Ինչու՞ են արգելափակել ինձ

Ինչպե՞ս հասկանալ, որ պատվերների հասանելիությունն անջատված է

Տաքսոմետրի էկրանին հայտնվում է գրառում, որտեղ նշված են արգելափակման պատճառները, ժամկետը և աշխատանքը վերսկսելու պայմանները (եթե այդպիսիք նախատեսված են):

 Ավատարի վրա գիծ է քաշված, իսկ նոր պատվերներ չեն գալիս, նույնիսկ եթե միացված է «Երթուղագծում եմ» կարգավիճակը:

Տաքսոպարկի հետ կապված խնդիրներ

Վարորդի արգելափակում տաքսոպարկի կողմից

Պատճառները կարող են տարբեր լինել, բայց ամենից հաճախ վարորդը զրկվում է պատվերներ ստանալու հնարավորությունից, երբ տաքսոմետրում նրա հաշվեկշիռը տաքսոպարկի սահմանածից քիչ է լինում: Պարզապես համալրեք ձեր անձնական հաշիվը կամ կապ հաստատեք դիսպետչերի հետ՝ տեղեկանալու համար, թե ինչպես կարելի է արագ հանել արգելափակումը:

Ամբողջ տաքսոպարկի արգելափակում

Տաքսոմետրում գրված է՝ «Հասանելիությունը դադարեցվա՞ծ է», ուրեմն մենք լուրջ պատճառներ ունենք ամբողջ տաքսոպարկն արգելափակելու համար (հետևաբար, նաև տաքսոպարկի վարորդներին): Նշված իրավիճակից դուրս գալու համար հարկավոր է միանալ Yandex.Taxi-ի ուրիշ՝ ավելի հուսալի գործընկերոջ:

Ժամանակավոր արգելափակում

Yandex.Taxi-ն կարող է արգելափակել վարորդին կամ ավտոմեքենան իր կողմից առաջարկվող պատվերներից մեկ ժամով, մեկ օրով և նույնիսկ ավելի երկար ժամանակով: Տաքսոմետրը կհուշի, թե երբ կարող եք կրկին պատվերներ ստանալ։ Կարևոր է հիշել, որ յուրաքանչյուր նոր արգելափակում տևում է նախորդից կրկնակի անգամ ավելի երկար:

Վարորդի ժամանակավոր արգելափակում

Վարորդի մոտ Yandex.Taxi-ի պատվերների հասանելիությունը կարող է արգելափակվել տարբեր պատճառներով։

 Վարորդը թույլ է տվել հետևյալ խախտումներից որևէ մեկը՝՝

• չի պահպանում ծառայության ստանդարտները և վարքագծի կանոնները բարդ իրավիճակներում,

• չի մոտեցել նշված հասցեին կամ մեկնել է այլ ուղևորի հետ,

• խաբել է ուղևորին վերջնահաշվարկ կատարելիս,

• մոտեցել է պատվիրատուին՝ մեքենայում կողմնակի անձի հետ,

• Ֆոտովերահսկման ծառայությանն ուղարկել է անորակ լուսանկարներ՝ մուգ, լուսավորությունից ոչ պարզ, հերթականության խախտմամբ կամ էլ մեքենայի անհրաժեշտ ռակուրսները բաց թողած:

Բոլոր նշված դեպքերում առաջին խախտման համար վարորդը կարող է ստանալ խիստ
նկատողություն կամ 12 ժամյա արգելափակում: Երկրորդից սկսած՝ Yandex.Taxi-ն արգելափակում է պատվերների հասանելիությունը մեկ օրով, իսկ չորրորդից հետո՝ արդեն 48 ժամով:

 Ընդունված և/կամ կատարված պատվերների ցուցանիշը տաքսոմետրում ցածր է թույլատրելի նորմայից:

 Վարորդի վարկանիշը չորս միավորից ցածր է:

Արգելափակումը կհանվի անմիջապես, երբ հին գնահատականները տեղափոխվեն արխիվ, իսկ վարկանիշը բարձրանա մինչև 4,0 նիշ և ավելի: Գործընթացը կարելի է արագացնել Յանդեքս.Տաքսիի կենտրոնումթեստը «գերազանց» վերահանձնելու դեպքում:

Ավտոմեքենայի ժամանակավոր արգելափակում

Ավտոմեքենան կարող է արգելափակվել Ֆոտովերահսկման ծառայության կողմից: Շատ հաճախ դա ժամանակավոր է, և դուք ունեք ժամանակ մեքենան կարգի բերելու համար՝ լվացեք թափքը, մաքրեք գորգերը և այլն։

