Қолдау қызметіне қалай жүгіну керек

Қолдау қызметінің қызметкерлері келесідей қиын жағдайларда сізге көмектеседі:

• Жол апаты сияқты форс-мажор салдарынан тапсырысты аяқтай алмай отырсыз.

• Алушы байланысқа шықпай жатыр немесе есікті ашпай жатыр, сондай-ақ үш қоңыраудан кейін сізде «Қайтару» батырмасы пайда болды.

• Сәлемдемелерді шатастырып алдыңыз.

• Жіберушіге немесе алушыға смс-пен растау коды келмей жатыр.

• Сізде жіберушімен немесе алушымен күрделі дау туындады.

• Сәлемдеме ішінде тыйым салынған заттың болғанын біліп қойдыңыз.

• Тапсырысты техникалық тұрғыдан аяқтау мүмкін болмай тұр.

Қолданбада қолдау қызметімен қалай байланысуға болады

Қолдау қызметіне екі тәсілмен жүгінуге болады:

1. Қазіргі тапсырыс бойынша сұрағыңыз болса. Тапсырыс картасында «Қолдау қызметі» батырмасын басыңыз — осылай сізге тезірек жауап береді.

2. Басқа сұрағыңыз болса. Профильде «Қолдау қызметі» бөлімін тексеріңіз — жауабы сол жерде болуы мүмкін. Проблема шешілмесе, қолдау қызметінің қызметкерлеріне жазыңыз. Бұны қалай жасау керектігін көру үшін галереяны қараңыз:

Қолдау қызметіне қалай дұрыс жазу керек

Бір сұрақ — қолдау қызметіне бір жүгіну. Хабарламаны қолдау қызметіне жіберген кезде, ол кезекке тұрады. Қатарынан бірнеше хабарлама жазсаңыз, әр жаңа хабарлама сізді кезектің соңына жіберіп отыратын болады.

• Бұрыс: «жауап қайда?», «неге жауап бермейсіз?» деп жазу. Қайтадан кезектің соңында болып, одан да ұзақ күтуге тура келеді.

• Дұрыс: сұрағыңызға жауапты күтіп, бұдан кейін келесі сұрақты қою. Осылайша көмекті тезірек аласыз.

Тіл тигізбеңіз — тіл тигізіп жазылған хабарламалар басқаларынан кейін қаралады.