Тапсырыстарға не үшін қол жеткізуді шектейді

Кейбір жағдайларда курьерлерге тарифке қол жеткізуді шектейді. Бұның қандай жағдай екенін және қол жеткізуді қалай қайтаруға болатынын айтайық.

Сервис стандарттарын бұзу

Пайдаланушылар курьерге жиі шағымданса, тарифке қол жеткізу шектелуі мүмкін. Жиі кездесетін шағымдар:

• қосымша төлемді талап етті

• тіл тигізді

• тапсырысты есікке дейін жеткізуі керек болса да, олай жасаған жоқ

• термоқораптың болуын көрсетсе де, термоқорапсыз келді

• курьер «Жеткіздім» статус қойып, бірақ сәлемдемені алушыға табыстаған жоқ

• курьер «Сәлемдеме табысталды» статус қойып, бірақ сәлемдемені алушыға табыстаған жоқ

• тапсырысты зақымдады

• кешігіп келді

Курьер тапсырысқа кешігіп жатыр немесе пайдаланушымен байланысқа шықпайды сияқты кейбір проблемаларды жүйе автоматты түрде анықтайды. Осындай жағдайлар жиі қайталанса, курьерге ескерту жасалады. Бұзушылықтар жалғаса берсе, тапсырыстарға қол жеткізу уақытша шектеледі. Курьерге бонустарға қол жеткізу де шектелуі мүмкін.

Шектеу мерзімі өтіп кеткен соң, тапсырыстарға қол жеткізу автоматты түрде қалпына келеді.

Заңсыз әрекеттер

Бұзушылық өрескел болса, мысалы, курьер сәлемдемені ұрлап әкетсе, оған сервиске қол жеткізу біржола шектелуі мүмкін.

Төмен Белсенділік

Белсенділік тапсырыстармен қалай жұмыс істейтініңізді көрсетеді. Жеткізуде тіркелгеннен соң сіздің Белсенділігіңіз 100 баллды құрайды. Бұл максималды мән, одан көп бола алмайды.

Тапсырыстарды орындай бастағанда, сервис әр өткізіп алған немесе доғарған тапсырыс үшін баллдарды алып тастап, ал сәтті орындалған жеткізуге баллдарды есептеп қосады. Жиі доғару салдарынан Белсенділігіңіз 10 баллға дейін түсіп қалса, сервиске қол жеткізуді шектейтін болады.

Төмен рейтинг

Курьерлердің рейтингісі 4.75 және 5 аралығында болса, олар тапсырыстарды алады. Рейтинг 4.75 төмен түсіп қалса, тапсырыстарға қол жеткізу шектеліп, курьердің тарифі өшіп қалады.

Төмен рейтинг себепті сервиске қол жеткізуіңізді шектесе, тапсырыстарды алуды жалғастыру үшін тарифті қайтадан қосу керек. Бұл үшін:

1. Яндекс Pro профилінде «Тарифтер» бөліміне кіріп, қажетті тарифтің қасындағы ауыстырып қосқышты жылжытыңыз,

2. тренингті қараңыз,

3. тесттен өтіңіз.

Тесттен сәтті өтсеңіз, 6 айға уақытша қол жеткізу ашылады. Бұл уақытта 150 тапсырыс орындап, рейтингті 4.8 дейін көтеру керек.

Бұл уақытта рейтинг түсуді жалғастырып, 4.65 төмен түсіп қалса, уақытша қол жеткізу жабылады. Қол жеткізуді жарты жылдан соң қалпына келтіруге болады.

Тесттен өтпесеңіз, тапсырыстарға қол жеткізу жарты жылға жабылады.