Վարկանիշ

Յուրաքանչյուր ուղևորություն հնարավորություն է՝ ցույց տալու, որ դուք փորձառու վարորդ եք, ձեր գործի իսկական վարպետը:

Որպեսզի դա նաև տեսանելի լինի, ինչպես նաև ստվերում չմնա և ոչ մի հաճելի ուղևորություն, մենք վերջում խնդրում ենք ուղևորին գնահատել ուղևորությունը: Վերջին 150 գնահատականներից ձևավորվում է վարկանիշը, որը Yandex.Taxi ծառայությունում որակի՝ ձեր անձնական ցուցանիշն է։

ԻՆՉՊԵՍ ԵՆՔ ՀԱՇՎԱՐԿՈՒՄ ՎԱՐԿԱՆԻՇԸ

Վարկանիշը վերջին 150 գնահատականների միջին կշռային արժեքն է․ որքան «թարմ է» գնահատականը, այնքան մեծ է դրա կշիռը։ Եթե դուք որոշակի դադարից, օրինակ՝ արձակուրդից հետո կրկին սկսեք օգտվել ծառայությունից, վարկանիշը չի փոխվի։

ԻՆՉՊԵՍ ՀԵՏԵՎԵԼ ՎԱՐԿԱՆԻՇԻՆ

Այս հարցում կօգնի Տաքսոմետրը։ Վարկանիշի անկման դեպքում դուք ծանուցում կստանաք։

Ընթացիկ վարկանիշին կարող եք ծանոթանալ ձեր էջում՝ կառավարման վահանակի վերևի հատվածում։

ԻՆՉՊԻՍԻՆ ԿԼԻՆԻ ՆՈՐԵԿ ՎԱՐՈՐԴԻ ՎԱՐԿԱՆԻՇԸ

Համակարգին առաջին անգամ միացած վարորդն ավտոմատ կերպով ստանում է 50 գնահատական՝ հինգեր, որոնք ձևավորում են 5-ին հավասար վարկանիշ։

ԻՆՉԻ ՎՐԱ Է ԱԶԴՈՒՄ ՎԱՐԿԱՆԻՇԸ

• Ծառայությունը դարձնում է հասանելի։ Եթե վարկանիշը 4,55-ից մինչև 5 է, դուք ստանում եք պատվերներ, իսկ եթե 4,55-ից ցածր է, պատվերներն այլևս հասանելի չեն:

• Պատվերների բաշխման ընթացքում որոշում է առաջնահերթությունը:

• Օգոստոսի 1-ից կորոշի՝ կկարողանա՞ք, արդյոք, «Ստարտ»-ից բարձր սակագներով պատվերներ ստանալ, թե՞ ոչ:

ԲԱՐՁՐ ՍԱԿԱԳՆԵՐԻ ՀԱՍԱՆԵԼԻՈՒԹՅՈՒՆ

Օգոստոսի 1-ից «Ստարտ»-ից բարձր սակագներով պատվերներ ստանալու համար անհրաժեշտ կլինի որոշակի վարկանիշ ունենալ։ Մինչ այդ կշարունակեք պատվերներ ստանալ հին կանոններով, ինչպես նաև կհասցնեք բարելավել ձեր վարկանիշը, եթե այն նոր սահմանված միավորներից ցածր է։

Վարկանիշային արժեքները, որոնք անհրաժեշտ են՝ բարձր սակագներով պատվերներ ստանալու համար (Հայաստան)

Comfort — 4,8

Comfort+ — 4,8

Business — 4,85

Kids — 4,6

Minivan — 4,55

Եթե վարկանիշի պատճառով մուտք չունեք բարձր սակագներին, դուք, միևնույն է, կարող եք ավելի ցածր սակագներով պատվերներ ստանալ։

ՀԱՃԱԽ ՏՐՎՈՂ ՀԱՐՑԵՐ