თანამგზავრებთან ერთად მგზავრობათა შესრულების წესი

თანამგზავრებთან ერთად მგზავრობა გულისხმობს, რომ მომხმარებელს, შესაძლოა, კიდევ ერთი ადამიანი დაემგზავროს, მძღოლებს კი საშუალება ეძლევათ, ერთდროულად ორი შეკვეთა შეასრულონ.

განსხვავებები თანამგზავრებთან ერთად მგზავრობის შემთხვევაში:

• თუ მეორე თანამგზავრს მიაკითხავთ, ის კი მარტო არ აღმოჩნდება, გააუქმეთ შეკვეთა აქტივობის დაკლების გარეშე, შემდეგ კი მისწერეთ მხარდაჭერის სამსახურს. წარმატებული შემოწმების შემდეგ, შესაძლოა, პრომოკოდი* მიიღოთ, შეკვეთები სერვისის საკომისიოს გარეშე რომ შეასრულოთ.

• თუ ერთდროულად ორივე თანამგზავრის შეკვეთას მიიღებთ, ამის შესახებ ინფორმაცია მითითებული იქნება ახალი შეკვეთის ბარათში.

*მაქსიმუმ 1 პრომოკოდი დღეში

თანამგზავრებთან ერთად მგზავრობათა პრინციპი

აპი ეძებს ორ მომხმარებელს, რომელთაც ერთი მიმართულება აწყობთ. მძღოლი ჯერ ერთ მათგანს მიაკითხავს, შემდეგ კი — მეორეს და შესაბამის მისამართებზე ჩამოსვამს მათ. ამასთან, ავტომობილში ერთდროულად შეიძლება იყოს მაქსიმუმ ორი მგზავრი (თითოეულმა უნდა დაიკავოს თითო ადგილი).

ორ თანამგზავრთან ერთად მგზავრობა ორ შეკვეთად ითვლება. აღნიშნულის გათვალისწინება ხდება აქტივობის ქულების დარიცხვისას და პერსონალური მიზნების განხორციელებისას.

თანამგზავრებთან ერთად მგზავრობისთვის მძღოლი ყოველთვის მიიღებს, სულ მცირე, შეკვეთის მინიმალურ ღირებულებას, რომელსაც ითვალისწინებს ტარიფი. თუ თანხა ნაკლები გამოვა, სხვაობა ანაზღაურდება ბონუსის სახით Yandex Pro‑ს ბალანსზე.

თანამგზავრთან ერთად გასამგზავრებლად მომხმარებელი ირჩევს შესაბამის ტარიფს მგზავრის აპში. ამასთან, ის ხედავს, რომ:

• გზაში გატარებული დრო, შესაძლოა, გახანგრძლივდეს;

• ამ ტარიფით მგზავრობისას ის მარტო უნდა იყოს;

• მგზავრს თან არ უნდა ახლდეს ცხოველი ან არ უნდა ჰქონდეს დიდგაბარიტიანი ბარგი — მაგალითად, თხილამურები.

თანამგზავრებთან ერთად მგზავრობათა შესრულების წესი

შეკვეთა, შესაძლოა, ორივე თანამგზავრისგან ერთდროულად მიიღოთ, ან მეორე თანამგზავრი მგზავრობის დროს მოიძებნოს, რა შემთხვევაშიც Yandex Pro გაგაფრთხილებთ და ავტომატურად გადააწყობს მარშრუტს.

როცა პირველი მომხმარებელი ჩაჯდება ავტომობილში, დააჭირეთ ღილაკს «წავედით» და მიჰყევით მარშრუტს.

როცა მეორე მომხმარებელს მიაკითხავთ, კვლავ უნდა დააჭიროთ ღილაკს «ადგილზე», ხოლო როცა ისიც ჩაჯდება ავტომობილში, დააჭირეთ ღილაკს «წავედით». Yandex Pro შეადგენს ოპტიმალურ მარშრუტს ორივე მგზავრის ჩამოსმის წერტილების გათვალისწინებით.

ერთ-ერთი მგზავრი პირველი ჩამოვა, ამიტომ ჯერ ერთი მგზავრობა უნდა დაასრულოთ. ეკრანზე გამოჩნდება მგზავრობის ღირებულება და მიღებული აქტივობის ქულები. თანამგზავრები ცალ‑ცალკე იხდიან მგზავრობის საფასურს. თუ მგზავრს მითითებული ჰქონდა ნაღდი ანგარიშსწორება, არ დაგავიწყდეთ თანხის მიღება. მეორე მომხმარებლის ავტომობილიდან გადასვლის შემდეგ დაგჭირდებათ კიდევ ერთი მგზავრობის დასრულება.