Егер сізден телефон нөміріңізді сұрап жатса, не істеу керек

Нөмірді — қандай себеппен сұраса да — бермеңіз.

Нөмірді тек алаяқтар ғана сұрап алады — ол оларға спам жіберу, жарнамалық қоңырау шалу және несие ресімдеуді ұсыну үшін қажет.

Нағыз жолаушылар сіздің телефон нөміріңізді сұрамайды — олар сізге қолданба арқылы хабарласа алады.

Алаяқтар нөмірді қалай алып алады

Алаяқтар чатқа немесе тапсырысқа түсініктемелерге қандай да бір ойдан шығарылған себеппен жазады:

• такси басқа адамға немесе шетелдік адамға шақырылды;

• бірнәрсе жіберу немесе алып кету керек;

• бірнәрсе сатып алу керек, ақшасын кейін телефон нөмірі арқылы аударады.

Егер бұл көмектеспесе, олар нөмірді одан да тапқыр тәсілдермен алуға тырысады:

• түсініктемеде өз нөмірін көрсетіп, жөнелту алдында қоңырау шалуды сұрайды;

• Яндекс Такси сервисінің атынан сөйлеп, жеке деректерді мессенджерге жіберуді сұрайды;

Нағыз жолаушы неліктен сіздің нөміріңізді сұрамайды

Жүргізуші мен жолаушы бір-бірімен қолданба арқылы хабарласа алады, сондықтан сізге көлікті жөнелту алдында қоңырау шалу үшін оларға сіздің жеке нөміріңіз керек емес.

Жолаушылардың қолданбасында «Басқа адам үшін тапсырыс беру» опциясы бар. Таксиді жөнелту кезінде ол адамға машинаның нөмірі және жүргізушінің шифрланған нөмірі бар хабарлама келеді, сондықтан чат немесе түсініктемелер арқылы нөмірді бөлек сұрау керек емес.

Кейбір қалаларда «Жеткізу» тарифі істейді — қандай да бір жөнелтімді жіберу үшін пайдаланушы соны таңдай алады.

Егер таксиді шетелдік адам шақыртып жатса, оған сіздің телефон нөміріңіз керек емес — жолаушы чатқа жаза алады, ал мәтін автоматты түрде орыс тіліне және керісінше аударылып отырады.

Егер сапар кезінде жолаушыға бірдеңе сатып керек болса, сіз оған тоқтауды және дүкенге кіріп шығуды ұсына аласыз. Өз есебіңізден бірнәрсе сатып алмауға кеңес береміз — ақшаны қайтаратындығына кепіл жоқ.

Яндекс Такси сервисі жүргізушілерден деректерді тек Яндекс Про арқылы, жүргізушілерге арналған орталықтарда немесе қолдау қызметіне хабарласқан кезде ғана сұрайды. Бұл үшін мессенджерлер қолданылмайды.

Яндекс Такси жүргізушілердің деректерін қалай қорғайды

Қауіпсіздікті қамтамасыз ету үшін біз қолданбада нағыз телефон нөмірлерін шифрлаймыз — жолаушы мен жүргізуші бір-бірінің нөмірін көрмейді. Қоңырау шалған кезде жүргізуші оны жолаушымен қосатын роботты естиді. Жолаушы жүргізушіге қоңырау соққан кезде де осылай болады. Шифрлау Қазақстанның көптеген жерінде істейді және жақын арада бүкіл аумағын қамтитын болады.

Мұқият болуды өтінеміз. Алаяқтар сіздің телефон нөміріңізді кез келген себеппен алуға тырысады. Келіспеңіз, оның орнына қолдау қызметіне жазыңыз немесе кері қоңырау сұратыңыз — біз ол сіздің мазаңызды ала бермеу үшін және басқа серіктес жүргізушілерге хабарласа бермеу үшін іс-шаралар жүргіземіз.