Ֆոտովերահսկում
Վերջին թարմացումը
21 Apr 2022
Ինչու՞ ենք ստեղծել որակի հսկողության սեփական համակարգ:
Իհարկե, տաքսոպարկերն առանց մեր միջամտության էլ հետևում են իրենց մոտ գրանցված մեքենաների վիճակին: Սակայն բոլորի ծառայության չափանիշները տարբեր են: Իսկ մեզ համար կարևոր է, որպեսզի Yandex.Taxi-ի անվան տակ երթուղի դուրս եկող մեքենաները լինեն մաքուր, հարմարավետ և անվտանգ: Համաձայնվեք, որ նման մեքենայով հաճելի է և՛ աշխատելը, և՛ երթևեկելը:
Տեսահրահանգ
Ամսական մի քանի անգամ մենք հեռակա կարգով տաքսոմետրի միջոցով ստուգում ենք մեզ հետ աշխատող բոլոր մեքենաները: Ստուգում ենք վարորդի փաստաթղթերը, մեքենայի վիճակը ներսից և դրսից, ինչպես նաև բրենդային պիտակները:
Երբ սպասել ստուգմանը
Տաքսոմետրում ֆոտովերահսկում անցնելու ժամկետներին հետևելը պարզ է:
«Ֆոտովերահսկում» բաժինն ընտրացանկի մի մասն է: Այն ունի երեք ռեժիմ՝
ֆոտովերահսկումն անցած է
ֆոտովերահսկում 3 ժամից
ֆոտովերահսկումն անցած չէ
Նորեկները տաքսոմետրին առաջին անգամ միանալիս անմիջապես ստանում են ֆոտովերահսկում անցնելու հրավեր: Անհրաժեշտ է ստուգումն անցնել անթերի, քանի որ դրանից է կախված՝ կակտիվանա՞ վարորդի մոտ Yandex.Taxi-ի պատվերների հասանելիությունը, թե՝ ոչ:
Դուք ինքներդ կարող եք անցնել ֆոտովերահսկումը, երբ տեսնեք «Ֆոտովերահսկումն անցած չէ» կարգավիճակը։ Ստուգումն անցնելու վերաբերյալ դուք նաև կստանաք հաղորդագրություն։
Ինչպե՞ս անցնել ստուգումն ավելի քիչ հաճախականությամբ:
Ֆոտովերահսկում անցնելու հաճախականության ժամկետները ճշտեք ձեր տաքսոպարկից:
Ինչպես անցնել ստուգումը
Ֆոտովերահսկումը հաջողությամբ անցնելու համար Ձեզ անհրաժեշտ է.
Պատրաստվել նախապես: Մաքրեք պետհամարանիշները և հետնամասի հայելիները, կարգի բերեք սրահը, թափ տվեք գորգերը և այլն: Եթե ունեք մանկական բազկաթոռ, հանեք այն բեռնախցիկից և տեղադրեք հետևի նստատեղին: Եթե ստուգումը անցկացվում է գիշերը, գտեք լուսավոր վայր, նաև միացրեք սրահի լույսը:
Կատարել մեքենայի 7 լուսանկար: Տեսքը առջևից և հետևից, ձախից և աջից, հետևի և առջևի նստատեղերի շարքերը, բեռնախցիկը ներսից։ Խստորեն հետևեք Ֆոտվերահսկման ծառայության հրահանգներին:
Լուսանկարել մեքենայի տեխնիկական անձնագիրը և վարորդական իրավունքի վկայականը: Անհրաժեշտ է լուսանկարել երկու փաստաթղթերի բնօրինակները՝ առանց լուսաբռնկման: Պատճեններից, կազմի մեջ դրված փաստաթղթերից, սարքերի էկրաններից արված լուսակարները չեն ընդունվում: ՎԻՎ-ը հարկավոր է լուսանկարել երկու կողմից:
Տարածված սխալներ
Ամենատարածված նկատողությունները կեղծ, ոչ ակտուալ կամ ոչ հստակ լուսանկարների վերաբերյալ են:
Հետևե՛ք այս կանոններին.