Սև ցուցակ

Yandex.Taxi-ի կանոնները հաճախ կամ միտումնավոր խախտելու դեպքում առաջանում է սև ցուցակում հայտնվելու վտանգ: Սև ցուցակի հիմնական տարբերությունը ժամանակավոր արգելափակումից այն է, որ դրանից հնարավոր է դուրս գալ միայն տաքսոպարկի դիսպետչերին կամ Yandex.Taxi-ի «Տեխնիկական աջակցման» ծառայությանը դիմելու միջոցով:

Ստուգումների ժամանակ մեր որակի բաժնի աշխատակիցների կողմից հայտնաբերվողկոպիտ խախտումների ցանկը կարճ է և պարզ:

 Մեքենայի* և դրա  վարորդի սև ցուցակում հայտնվելու հնարավոր պատճառները՝

• Վարորդը հրաժարվում է անցնել որակի վերահսկողության ստուգումներից որևէ մեկը կամ ուղարկում է մեքենայի կեղծ լուսանկարներ:

• Մեքենայի անվտանգության ամրագոտիները անսարք են, վնասված է լաքապատ գունային ծածկույթը կամ խախտված են Yandex.Taxi-ի բրենդավորման կանոնները (ջարդված է տանիքի լուսավորվող նշանը, պոկված կամ կեղտոտված են բրենդային պիտակները և այլն):

• Պահանջվում է մեքենայի հրատապ ընդհանուր լվացում և քիմմաքրում:

• Մեքենայի բեռնախցիկը լցված է կեսից ավելի:

• Yandex.Taxi-ի ծառայության ստանդարտների միտումնավոր և կոպիտ խախտումներիդեպքում (ուղևորի անվտանգության սպառնալիք, գողություն կամ խարդախություն և այլն) վարորդն ընդմիշտ հեռացվում է։

* Եթե արգելափակված է միայն ավտոմեքենան, վարորդը կարող է շարունակել աշխատանքն ուրիշ մեքենայով: Սակայն այս անգամ պետք է աշխատել ավելի ուշադիր լինել, քանի որ հաջորդ նախազգուշացումը կարող է լրջորեն անդրադառնալ վարորդի վարկանիշի և եկամուտի վրա:

Արգելափակումների վերաբերյալ հաճախակի տրվող հարցեր

Ի՞նչ անել, եթե ինձ արգելափակել են:

Նախևառաջ իմացեք, թե ինչու է դա տեղի ունեցել: Արգելափակման պատճառը դուք կգտնեք տաքսոմետրի գլխավոր էկրանին: Նույն տեղում կգտնեք արգելափակումից դուրս գալու ստույգ ժամն ու օրը, եթե այն ժամանակավոր է:

Իսկ եթե դուք և/կամ ձեր մեքենան հայտնվել եք սև ցուցակում, ապա օգնության համար կարող եք դիմել տաքսոպարկ կամ մեր «Տեխնիկական աջակցման» ծառայություն՝ հաղորդագրությանը կցելով ավտոմեքենայի թարմ լուսանկարները: Մեզ կարող եք գրել նաև տաքսոմետրի միջոցով. գտեք «Տեխաջակցում» բաժնի պատկերակը 
 ձեր դիմումի համաձայն մենք կանցկացնենք կրկնակի ստուգում և կհայտնենք մեր որոշումը:

Աջակցման ծառայության պատասխանը կտեսնեք անմիջապես լրահոսում:

Ե՞րբ նորից կսկսեն պատվերներ գալ:

Եթե արգելափակումը ժամանակավոր է, ապա տաքսոմետրի գլխավոր էկրանը միշտ ցույց է տալիս դրա ավարտի ստույգ ժամանակը: Եթե նշված է, օրինակ՝ «մինչև 23:15», ապա նոր պատվերներ կսկսեն գալ արդեն ընթացիկ օրվա 23:16–ից սկսած: Եթե նշված է ամսաթիվ, օրինակ՝ «25 սեպտեմբերի», ապա արգելափակումը կհանվի միայն հաջորդ օրը՝ սեպտեմբերի 26-ին: Ժամանակավոր արգելափակման չեղարկումն արագացնելն անհնար է, պարզապես պետք է սպասել նշված ժամանակին:

Կարևոր է հիշել, որ յուրաքանչյուր նոր խախտման համար ստիպված եք լինելու մնալ առանց պատվերների կրկնակի երկար:

Որպեսզի հանվի սև ցուցակի արգելափակումը, անհրաժեշտ է ապացուցել, որ այդ խախտումները վերացված են: Սակայն, ծառայության ստանդարտների կոպիտ խախտումների համար, Yandex.Taxi-ն վարորդի մոտից անջատում է պատվերների հասանելիությունը՝ առանց վերականգնման հնարավորության: