რატომ არის მნიშვნელოვანი ღვედის შეკვრა

გაიგეთ, რამდენი პროცენტით ამცირებს უსაფრთხოების ღვედი ტრავმების მიღების რისკს და როგორ შეუძლია მგზავრს მძღოლის სიცოცხლის გადარჩენა.

რატომ უნდა შეიკრათ უსაფრთხოების ღვედი

რისთვის არის ეს საჭირო — ამის პასუხი გზებზე ავარიების სტატისტიკაშია. ექსპერტების ცნობით, მსოფლიოს მასშტაბით სურათი ამგვარად გამოიყურება:

• 80 კმ/სთ სიჩქარით ავარიისას მგზავრის წონა იზრდება 80-ჯერ, ამიტომ იზრდება ტრავმების მიღების რისკი. უსაფრთხოების ღვედი ამცირებს ავარიის შედეგებს.

• წინა სავარძელზე უსაფრთხოების ღვედი ავარიების 50% შემთხვევაში გადაარჩენს მგზავრის სიცოცხლეს.

• გვერდული შეჯახებისას შეკრული ღვედები საშუალებას იძლევა 1,8-ჯერ შემცირდეს დაღუპვის და მძიმე ტრავმების მიღების რისკი.

• პირისპირ შეჯახებისას 2-ჯერ მცირდება დაღუპვის და მძიმე ტრავმების მიღების რისკი. ეს აქ ჩანს:

• თუ მანქანა გადატრიალდა, დაღუპვის და მძიმე ტრავმების მიღების რისკი მცირდება 5-ჯერ. იხილეთ, რაშია განსხვავება:

რატომ უნდა სთხოვოთ მგზავრს, შეიკრას უსაფრთხოების ღვედი

მგზავრობა უსაფრთხოების ღვედის გარეშე საგზაო მოძრაობის წესების დარღვევაა: მძღოლი პასუხისმგებელია იმაზე, რომ ყველა მგზავრს მანქანაში ჰქონდეს შეკრული უსაფრთხოების ღვედი (საქართველოს ადმინისტრაციულ სამართალდარღვევათა კოდექსის 118-ე მუხლი).

შეუკვრელი უსაფრთხოების ღვედისთვის შეიძლება დაგაჯარიმონ: თუ მძღოლმა არ შეიკრა უსაფრთხოების ღვედი, ჯარიმა შეადგენს 40 ლარს, თუ მგზავრმა წინა სავარძელზე არ შეიკრა უსაფრთხოების ღვედი, მაშინ 40 ლარით მაინც დააჯარიმებენ მძღოლს — მგზავრის გადაყვანისთვის უსაფრთხოების ღვედის შეკვრის გარეშე.

მგზავრის უსაფრთხოების ღვედს შეუძლია მძღოლის სიცოცხლის გადარჩენა: წინა სავარძელზე მსხდომთა 80% შეიძლება გადარჩენილიყო, უკანა სავარძლებზე მსხდომ მგზავრებს უსაფრთხოების ღვედი შეკრული რომ ჰქონოდათ. თვალსაჩინო შედარება:

მითია, რომ უკანა სავარძლებზე უფრო უსაფრთხოა: პირისპირ შეჯახებისას მცირე სიჩქარისასაც კი მგზავრი შეუკვრელი უსაფრთხოების ღვედით გადაქანდება წინ, დაშავდება თვითონ და მიაყენებს ტრავმებს მათ, ვინც წინ იმყოფება.

👉 თავაზიანად შეახსენეთ მგზავრს, რომ საჭიროა უსაფრთხოების ღვედის შეკვრა. აუხსენით, რომ ეს მნიშვნელოვანია. მაგალითად, ასე: «გთხოვთ, შეიკრათ უსაფრთხოების ღვედი. ეს აუცილებელია საგზაო მოძრაობის წესების თანახმად და დაგეხმარებათ თქვენი თავის დაცვაში».

გთხოვთ, ხაზზე გასვლის წინ შეამოწმოთ, გამართულია თუ არა უსაფრთხოების ღვედები. უსაფრთხოების ღვედის ყველა ნაწილი უნდა იყოს გამართული, უსაფრთხოების ღვედი ხელმისაწვდომი უნდა იყოს მგზავრისთვის: ნორმალურად უნდა იკვრებოდეს და იწელებოდეს, მაგრამ უნდა ფიქსირდებოდეს მკვეთრად მოძრაობისას.

როგორ ვამოწმებთ უსაფრთხოების ღვედებს

ფოტოკონტროლზე აუცილებლად ვამოწმებთ, როგორ მდგომარეობაშია უსაფრთხოების ღვედები. თუ ისინი გაუმართავია, დამალულია ან საერთოდ არ არსებობს, მაშინ მანქანა არ იქნება დაშვებული შეკვეთების შესასრულებლად.

ასევე ჩვენ ყურადღებას ვაქცევთ მგზავრების საჩივრებს და საიდუმლო მყიდველების შემოწმებებს.

შეკრული და გამართული უსაფრთხოების ღვედი — ეს სერვისის სტანდარტების აუცილებელი მოთხოვნაა. თუ თქვენ არ დაიცავთ მათ, თქვენი წვდომა აპლიკაციაზე შეიძლება შეიზღუდოს.

გამოსახულებების და ვიდეოს წყაროები: Youtube, channel YOUCAR и zerofatalities