Լուսանկարեք միայն այն մեքենան, որով պատվերներ եք կատարում:
3-4 մետրից լուսանկարեք մեքենայի առջևից և հետևից: Լուսանկարեք այնպես, որ անիվները և պետհամարանիշները ամողջությամբ մտնեն կադրի մեջ, լինեն պարզ և հավասար:
Մի՛ շրջեք պլանշետը կամ սմարթֆոնը «գլխիվայր»:
Մի՛ օգտագործեք լուսաբռնկումը: Նույնիսկ օրվա մութ ժամերին փնտրեք լավ լուսավորված վայր, միացրեք սրահի լույսը:
Կարգավորեք տեսախցիկի ֆոկուսն այնպես, որ խուսափեք ավելորդ լուսավորությունից։ Հատկապես, երբ լուսանկարում եք ավտոմեքենայի տանիքի լուսավորվող նշանը:
Կարևո՛ր է. Մենք չենք ընդունում ոչ հստակ լուսանկարները, էլեկտրոնային սարքերից ու հին լուսանկարներից արված պատկերները: Ուշադիր ստուգեք ձեր լուսանկարները նախքան ուղարկելը։ Ի դեպ, բոլոր անհաջող լուսանկարները կարելի է անմիջապես վերալուսանկարել:
Մտապահե՛ք կանոնները և հետևե՛ք դրանց, այլապես կարող եք ենթարկվել ժամանակավոր արգելափակման և նույնիսկ հայտնվել սև ցուցակում:
Ֆոտովերահսկման վերաբերյալ հաճախակի տրվող հարցեր
Ի՞նչ անել, եթե լուսանկարը ուղարկել չի ստացվում:
Ստուգեք ինտերնետ կապի հասանելիությունը, այնուհետև ուշադրություն դարձրեք՝ միացվա՞ծ է արդյոք ձեր պլանշետում կամ սմարթֆոնում CleanMaster կամ նմանատիպ այլ ծրագիր, որը թույլ չի տալիս ուղարկել լուսանկարները:
Որտեղի՞ց տեղեկանալ մոտակա ստուգման ամսաթվի մասին:
Սեղմե՛ք «Ֆոտովերահսկում» բաժինը: Այնտեղ կտեսնեք ձեր կարգավիճակը.
արդեն ժամանա՞կն է անցնելու ստուգումը,
հաջո՞ղ է անցել նախորդ ստուգումը,
կա՞ն նկատողություններ:
Ես չանցա ստուգումը, ի՞նչ կպատահի:
Yandex.Taxi-ի պատվերների հասանելիությունը ձեզ համար ժամանակավորապես կարգելափակվի: Իսկ տաքսոմետրի «Հաղորդագրություններ» ներդիրում կգտնեք մանրամասն պարզաբանումներով նամակ Ֆոտովերհսկման ծառայությունից՝ ինչու եք դուք ձախողել վերջին ստուգումը և ինչպես ուղղել դա:
Ինչպե՞ս կրկնել ստուգումը
Նախորդ ֆոտովերահսկման ժամանակ թույլ տրված սխալներն ուղղելու համար պարզապես այն կրկին գործարկեք:
Իմ մեքենան վարել է ուրիշ վարորդ և այն չի լվացել, ի՞նչ անել:
Եթե որակի վերահսկման ծառայությունն ունի դիտողություններ, որոնք կարելի է արագ շտկել (լվանալ մեքենան, մաքրել պետհամարանիշները և այլն), վերացրեք խախտումները և կրկին անցեք ստուգումը:
Եթե ձեր գործընկերը ձախողել է ֆոտովերահսկումը լուրջ պատճառներով, և ավտոմեքենան հայտնվել է սև ցուցակում, խնդրեք տաքսոպարկի դիսպետչերին գտնել ուրիշ մեքենա աշխատելու համար։