რა უნდა ქნათ, თუ ტელეფონის ნომერს გთხოვენ

არ მისცეთ ნომერი — რა საბაბითაც არ უნდა გთხოვდნენ მას.

ნომერს ითხოვენ მხოლოდ ბოროტმოქმედები — ის მათ სჭირდებათ სპამ-გზავნილებისთვის, სარეკლამო ზარებისთვის და კრედიტის გაფორმების შესათავაზებლად.

ნამდვილი მგზავრები არ გთხოვენ ტელეფონის ნომერს — მათ შეუძლიათ დაგიკავშირდნენ აპლიკაციის საშუალებით.

როგორ ცდილობენ ბოროტმოქმედები გამოგტყუონ ნომერი

ბოროტმოქმედები წერენ ჩატში ან შეკვეთის კომენტარებში რაიმე გამოგონილი საბაბით:

• ტაქსი გამოვიძახე სხვა ადამიანისთვის ან უცხოელისთვის;

• საჭიროა რამის გადაცემა ან წამოღება;

• საჭიროა რამის ყიდვა, ხოლო მერე გადმოგირიცხავენ ფულს ტელეფონის ნომრით.

თუ ასე არ გამოდის, ისინი ცდილობენ მიიღონ ნომერი უფრო დახვეწილი გზებით:

• მიუთითებენ კომენტარებში თავის ნომერს და გთხოვენ გადაურეკოთ მოწოდების წინ;

• წარმოადგენენ თავს სერვისის წარმომადგენლებად და გთხოვენ პირადი მონაცემების გაგზავნას მესენჯერში;

• წარმოადგენენ თავს ბანკის თანამშრომლებად და ამბობენ საეჭვო ოპერაციის შესახებ თქვენს საკრედიტო ბარათზე.

განსაკუთრებული შემთხვევები

თქვენ შეიძლება დაგირეკონ და წარმოგიდგინონ თავი უსაფრთხოების ორგანოების თანამშრომლებად — გთხოვონ დახმარება, დაგისვან კითხვა ან მიგიწვიონ კიდეც მათთან მისასვლელად. ბოროტმოქმედები არიან ისინი თუ არა — უცნობია. მიაწოდეთ თქვენი ტაქსოპარკის საკონტაქტო ინფორმაცია და სთხოვეთ მიმართონ მათ ოფიციალური მოთხოვნით.

როცა აგზავნით ნომერს, სისტემა ავტომატურად ანაცვლებს მას სერვისის საერთო ტელეფონით. ამიტომ ბოროტმოქმედები გთხოვენ დაწეროთ ტელეფონის ნომერი არა ჩვეულ ფორმატში, მაგალითად, ციფრების მონაცვლეობით ასოებთან ან სიმბოლოებთან.

რატომ არ მოგთხოვთ ნამდვილი მგზავრი თქვენს ნომერს

მძღოლი და მგზავრი შეიძლება დაუკავშირდნენ ერთმანეთს აპლიკაციის საშუალებით, ამიტომ მათ არ სჭირდებათ თქვენი პირადი ტელეფონის ნომერი, რომ დაგირეკონ მიწოდების წინ.

მგზავრის აპლიკაციაში არის ვარიანტი «შეკვეთა სხვა ადამიანისთვის». ტაქსის მიწოდებისას ადამიანს მიუვა ცნობა მანქანის ნომრით და მძღოლის დაშიფრული ნომრით, ამიტომ ნომრის ცალკე თხოვნა კომენტარებში ან ჩატში საჭირო არ არის.

ზოგიერთ ქალაქში უკვე მოქმედებს ტარიფი «მიტანა» — მისი არჩევა შეუძლია მომხმარებელს, რათა გააგზავნოს რაიმე ამანათი.

თუ ტაქსის იძახებს უცხოელი, მას არ ჭირდება თქვენი ტელეფონის ნომერი — მგზავრს შეუძლია დაწეროს ჩატში, სადაც ტექსტი ავტომატურად ითარგმნება ქართულად და პირიქით.

თუ მგზავრს ჭირდება რამის ყიდვა მგზავრობის დროს, თქვენ შეგიძლიათ შესთავაზოთ მას გაჩერება, რათა მაღაზიაში შევიდეს.

სერვისი გამოითხოვს მონაცემებს მძღოლებისგან მხოლოდ Yandex Pro-ს საშუალებით, მძღოლთა ცენტრებში ან მხარდაჭერის სამსახურში მიმართვისას. მესენჯერები ამისთვის არ გამოიყენება.