարկողն առայժմ չի կարող ընտրել մի քանի կանգառներով երթուղի։ Հասանելի են միայն Ա կետից Բ կետ ուղևորությունները։

Ինչպես ճիշտ կատարել պատվերները

Պատվերի ընդունման էկրանին դուք անմիջապես կտեսնեք, որ դա «Առաքում» սակագնով ուղևորություն է։ Անմիջապես պատվերի էկրանից կկարողանաք զանգահարել և՛ ուղարկողին, և՛ ստացողին կամ աջակցման ծառայության աշխատակցից հետզանգ պատվիրել։ Եթե չկան լրացուցիչ տարբերակներ, պետք է գործել այսպես․

• Սովորականի պես ընդունեք պատվերը։

• Ժամանեք Ա կետ և սեղմեք «Տեղում եմ»։

• Սպասեք ուղարկողին։

• Համոզվեք, որ առաքանին և փաթեթավորումը համապատասխանում են պահանջներին։

• Վերցրեք փաթեթը և սեղմեք «Շարժվեցինք»։

• Զանգահարեք կամ պատվիրեք զանգ ստացողին, որպեսզի զգուշացնեք, որ արդեն ճանապարհին եք։

• Ժամանեք Բ կետ և սեղմեք «Սպասել» կոճակը։ Հանդիպեք ստացողին և հանձնեք փաթեթը։

• Ավարտեք ուղևորությունը։

Վերցրեք ձեզ հետ անձնագիր կամ վարորդական վկայական. շատ բիզնես կենտրոններ այժմ առանց փաստաթղթերի ներս չեն թողնում։ Կայանեք հնարավորինս մոտ ուղարկողին և ստացողին, որպեսզի շատ չքայլեք։

Պահանջներ առաքանու նկատմամբ

Ուշադիր զննեք առաքանին՝ նախքան այն ուղարկողից վերցնելը։ Ահա թե ինչին է պետք ուշադրություն դարձնել.

• Առաքանին չպետք է ճամպրուկից մեծ լինի և պետք է տեղավորվի բեռնախցիկում։ Առավելագույն քաշը՝ 20 կգ։

• Թանկարժեք իրերը պետք է լավ փաթեթավորված լինեն։

• Եթե փաթեթավորումը վնասված է կամ բացակայում է, կարող եք հրաժարվել կատարել պատվերը։ Առանց փաթեթավորման կամ վնասված փաթեթավորմամբ թանկարժեք առաքանին պետք է լուսանկարել ուղարկողի հետ միասին։ Եթե հաճախորդները պնդեն, որ փաթեթը վնասվել է ուղևորության ընթացքում, լուսանկարը կապացուցի, որ դա ձեր մեղքով չէ։

Եթե առաքանին չի համապատասխանում պահանջներին, չեղարկեք պատվերը և գրեք աջակցման ծառայությանը։ Հայտնեք խնդիրը, և մենք կվերադարձնենք ձեր Ակտիվության միավորները, որոնք հանել էինք չեղարկման պատճառով։