თბილისში ინერგება სერვისი «მიტანა»

24 მარტს თბილისში ინერგება ახალი სერვისი «მიტანა» — ეს არის მცირე ტვირთების გადაზიდვა მგზავრის გარეშე. თქვენთვის ის მუშაობს, როგორც კიდევ ერთი ტარიფი.

Чтобы прочитать эту же новость на русском, нажмите сюда.

«მიტანა» შეკვეთები შეიძლება მიიღონ პარტნიორთა მძღოლებმა რეიტინგით 4,85 ან მეტი, რომელთაც მთელი დროის განმავლობაში შესრულებული აქვთ მინიმუმ 50 მგზავრობა.

ტარიფის პირობები

• მანქანის მიწოდების ღირებულება აღწევს 2,5 ლარს, ამ ღირებულებაში შედის 1 კმ გზა, ასევე 3 წუთი ლოდინი;

• შემდეგ ქალაქში → 0,4 ლარი/კმ-ზე, 0,06 ლარი/წუთში;

• ქალაქგარეთ → 1 ლარი/კმ-ზე;

• ლოდინი მიწოდების ადგილზე 3 წუთი → 0,1 ლარი/წუთში;

• ლოდინი გზაში → 0,1 ლარი/წუთში.

ოფცია «კარიდან კარამდე»

ეს ოფცია ამატებს მგზავრობის ღირებულებას 2 ლარს. დააპარკინგეთ მანქანა, მიდით გამგზავნთან და მიიღეთ მისგან გზავნილი. მაგალითად, ოფისიდან ბიზნესცენტრში. როცა მიხვალთ მიმღებთან, მიდით მასთან და გადაეცით გზავნილი — მაგალითად, საცხოვრებელი სახლის ბინაში. შეგიძლიათ არ გადასცეთ ხელიდან ხელში, უბრალოდ დადოთ იატაკზე.

შეკვეთისას გამგზავნი ჯერჯერობით ვერ შეძლებს მარშრუტის შერჩევას რამდენიმე გაჩერებით — ხელმისაწვდომია მხოლოდ მგზავრობა ა წერტილიდან ბ წერტილში. მიწოდების გადახდა ჯერ მხოლოდ ბარათით შეიძლება, მანქანის გამოძახებას ნაღდი ანგარიშსწორებით მომხმარებლები ვერ შეძლებენ.

როგორ უნდა შეასრულოთ შეკვეთები სწორად

შეკვეთის მიღების ეკრანზე თქვენ მაშინვე დაინახავთ, რომ მოცემული მგზავრობა შესრულდება ტარიფით «მიტანა». თქვენ შეძლებთ გამგზავნთან და მიმღებთან დარეკვას უშუალოდ შეკვეთის ეკრანიდან, ანდა საპასუხო ზარის შეკვეთას თანამშრომლისგან. თუ დამატებითი ოფციები არ არის, უნდა იმოქმედოთ ასე:

1. მიიღეთ შეკვეთა ჩვეულებრივად.

2. მიდით ა წერტილში და დააჭირეთ ღილაკს «ადგილზე».

3. დაელოდეთ გამგზავნს.

4. დარწმუნდით, რომ გზავნილი და შეფუთვა შეესაბამება მოთხოვნებს.

5. წაიღეთ გზავნილი და დააჭირეთ ღილაკს «წავედით».

6. დარეკეთ ან შეუკვეთეთ ზარი მიმღებთან — უნდა გააფრთხილოთ, რომ გამოხვედით.

7. მიდით ბ წერტილში და დააჭირეთ ღილაკს «ლოდინი».

8. შეხვდით მიმღებს და მიეცით გზავნილი.

9. დაასრულეთ მგზავრობა.

წაიღეთ თან პასპორტი ან მართვის მოწმობა — ბევრ ბიზნესცენტრში საბუთების გარეშე შესაძლოა არ შეგიშვან გაჩერდით რაც შეიძლება ახლოს გამგზავნთან და მიმღებთან, რათა შორს არ იაროთ.

მოთხოვნები გზავნილის მიმართ

ყურადღებით დაათვალიერეთ გზავნილი, სანამ წამოიღებთ მას გამგზავნისგან. რას უნდა მიაქციოთ ყურადღება:

• გზავნილი არ უნდა იყოს ჩემოდანზე დიდი ზომის და უნდა ეტეოდეს საბარგულში. მაქსიმალური წონა — 20 კგ.

• ფასეული ნივთები კარგად უნდა იყოს შეფუთული.

• თუ შეფუთვა დაზიანებულია ან საერთოდ არ არსებობს, შეგიძლიათ უარი თქვათ შეკვეთაზე. ფასეულ გზავნილს შეფუთვის გარეშე ან დაზიანებულ შეფუთვას უნდა გადაუღოთ ფოტოსურათი გამგზავნთან ერთად. თუ კლიენტები დაიწყებენ იმის მტკიცებას, რომ გზავნილი დაზიანდა მგზავრობის დროს, ფოტოსურათი დაამტკიცებს, რომ თქვენ არაფერ შუაში ხართ.

თუ გზავნილი არ შეესაბამება მოთხოვნებს, გააუქმეთ შეკვეთა და მიწერეთ მხარდაჭერას. მოგვიყევით, რაში იყო პრობლემა და ჩვენ დაგიბრუნებთ აქტიურობის ქულებს გაუქმებისთვის.