«Жүргізуші» тарифі
Соңғы жаңартпа 4 Dec 2025
Пайдаланушы өзінің машинасын жүргізгісі келмегенде немесе жүргізе алмағанда, өз шеберлігіңізді көрсете аласыз.
Тарифтің артықшылықтары
Сапарлар Business және Premier тарифтеріне қарағанда қымбатырақ
Тарифтің шарттарын мына жерден қарай аласыз.
Қызықты автокөліктерді жүргізіп көру мүмкіндігі
«Жүргізуші» тарифінде тапсырыстарды қалай орындау керек
Клиентпен кездескенге дейін
Сізге «Жүргізуші» тарифі бойынша тапсырыс түскен кезде, тарифтің атауын «Қабылдау» батырмасынан көресіз.
Тапсырысты қабылдап, көрсетілген жерге барыңыз.
Машинаңызды жақын жердегі тұраққа қойып, клиентке жаяу барыңыз. Қажет болса, өз автокөлігіңіз үшін тұрақ ақысын төлеңіз.
Қажетті нүктеге жеткен соң, «Келдім» батырмасына басыңыз.
Яндекс Про-ны «Бос емес» режиміне ауыстыруды ұмытпаңыз. Тапсырысты орындап болғаннан кейін, өз машинаңызға оралу үшін біршама уақыт күту қажет болады. Егер сол сәтте сізге жаңа тапсырыс түссе, одан бас тартып, басымдық ұпайларын жоғалтуға тура келеді.
Клиентпен кездесу және сапарды бастау
Клиентке келгеніңізді ескертіңіз. Оған чат арқылы жазыңыз: сәлемдесіңіз, өзіңізді таныстырыңыз және оны қалай табу керектігін сұраңыз. Мысалы:
«Сәлеметсіз бе! Менің есімім Есім, мен сіздің жүргізушіңізбін. Сіз көрсеткен жерге (мекенжайы немесе атауы) Х минуттан кейін келе аламын. Сіз қай жердесіз?»
Егер клиент чатта 5 минут ішінде жауап бермесе, оған қоңырау шалыңыз. Егер ол қоңырауға жауап бермесе, жөнелту нүктесіне барып, жолаушыны кем деген 10 минут күтіңіз. Содан кейін тапсырыстан басымдықты жоғалтпастан бас тартуға болады.
Клиентпен көріскен кезде ОГПО сақтандыруын тексеріңіз. Келесідей сұрай аласыз: «Маған ОГПО сақтандыруыңыз бар-жоғын білу керек, қарауға рұқсат етесіз бе?»
Сондай-ақ пайдаланушының көлік құралын тіркеу туралы куәлігін тексеріңіз.
Егер құжаттар түгел болса, клиенттің машинасында жайлылық пен қауіпсіздікке әсер ететін нәрсенің бәрін реттеп алыңыз: мысалы, жүргізуші креслосының, рөл бағанасының, айналардың орналасуы.
Сапарды бастаңыз.
Сапарды аяқтау
Клиент көрсеткен нүктеге келіп, машинаны тұраққа қойыңыз.
Қоштасып, машинаның кілтін қайтарып беріңіз.
Мобильді қосымша арқылы тапсырысты аяқтаңыз.
Желіге оралу
Өз автокөлігіңізге оралыңыз және қажет болса, тұраққа төлеңіз. Тапсырыстарды қайтадан қабылдауға дайын болған кезде, Яндекс Про-да «Желіде» күйін орнатыңыз.
Жауапкершілік және қауіп-қатерлер
Біреудің автокөлігін жүргізгенде қауіп-қатер жоғары болады. Сондықтан сіз:
Жолаушыда ОГПО болмаса тапсырысты орындаудан бас тарта аласыз.
Былай айтсаңыз болады:
«Кешіріңіз, сіздің автокөлігіңіздің рөліне отыруға менің құқығым жоқ, себебі сізде ОГПО полисі жоқ. Өкінішке орай, тапсырыстан бас тартуға мәжбүрмін. Қаласаңыз, сізге такси шақыртуға көмектесе аламын».
Егер жолда бірдеңе дұрыс болмаса — мысалы, жолаушы дөрекілік танытса және автокөлікті жүргізуге кедергі келтірсе, тапсырысты тоқтата аласыз.
Мұндай жағдайда Яндекс Про арқылы қолдау қызметіне жазып, тоқтату себебін айтып беріңіз.
Тарифке рұқсатты қалай алуға болады
Премиум тарифтердің стандарттарын қайталап оқып шығыңыз — оларды төмендегі батырма арқылы ашуға болады.
Яндекс Про-да оқыту курсынан өтіңіз.
Ол үшін парақшадағы «Тарифтер» бөлімін ашып, тізімнен «Жүргізуші» опциясын тауып, ауыстырып-қосқышқа басыңыз.