Առողջական սահմանափակ հնարավորություններով օգտատերեր

Կան հաշմանդամության տարբեր ձևեր և տարբեր հիվանդություններ, որոնք կարող են ազդել ուղևորության փորձի վրա. հարկավոր է հարգալից լինել բոլոր օգտատերերի նկատմամբ, օգնել նրանց, ովքեր օգնության կարիք ունեն, և չպնդել, եթե օգնություն չեն խնդրում։

Օգտատերը կարող է նշել՝ արդյոք օգնության կարիք ունի մեքենա նստելու, անվասայլակի հետ կապված կամ մեքենան գտնելու հարցում։ Բայց նույնիսկ եթե ոչինչ նշված չէ, դուք եկել եք պատվերի և տեսնում եք հաշմանդամություն ունեցող անձի, գործեք ըստ կանոնների։

Ինչպե՞ս կատարել առողջական սահմանափակ հնարավորություններով օգտատիրոջ պատվերը

Ամեն ինչ տեղի է ունենում նույն կերպ, ինչպես հաշմանդամություն չունեցող օգտատերերի դեպքում. վարորդը գնում է անհրաժեշտ երթուղով, անվտանգ և ճշտապահ կերպով։ Այդպիսի ուղևորությունում հիմնական սկզբունքներն են՝

• օգնել, եթե խնդրում են,

• հարցեր չտալ հաշմանդամության մասին, եթե օգտատերն ինքը չի խոսում այդ թեմայով։

Ինչպես մյուս ուղևորությունների ժամանակ, դուք պետք է ճշտեք վերջնական կետը. այդ կերպ կարող եք համոզվել, որ օգտատերը չի շփոթել մեքենան։ Ներքևում կգտնեք ցուցումներ, թե ինչպես վարվել առողջական սահմանափակումներով օգտատիրոջ պատվերի ժամանակ։

Եթե ուղևորին օգնություն է պետք, ճիշտ կլինի տրամադրել այն.

• Օգնել նստեցման հարցում, եթե ուղևորը խնդրում է դա անել.

• Օգնել ուղեբեռի կամ սայլակի հարցում,

• Ուղեկցել ուղևորին, պահել դուռը, եթե նա ուղղակիորեն խնդրում է այդ մասին։

Երեխաների հետ ուղևորություններում հետևեք երթևեկության կանոններին. օգտագործեք մանկական նստատեղ կամ բուստեր, եթե դա անհրաժեշտ է։

Ինչու՞ կարող են սահմանափակ հնարավորություններով օգտատերերի պատվերները գալ ցանկացած վարորդի՝ նույնիսկ առանց «Օգնություն մեծահասակներին/երեխաներին» սակագնի

Հարգալից վերաբերմունքն ու օգնելու պատրաստակամությունը ծառայության ստանդարտն է։ Մենք օգտատերերին չենք տարանջատում առողջական սահմանափակումներ ունեցողների և չունեցողների։

Ինչպե՞ս գործել ուղևորության ժամանակ տարբեր իրավիճակներում

Պատվերի երկարացված ժամանակ։ Նշեք ուղևորության սկիզբը, երբ մեքենան շարժվի։ Եթե ուղևորի նստեցումը տևել է երեք րոպեից ավելի, կմիանա վճարովի սպասելաժամանակի ռեժիմը։

Սրահը կեղտոտվել է ուղևորների նստատեղերի հատվածում։ Ուղարկեք լուսանկար և ՏՄՎ և ստացեք քիմմաքրման պրոմո-կոդ։

Բուժօգնություն։ Եթե ուղևորը վատ է զգում ուղևորության ժամանակ, կայանեք երթևեկության կանոնների համաձայն և շտապ օգնություն կանչեք։ Վարորդը կարող է մինչև բժիշկների ժամանումն առաջին բուժօգնություն տրամադրել միայն այն դեպքում, եթե հատուկ դասընթացներ է անցել։

Եթե իրավիճակներ եք ունեցել, որոնց մասին չենք գրել, գրեք ձեր փորձի մասին տեխաջակցությանը։ Մենք կհամալրենք ցանկը. դա կօգնի մյուս վարորդներին ավելի լավ նախապատրաստվել ուղևորությանը։

Ո՞ր դեպքում վարորդը կարող է հրաժարվել ուղևորությունից

Կարող է այնպես լինել, որ վարորդն ի վիճակի չէ տրամադրել ծառայության անհրաժեշտ մակարդակը։ Օրինակ՝ հաշմանդամի անվասայլակը չի տեղավորվում թափքում, կամ ուղևորին ֆիզիկական օգնություն է պետք, իսկ ձեր առողջական վիճակը թույլ չի տալիս դա անել։ Եթե այդպես լինի, խնդրեք օգտատիրոջը դիմել տեխաջակցությանը, ինքնուրույն չեղարկեք պատվերը և նշեք պատճառը չաթում։ Ուղևորության չեղարկումը հիմնավոր պատճառով չի ազդի ձեր Ակտիվության մակարդակի վրա։ Դիմում գրեք տեխաջակցությանը պատվերի պահից հետո մեկ ամսվա ընթացքում, և միավորները կվերականգնվեն։

Չեղարկման համար հնարավոր պատճառներ.

• սահմանափակ հնարավորություններով երեխայի տեղափոխման համար սովորական նստատեղը հարմար չէ, իսկ հատուկ նստատեղ չկա.

• պետք է օգնել ուղևորին հաշմանդամի սայլակից նստել մեքենայի սրահ, իսկ վարորդը, իր առողջական վիճակից ելնելով, չի կարող դա անել.

• հաշմանդամի սայլակը չի տեղավորվում բեռնախցիկում.

• հաշմանդամի սայլակի հետ բեռնախցիկում կամ սրահում օգտատիրոջ ամբողջ ուղեբեռը չի տեղավորվում։

Չեմ ուզում առողջական սահմանափակումներով օգտատերերի պատվերներ ընդունել։ Ի՞նչ է սպասում ինձ այդ դեպքում

Առանց հիմնավոր պատճառի մերժումները և օգտատերերի բողոքները այստեղ կաշխատեն այնպես, ինչպես մյուս պատվերների դեպքում։ Նախ զգուշացում կուղարկենք։ Եթե խախտումը կրկնվի, առաջնահերթությունը կիջնի։