Жеке кәсіпкер жүргізушілер салықтар мен жарналарды қалай және қашан төлеу керек
Соңғы жаңартпа
17 Dec 2023
Жеке кәсіпкерлер ай сайын салықтар мен әлеуметтік жарналарды/аударымдарды төлейді:
табыс салығы — өткен айдағы табыс сомасынан 1%;
медициналық сақтандыру үшін жарна — 4 900 ₸;
зейнетақылық сақтандыру үшін жарна — 7 000 ₸;
әлеуметтік аударымдар — 2 450 ₸;
1% салық — арнайы мобильді қолданба пайдаланылатын арнайы салық режимінде ғана қолжетімді.
Әр айдың 25-не дейін жеке кәсіпкерлер салықтар мен әлеуметтік жарналарды төлейді. Егер олай жасамаса — келесі күннен бастап өсімпұл есептеле бастайды.
Салықтар мен жарналарды уақытылы төлеп отыру маңызды. Бұл заңнама талабы, осылайша сіз мерзімді өткізіп алған үшін өсімпұл алмайсыз және мемлекет тарапынан берілетін әлеуметтік кепілдіктерге қолжетімділікті сақтайсыз.
Салықты (ЖТС) өзіңізге ыңғайлы екінші деңгейлі кез келген банк немесе «E-Salyq Business» арқылы, ал әлеуметтік жарналарды қазіргі сәтте тек екінші деңгейлі банк арқылы төлеуге болады.
Өз салықтарын «E-Salyq Business» арқылы қарап шығу үшін
Әлеуметтік жарналарды/аударымдарды екінші деңгейлі банк арқылы төлеуге болады. Әдетте, бұл ақпарат банктің қолданбасынан әлеуметтік жарналардың атауы бойынша іздеген кезде қолжетімді. Мысалы: «Әлеуметтік аударымдар», «Міндетті зейнетақы жарналары», «Міндетті әлеуметтік мед. сақтандыру аударымдары».
Сіздің банк ұсынатын функционалға қарай, әрбір әлеуметтік жарнаны бөлек төлеуге болады.