რეიტინგი

თითოეული მგზავრობა — ეს არის შესაძლებლობა აჩვენოთ, რომ ხართ გამოცდილი მძღოლი, თქვენი საქმის ნამდვილი პროფესიონალი.

იმისათვის, რომ თქვენი პროფესიონალიზმი თვალსაჩინოდ შეფასდეს და თქვენ მიერ შესრულებული თითოეული მგზავრობა უყურადღებოდ არ დარჩეს, მგზავრობის დასასრულს მგზავრს ვთხოვთ მომსახურების შეფასებას. ბოლო 150 შეფასებიდან ყალიბდება რეიტინგი — თქვენი პირადი ხარისხის მაჩვენებელი Yandex.Taxi-ს სერვისში.

როგორ ვითვლით რეიტინგს

რეიტინგი გამოითვლება, როგორც ბოლო 150 შეფასების საშუალო მნიშვნელობა: რაც უფრო «ახალია» შეფასება, მით უფრო მეტი ფასი აქვს მას. როცა კვლავ დაიწყებთ სერვისის გამოყენებას შესვენების შემდეგ, მაგალითად შვებულებიდან დაბრუნებული, რეიტინგი იგივე დაგხვდებათ.

როგორ ვადევნოთ თვალი რეიტინგს

ამაში Taximeter დაგეხმარებათ — თუ რეიტინგი კლებას დაიწყებს, მიიღებთ შეტყობინებას. მიმდინარე რეიტინგის ნახვა ყველაზე მოსახერხებელია პროფილში, ზედა პანელზე.

როგორი რეიტინგი ექნება დამწყებს

რეგისტრირების შემდეგ დამწყებს ავტომატურად დაერიცხება 50 შეფასება — ხუთიანები, რომლებიც აძლევენ 5-ის ტოლ რეიტინგს.

რაზე ახდენს გავლენას რეიტინგი

• იძლევა სერვისზე წვდომას. თუ რეიტინგი არის 4,5-დან 5-მდე — იღებთ შეკვეთებს, თუ 4,5-ზე დაბალია — შეკვეთებზე წვდომა დაიხურება.

• 1-ლი აგვისტოდან რეიტინგი განსაზღვრავს, შეგეძლებათ თუ არა შეკვეთების მიღება «ეკონომზე» მაღალ ტარიფებში.

წვდომა პრემიალურ ტარიფებზე

1-ლი აგვისტოდან «ეკონომზე» მაღალ ტარიფებში შეკვეთების მისაღებად საჭირო იქნება განსაზღვრული რეიტინგის ქონა. ამ დრომდე თქვენ მიიღებთ შეკვეთებს ძველი წესების შესაბამისად, აგრეთვე მოასწრებთ რეიტინგის გაუმჯობესებას, თუ ის ახალ ნიშნულებზე ქვემოთ არის.

რეიტინგის ნიშნულები, რომლებიც საჭიროა პრემიალურ ტარიფებში შეკვეთების მისაღებად (საქართველო)

• «კომფორტ+» — 4,8

• «კომფორტი» — 4,75

• «მინივენი» — 4,5

• «მიტანა» — 4,7

• «კურიერი» — 4,7

• «სატვირთო» — 4,6

თუ რეიტინგის გამო დაიხურა რომელიმე პრემიალურ ტარიფზე წვდომა, თქვენ მაინც შეძლებთ შეკვეთების მიღებას ქვედა ტარიფებში.

ხშირად დასმული კითხვები