რა პრინციპით მოქმედებს პრიორიტეტი და შეკვეთების განაწილება?
ბოლო განახლება 2 Nov 2025
Yandex Pro‑ში არის პრიორიტეტის სკალა, რომელიც მთავარი ეკრანის ქვედა ნაწილშია მოცემული.
რაც უფრო მაღალია მძღოლის საერთო პრიორიტეტი, მით ნაკლებია მოცდენის დრო და უფრო სწრაფად შემოდის ახალი შეკვეთები. აი, როგორ მუშაობს ყოველივე ეს პრაქტიკაში:
შეკვეთების განაწილების სისტემა ავტომატურად მუშაობს. როცა მომხმარებელი მგზავრობას უკვეთს, სისტემა იწყებს ისეთი ავტომობილის ძიებას, რომელიც არა მხოლოდ კონკრეტულ მოთხოვნებს შეესაბამება, არამედ სხვებზე ადრეც მიაკითხავს მგზავრს;
ისეც ხდება, რომ ახლომახლო რამდენიმე შესაფერისი ავტომობილი აღმოჩნდება ხოლმე. ამ შემთხვევაში შეკვეთას მიიღებს ის ავტომობილი, რომელსაც უფრო მაღალი პრიორიტეტი აქვს, თუნდაც ის მომხმარებლისგან სხვა ავტომობილებზე ოდნავ შორს იმყოფებოდეს.
პრიორიტეტის ქულების მიღების რა გზები არსებობს?
პრიორიტეტის ამაღლების ორი საშუალება არსებობს.
პრიორიტეტთან დაკავშირებული სხვადასხვა პირობის შესრულება
დამატებითი ქულების მიღება შესაძლებელია:
სერვისის სარეკლამო მასალებით ავტომობილის ბრენდირებით.
საკუთარი რეიტინგის გაზრდით.
პრივილეგიების პროგრამაში დონის ამაღლებით.
სერვისის მეშვეობით შეკვეთების ხანგრძლივი დროის განმავლობაში შესრულებით.
პრიორიტეტის ამაღლების პირობათა ზუსტი სია და თითოეული მათგანისთვის გათვალისწინებული ქულების რაოდენობა, შესაძლოა, განსხვავდებოდეს რეგიონების მიხედვით. ზუსტი ინფორმაციის მიღება ყოველთვის შესაძლებელია Yandex Pro‑ში.
შეკვეთების შესრულება გამოტოვებისა და გაუქმების შემთხვევების გარეშე
მძღოლისთვის გათვალისწინებულია გარკვეული პრიორიტეტი შეკვეთებისთვის. ის:
იმატებს, როცა მძღოლი ასრულებს შეკვეთებს გამოტოვების შემთხვევების გარეშე.
იკლებს გამოტოვებისა და გაუქმების შემთხვევების დროს. უკვე მიღებული შეკვეთების გაუქმებისთვის მძღოლს პრიორიტეტის უფრო მეტი ქულა აკლდება, ვიდრე შეკვეთების გამოტოვებისას.
შეკვეთების გამოტოვების გარეშე შესრულებისთვის შესაძლებელია პრიორიტეტის მაქსიმუმ 30 ქულის მიღება (ქვედა ზღვარი არ არსებობს).
რის გამოა შესაძლებელი შეკვეთებზე წვდომის დაკარგვა?
ბევრი შეკვეთის გამოტოვების ან გაუქმების შემთხვევაში შესაძლებელია საერთო პრიორიტეტის ყველა ქულის დაკარგვა, რა დროსაც მძღოლს აღარ მიენიჭება უპირატესობა შეკვეთების განაწილებისას.
მგზავრობის შეკვეთები დროებით მიუწვდომელი გახდება, თუ საერთო პრიორიტეტი 0‑მდე დაიწევს.
პრიორიტეტის ასამაღლებლად საჭიროა შეკვეთების ზედიზედ შესრულება გამოტოვებისა და გაუქმების გარეშე. თუ შეკვეთების შესრულება არ გსურთ, ან არ შეგიძლიათ, დააყენეთ სტატუსი «დაკავებული», რა შემთხვევაშიც Yandex Pro აღარ შემოგთავაზებთ მგზავრობის ახალ შეკვეთებს და აღარც პრიორიტეტი დაიკლებს.
ისეთი შეკვეთების გამოტოვება, რომლებიც მგზავრის შორიდან აყვანას ითვალისწინებს, ნებისმიერ რეჟიმშია შესაძლებელი პრიორიტეტების ქულების დაკარგვის გარეშე.