Piyoda kuryerlar uchun xizmat standartlari

Xizmat standartlari — bu kuryerlar rioya qilishi kerak boʻlgan qoidalar. Agar ushbu qoidalarga rioya qilsangiz, foydalanuvchilar koʻp hollarda sizga yuqori baho qoʻyadi.

Foydalanuvchilar bilan qanday muloqot qilish kerak

• Xushmuomala boʻling: salomlashish va xayrlashishni unutmang, foydalanuvchilarga «siz» deb murojaat qiling.

• Tabassum qiling — kayfiyatingiz ham umumiy taassurotga taʼsir qiladi.

• Buyurtmalardagi izohlarni oʻqing va ularga rioya qilishga harakat qiling. Agar «Eshik qo‘ng‘irog‘ini bosmang» deyilgan boʻlsa, taqillating — xonadonda bola uxlayotgan boʻlishi va qo‘ng‘iroq uni uyg‘otib yuborishi mumkin.

• Biror narsa haqida suhbatni boshlamasligingiz yoki buyurtma bilan bogʻliq boʻlmagan narsaga izoh bermasligingiz kerak. Shunday qilib siz vaqt yoʻqotmaysiz va tasodifiy nizolardan qochasiz.

• Sizga yuqori baho qoʻyishni soʻramang. Agar hamma narsani toʻgʻri bajargan boʻlsangiz, katta ehtimol bilan foydalanuvchining oʻzi baho qoʻyishni istaydi.

Qanday kiyinish kerak

Buyurtmalarni qanday kiyimda bajarishni oʻzingiz tanlaysiz — buyurtmalar uchun majburiy forma talablari yoʻq.

Qulay kiyim va poyabzal tanlang.

Sizdan sport kiyimi, plyaj kiyimi, yengsiz mayka, shippak va slansi kiymasligingizni soʻraymiz. Bu noprofessional koʻrinadi, shuning uchun foydalanuvchilar sizga past baho berishi va reytingingiz tushishi mumkin.

Oʻzingiz bilan nima olishingiz kerak

Sizga asqotadi:

• qaytim uchun naqd pul

• telefonni quvvatlash uchun tashqi akkumulyator

• termoqutingiz boʻlmasa, kichik joʻnatmalarni solishingiz mumkin boʻlgan mustahkam paketlar

• pasport yoki haydovchilik guvohnomasi — ayrim biznes markazlari hujjatsiz ichkariga kirishga ruxsat bermaydi.

Shaxsiy narsalar uchun ryukzak yoki bel sumkasi mos keladi — ular yordamida qoʻllaringiz boʻsh boʻladi.

Agar sizda termoquti boʻlsa, unda shaxsiy narsalar uchun maxsus choʻntaklar boʻlishi mumkin. Narsalaringizni quti ichida saqlash taqiqlanadi.

Buyurtmani qanday amalga oshirish kerak

• Buyurtmani qabul qilgandan keyin, darhol oluvchi tomon harakatlaning.

• Joʻnatmani olganingizda, oluvchiga qoʻngʻiroq qiling va unga borayotganingiz haqida xabar bering.

• Joʻnatmani har doim yuboruvchining xonadoni yoki idorasi eshigi oldidan oling va oluvchining eshigi oldigacha yetkazing.

• Agar foydalanuvchi marshrutni oʻzgartirishni istasa, undan tugash nuqtasini ilova orqali oʻzgartirishni soʻrang.

Servisda nimalar taqiqlanadi

• Yandex Delivery foydalanuvchilari va mutaxassislariga qoʻpol munosabatda boʻlish.

• Nizolarni boshlash.

• Yuboruvchidan buyurtmani bekor qilishni yoki Yandex Pro ilovasini chetlab oʻtishni soʻrash

• Foydalanuvchidan yetkazish uchun «besh» baho qoʻyishni soʻrash.

• Oluvchidan Yandex Pro ilovasida koʻrsatilganidan koʻproq pul soʻrash.

• Mavjudligini tasdiqlab belgi qoʻyilgan va Yandex Pro ilovasida foto-nazoratdan oʻtkazilgan boʻlsa ham, buyurtmalar uchun termoqutisiz kelish.

• Joʻnatmalarni ochish yoki shikast yetkazish. Agar joʻnatma topshirish vaqtida shikastlangan boʻlsa, yuboruvchi oldida shikastlangan joyni suratga oling. Muhim: Foydalanuvchining yuzi kadrga tushmasligi kerak

• Joʻnatmalarni oʻzlashtirish.

• Buyurtmalarni begona profilda bajarish yoki oʻz hisobini boshqa kuryerga berish.

• Yuboruvchi yoki oluvchining maʼlumotlaridan shaxsiy maqsadlarda foydalanish — foydalanuvchilarga buyurtmadan boshqa maqsadlarda qoʻngʻiroq qilmang va yozmang.

• Liniyaga mast holda chiqish.

•  Yandex Delivery xizmatiga nisbatan insofsiz harakatlarni amalga oshirish.

Nimani yetkazish mumkin emas?

• hayvonlarni

• pul va qimmatbaho buyumlarni

• Oʻzbekiston hududida muomalasi taqiqlangan yoki cheklangan qurol va giyohvand moddalarni

• xavfli moddalar (toʻliq roʻyxat bilan tanishing)

• biologik materiallar, masalan, qon

• retsept bilan beriladigan dorilar

• maxsus qadoqsiz moʻrt narsalar va ochiq idishlarda suyuqliklar

• maxsus yetkazish shartlarini talab qiladigan oziq-ovqat mahsulotlari va boshqa joʻnatmalar — agar sizda termoquti boʻlmasa

• termoqutini dogʻ qilishi yoki shikastlashi mumkin boʻlgan joʻnatmalar

Agar jo‘natmada ushbu ro‘yxatdagi biror narsa borligini aniqlasangiz, yetkazishni rad eting va Yordamga xabar bering.