რას უნდა დააჭიროთ ხაზზე გასასვლელად, როგორ გამოიყენოთ ჩაშენებული ნავიგატორი და სად გადავიდა მენიუს ღილაკები. გეტყვით და გაჩვენებთ, რა შეიცვალა აპლიკაციის განახლებით.

სად შეგიძლიათ ნახოთ ხელმისაწვდომი ტარიფები, შემოსავლის სტატისტიკა და საკუთარი რეიტინგი

მთავარ ეკრანზე დარჩა ყველაზე მნიშვნელოვანი მონაცემები — ღილაკი «ხაზზე» და ინფორმაცია დღიური შემოსავლის შესახებ, ყველაფერი დანარჩენი ახლა უკვე მძღოლის პროფილში აისახება. პროფილის გახსნა შესაძლებელია ერთი დაჭერით.

ხედავთ ეკრანის მარჯვენა ზედა კუთხეში ღილაკს, რომელზეც ფოტოსურათი და თანხაა ასახული? ეს ვიჯეტია. დააჭირეთ მას და მოხვდებით თქვენს პროფილში.

აქ შეგიძლიათ ნახოთ საკუთარი რეიტინგი და ხელმისაწვდომი ტარიფები, შეამოწმოთ შემოსავლის სტატისტიკა და გახსნათ «შეტყობინებები», დაუკავშირდეთ მხარდაჭერის სამსახურს. ერთი სიტყვით, ნახოთ ყველაფერი ის, რაც ადრეც იყო მენიუში.

როგორ უნდა გახვიდეთ ხაზზე და როგორ შეისვენოთ

ხაზზე გასვლის ღილაკი განთავსებულია ყველაზე შესამჩნევ ადგილას — მისი ვერ შემჩნევა ძნელია, მასზე დაჭერა კი — ადვილი.

მზად ხართ მუშაობისთვის? დააჭირეთ ცენტრში განთავსებულ ყვითელ ღილაკს. იგი გადაიქცევა წრედ ეკრანის მარცხენა ზედა კუთხეში — და თქვენ დაიწყებთ შეკვეთების მიღებას.

როცა შესვენებას მოისურვებთ, დააჭირეთ ამ ყვითელ წრეს. ასე Yandex Pro გადავა სტატუსში «დაკავებული» და ახალი შეკვეთები აღარ შემოვა.

როგორ უნდა დაასრულოთ ცვლა და გახსნათ ახალი

თუ დღეს აღარ აპირებთ შეკვეთების მიღებას, აუცილებელია არა მხოლოდ ხაზიდან გახვიდეთ, არამედ ცვლაც დახუროთ. მაშინ Taximeter-ის შეტყობინებები აღარ შეგაწუხებთ და აპლიკაცია არ დაცლის მოწყობილობის კვების ელემენტს.

ღილაკი «ცვლის დახურვა» განთავსებულია თქვენს პროფილში. საწყის ეკრანზე დააჭირეთ მარჯვენა ზედა მხარეს განთავსებულ ვიჯეტზე და გადაახვიეთ ქვემოთ. იმისათვის, რომ მომდევნო დღეს ისევ გახვიდეთ ცვლაში, უბრალოდ გახსენით აპლიკაცია და დააჭირეთ ღილაკზე «ხაზზე».

რას ნიშნავს ვიჯეტზე ასახული თანხა

ეკრანის ზედა მარჯვენა კუთხეში არსებული ვიჯეტი აჩვენებს, რამდენი შეკვეთა შეასრულეთ და რამდენი გამოიმუშავეთ, საკომისიოს გამოკლებით. ასახული თანხა წარმოადგენს მიმდინარე კალენდარული დღის შემოსავალს. თანხა იცვლება ყოველი შეკვეთისას, ხოლო 00:00 სთ-ზე ათვლა თავიდან იწყება.

ნუ ღელავთ, მგზავრები ვერ ნახავენ თქვენს შემოსავალს. მგზავრობის დროს ვიჯეტი ჩაიკეცება.

სად არის Taximeter-ის პარამეტრები

აპლიკაციის ენის არჩევა, ღამის თემის ან ხმების დაყენება ისევ პარამეტრების მენიუში არის შესაძლებელი. საწყისი ეკრანიდან პარამეტრების მენიუს გასახსნელად დააჭირეთ მარჯვენა ზედა კუთხეში განთავსებულ ვიჯეტს — გაიხსნება პროფილი.

პროფილის მარცხენა ზედა კუთხეში ნახავთ პარამეტრების სიმბოლოს (კბილანას). დააჭირეთ მას და შეხვალთ Yandex Pro-ის პარამეტრების მენიუში.

როგორ უნდა იმუშაოთ შეკვეთაზე

შეკვეთის მიღების შემდეგ ეკრანის ქვედა ნაწილში გამოჩნდება დროის ათვლის პანელი. ამ პანელის უკან დამალულია შეკვეთის ბარათი — მგზავრობის ყველა დეტალითა და შესაბამისი ღილაკებით.

აქ შეგიძლიათ ნახოთ ლოდინის დრო, დააჭიროთ ღილაკს «ადგილზე», «გაუქმება» ან «დასრულება» — ღილაკების ნაკრები შეიცვლება მგზავრობის სტატუსის მიხედვით.მთლიანი ბარათის სანახავად გადაწიეთ ზემოთ: